احساس رابح 2008 ..}كلمــــات الالــبوم .

-1-
ماعاش
كلمات / منصور الشادي
ألحان / رابح صقر
توزيع / طارق عاكف
ماعاش والله من يفكر يزعلك
ماجابته للحين ياعمري امه
من عاملك بلطف لازم يعاملك
ومع كل كلام يحسبه كلمه بكلمه

مفروض يحمد ربه اللي يقابلك
سمه غرور الي تسميه سمه
ان قلت كامل الله اللي مكملك
الزين يا انت أخوه ياولد عمه

كلن يبي قربك ولحدن بطايلك
الورد ما كل من يشوفه يشمه
غصبن عليه اللي يعرفك يدللك
وان كان مادللك ماعنده ذمه

-2-
احساس
كلمات / فيصل بن خالد بن سلطان
ألحان / رابح صقر
توزيع / عصام الشرايطي

احـسـاس ماحسـيت فيه بحياتـي ... ولا طرالي مثــل هـذا علي البـــال
كلمنـي أكثر عنـك وأترك سكاتـي ... بتأملك وأتـخيــلك أجـمـل امــال

انت الهنا وانت الحلـى وامنياتــي ... ويازيــن هالصـدفة علي كل الاحـوال
لـقيـت فيك انـت قربـي لذاتـي ... تـقـرب لقلبـي بالنـوايـا والافعــال

ماضيـك يشبه بالالـم ذكرياتــي ... والحيـن نـفس الحـظ والجـرح والفال
طبـايعك طبـق الاصل من صفاتـي ... أهــم شي الصـدق فيـني ولايـزال

أمشي ولاأدري وين قبـلك جهاتـي ... من جـيتـني والـدرب موعود بوصال
طاريـك يجمعنـي وينـهي شتاتي ... مشاعري لك شــوق والبـال ميــال

أنا بـقلبـي شـي وش السـواتي ... ودي أقـوله بـس وشــلون يــنقال
الحـب مايستأذنـك ياحيـاتـي ... يلحـق علـي راعـيه بالصـبر لو طـال
^
^
خقاق كلمـاتها

-3-
ياهلي
كلمات / بدر المليحي
ألحان / فلكلور تطوير رابح
توزيع / خالد عز

يا هلي مشتاق للصالحب الغالي
غايبن عني ومشتاق لعلومه
ساكن بقلبي ودايم على بالي
هو حبيبي جعل يومي قبل يومه

قالو اللي ماله اول ماله تالي
والقمر لا غاب ما تعوض انجومه
أكذب إن قلت في غبته سالي
حتى عيني من هنا النوم محرومه

لا تلومني اذا زاد غربالي
من درى عن حالتي قال مالومه
غالي حاضر ولا غاب هو غالي
هو بكوم وكل الناس في كومه

-4-
تكلمنا
كلمات / سامي الجمعان
ألحان / احمد الفهد
توزيع / طارق عاكف

تكلمنا بحسن نيه ماندري عن نواياهم
خطا ظنينا كل الناس يحبوني ويحبونك
حسبنا الناس تهوانا مثل مااحنا نهواهم
أثاريهم من الغيره يحسدوني ويحسدونك

محد جانا وعلمنا انا وياك شفناهم
هدفهم أفقدك وأبقي حياتي كلها بدونك
تري اكبر دليل اللي حصل بالامس وياهم
ماشفت عيونهم ترسل سهام الغيره لعيونك

خساره تنصدم في ناس فرشت الدرب لخطاهم
وهم بارخص تراب الأرض يبيعوني ويبيعونك
أنا أسال عن العشره وأفتش في هداياهم
تجاوبني وهي تبكي اهم كانو يغشونك

-5-
يارب قدرني
كلمات / فيصل بن خالد بن سلطان
ألحان / رابح صقر
توزيع / خالد عز

يارب قدرني علي الحب ورضاه
ولا انحرم منه علي طول يارب
دامه يبي قربي وانا قربه أبغاه
حبيبي اللي همه رضاي والحب

يكفي خذا عقلي وخذا الروح وياه
يوم التقينا بلا مواعيد بالدرب
والقلب من كثر الفرح فز وحياه
نبض الحياه الي سكن داخل القلب

اذا الخطا اقول العيب عداه
واقول مايقصد ولا كان له ذنب
لو يبتعد مااحب بعده ولا انساه
وأبقي أفكر به وبالمره أتعب

يفرح الي جاني وأنا افرح بلقياه
وأذكر بدايتنا أنا كنت معجب
لولاه ماعشت الهنا يوم لولاه
من جد حبيته وعن جد ينحب

-6-
طيب الدنيا
كلمات / نواف بن فيصل
ألحان / رابح صقر
توزيع / طارق عاكف

كل طيب الدنيا فينا ... وكل عشق الارض فينا
وكل مافينـا محبــه ... والله لايـــغيــر عليـنــا

يادفاي بعز بــردي ...ياشقاي ان زاد وجدي
يابعد روحي وبعدي ... ايـه ورب العـالميـنـا

ماتغيـرت وظروفـي ... تشهد وتشهد حروفي
طبعنا نكرم ونوفي ... ونشتـري من يشترينا

ماعليـنــا بالعـواذل ... همهم تحصيـل حاصـل
لو يـعملون العمايـل ... عنـــهــم لا مادريــنــا

رافعين الراس رايـه.. حبنـافــوق الوشـايــه
والزعل ماهو نهايه ... ولو يموت الحاسدينا

-7-
مسكين
كلمات / واحد
الحان / ياسربوعلي
توزيع / ياسر بوعلي

لاتحسب اني يوم تبعد ابرجـيك ... ان جيتني حياك وان رحت عادي
ماتفرق اصلا لو يجيبون طاريك ... ولا اسمعك لو صرت جنبي تنادي

خلاص ماأحبك ولا عدت مغليك ... مسـكيـن لو فكرت تسكن فؤادي
مجنون لو علقت نفسي أنا فيك ... مابـي محبـت من يـدور بعادي

ياما زعلت وكنت دايم أراضيك ... أجيـك وأكسـرعزتي مع عنـادي
ابعد وتلقي حب ثاني يسليـك ... هذا جزا من كـان بالصـد بــادي

-8-
غلطه
كلمات / فيصل اليامي
ألحان / رابح صقر
توزيع / خالد عز

غلطة وحده لا يهمك واعتبرني ما احس
انت قلبك دوم يغلط جت على هذي وبس
مافي داعي لأعتذارك هذا جرحي وفك بابه
يكفي إني من عذابك صارت جروحي تشابه
تغلط بحقي واسامح وانت ما همك رضاي
أغلط اكثر لا يهمك المهم تبقى معااي
مدري اخطيت بشعوري ولا أنا أخطيت ابغلاك

-9-
عيدي مبارك
كلمات / فيصل بن خالد بن سلطان
ألحان / رابح صقر
توزيع / طارق عاكف

عيدي مبارك فيك يا عيد الأيـام
...وحلوه سنيني فيك يا عيد روحي

سعادتي في شوفتك حلم الأحلام
...وشعري واحاسيس المحبه وبوحي

إن قلت لي كل عام انا اقول الأعوام
...بدون شوفك هي سبايب جروحي

هنيت فيك العيد من فرحته قام
...وهليت فيه وجاك عطرِ يفوحي

انت المهم ومن ملا قلبي اهيام
...حبيت أهنيك يا هواي وطموحي

عيد السنه عيدين بحساب الأرقام
...وانت الهنا وأعياد عمري وروحي

-10-
غرام
كلمات / احمد الجوفي
الحان / رابح صقر
توزيع / خالد عز

غرام أطفال جمعنا وكنا بشعور كبار
... وفا قلبي مثل ماتوفي العشاق أو أكثر

أحب بجد ماألعب مثل منهم في سني صغار
... ولا أذكر قلبي لو مره معاها كذب وقصر

في ذاك الوقت ماأكتب ولكن أحفظ لشعار
... عشان اعجابها فيني يزيد ويصبح الاكبر

حفظت لخالد الفيصل قصيدة ياغريب الدار
... وديوان البدر كله عشان أتعلم وأبحر

بنيت لحبها قصر عظيم وعالي الاسوار
... ولا فكرته بيوم علي ذا الحب يدمر

غرام كنت له شاري وباع بأخر المشوار
... أنا عقب الغدر هذا أنا وشلون ماتأثر

بكيت بيوم فرقاها تقل بين الحنايا نار
... وكني فاقد الدنيا ولاني قادر اتصبر

أبتاأسف أنا لقلبي عسي يتقبل الأعذار
... لأني صدق ذليته وعذري حيل متأخر

-11-
آخر الأخبار
كلمات / سعد الخريجي
ألحان / صالح الشهري
توزيع / طارق عاكف
آخر الأخبار خلي ما يبيني
... علموني الناس عن نية خصامه

كنت اظنه قدر الأخلاص فيني
... يا حسافه باعني وغير كلامه

مرت الأيام والذكرى تجيني
... واعترف عندي ترى عالي مقامه

أتعجب ويش حصل بينه وبيني
... ما غلطت ولا حصل مني ملامه

جدد الأحزان في قلبي وعيني
... وصرت اعاني واشتكي جرح الندامه

سامحوني إنطفت شمعت حنيني
... كل عاشق يملك احساس الكرامه

أدري إنه بالمحبه مشتريني
... ليش صار اليوم باخل باهتمامه

أتحدى في جميع العاشقيني
... مثل خلي في دلاله وابتسامه

-12-
منتهى الرقه
كلمات / منصور الشادي
ألحان / سهم
توزيع / خالد عز

في منتهي الرقه وفي منتهي الذوق
...حبيبتي في كل حاجه عجيبه

اذا حطت تعرف تخليني أروق
...واذا بغت تجيب راسي تجيبه

ان جيت حطتني علي الراس من فوق
...ماحدن أسرني كثر خلي بطيبه

حتي وهي جنبي تحسسني أبشوق
...وشلون لامن شفتها بعد غيبه

واللي مزود حسنها حسن منطوق
...متواضعه لكن لها ألف هيبه

مخلوق لكن غير عن كل مخلوق
...مصيبة ياحلوها من مصيبه
في منتهي الرقه وفي منتهي الذوق
...حبيبتي في كل حاجه عجيبه

اذا حطت تعرف تخليني أروق
...واذا بغت تجيب راسي تجيبه

ان جيت حطتني علي الراس من فوق
...ماحدن أسرني كثر خلي بطيبه

حتي وهي جنبي تحسسني أبشوق
...وشلون لامن شفتها بعد غيبه

واللي مزود حسنها حسن منطوق
...متواضعه لكن لها ألف هيبه

مخلوق لكن غير عن كل مخلوق
...مصيبة ياحلوها من مصيبه

-13-
تزاعلنا تصالحنا
كلمات / منصور الشادي
ألحان / صالح الشهري
توزيع / طارق عاكف

تزاعلنا تصالحنا
نسوي الي يريحنا
يا عالم بس وش فيكم
كأن مافيه إلا احنا
تعبنا بسكم غيره
أمانه فضوها سيره
ترى مهما تخاصمنا
نرجع ما نروح ديره
سمانا اشواق في اشوق
نحس بنشوة العشاق
وكل اوقاتنا ندعي
عسى الله لا يجيب فراق
أنا ومحبوبي متصافين
بدنيا الحب مبسوطين
رضيتوا والا ما ترضون
ما حنا عنكم بدارين

-14-
شي واحد
كلمات / عبدالله بودله
الحان / سهم
توزيع / عصام الشرايطي

هات لي شي واحد
واحد يحببني فيك
بعد اللي سويته
فيني الله يهديك
انت ما خليت للرجعه عذر
وأنا قلبي ياما سامح واعتذر
أنت قاسي وما تحس ومن حجر
وما اقدر انسى كلمتك لي ما ابيك
كنت احبك حب نساني الحياه
لين حبي لك وصل في منتهاه
لا تجيني مابقيلك عندي شيء
لا انكسار ولا دموعك تعني شي

-15-
كل الأمور
كلمات / عبدالله بودله
الحان / غالي
توزيع / طارق عاكف

كـل الامــور بخيــر ... مادام انـت ابـخـيــر
يـالي مـعك بـدنيتـي ... ماشـفـت الا الخـيــر

مـعاك شـفت الهـنـا ... وانـسـيت ايـام العنـا
الله يـاحظـك بـحبـي ... وفـيك يـاحظـي أنــا

اختـارك القـلب وهواك ... ومايـعجبـه أحدن سواك
انت أغلي من روحي علي ... وانت أغلي من هذا وذاك

في قربـك الايـام عـيد ... والشـوق لك دايم يـزيد
وغـلاك لو هو يـنـتهي ... بـرجع أحبـك من جديد

-16-
ازعل عليك
كلمات / العاليه
الحان / سهم
توزيع / خالد عز

أزعل عليك ألفين مره من غلاك
... مليون مره يوم تنكر غلطتك

قلي اخطيت بدون ما دور وراك
... مو حلوه ألقاها وتخرب صورتك

أزعل عليك وكنت اعدي من غلاك
... يا كثر ما تغاضى واساير خيبتك

لا تحسب أني غافل وماني معاك
... صدقني أدري قبل لا تفعل فعلتك

أزعل عليك وحيل يهزمني هواك
... يومك تناظرني واحس بعبرتك

تقول تناظرني واحسب الله هداك
... ترجع وتعملها علي وش قصتك

أزعل عليك وذاك يزعل من هذاك
... والكل يخطي وانت شايف دنيتك

ما قلنا لا تخطي ولا قلنا ملاك
... بس اعترف لي بيوم تعمل عملتك

» كلمات اغاني رابح صقر 2010 جديد البوم رابح صقر 2010
» حصريا كليب هيفاء وهبي - 80 مليون احساس
» اجمل احساس
» ما هو اصعب احساس بنظركم ؟؟؟
» اليسا اجمل احساس