كلمات اغاني ماجدة الرومي..

لحبّ والوفاء
كلمات: الناصر
ألحان: عبد الرب إدريس

إِذهبْ كما تُريد ... وامضِ كما تشاء
لا تُكثِر الوعيدْ ... لا تُتعِب الجفـاء
إِذهبْ ... إِذهبْ كما تريد
وامضِ ... إِمضِ كما تشاء

أَسْكَنْتَني القُصورْ ... أَلبَسْتَني الحَريرْ
أغْرَقْتَ بالعطورْ ... جَناحِيَ الصَّغيرْ
كَمْ تُهْتُ في بحورْ ... عالمِـكَ المثـيرْ
وكُنْتَ بي تَدورْ ... في سجنكَ الكَبيرْ
كَمْ خِلْتُني أَزيدْ ... لِلَيلِنـا الضِّيـاءْ
لحُلمِنـا السَّعيدْ ... فَيضاً من الهنـاءْ
وَكُنتَ لي تَشيدْ ... صَرحاً مِنَ الشَّقاءْ

ما نَفْعُها الأساورْ ... والوردُ والمرَايا
ومَخملُ السَّتائرْ ... يُراقصُ الزَّوايا
وصَمتُكَ المُناورْ ... يَسلُبُني صِبايَ
والقَلْبُ لا يُحاورْ ... يَسكُنُهُ سِوايَ

خُذْ قَصْرَكَ الجَميلْ ... والجاهَ والبهاءْ
والمرْمَرَ الأصيلْ ... ووَحْشَةَ المساءْ
قَنِعْتُ بالقَليـل ... الحبّ والوفاءْ

بالقلب خليني
كلمات: نهى نجم ونزار فرنسيس
ألحان: جان ماري رياشي

بالقلب خليني
ع ايديك غفِّيني
يا حبيب الروح
بالروح خبِّيني
مشتاقة اغمرني
حملني وطيِّرني
بساحات عشقاني
الليل سـهِّرني
الليلي خدني بهالحلم وعلِّي
الليلي غير بحبك ما تقلِّي
نسِّيني الكون وقلِّي ضلِّي
ولو داب شمع الليل حوالينا
ولو فاق كل الحب بعينينا
قليِّ الدنيي لعبه بإيدينا
معقول شو بحبك
معقول يا قلبك
صحيح شو غريب
إحساسي بحبك
شو كان أنا قلبي
لولاك يا حبِّي
كان شوك وهموم
وهالعمر كان غربي

في ليلك الساري
كلمات: الناصر
ألحان: عبد الرب إدريس

في ليلك الساري
ضيعتُ مشواري
وسرتُ هائمةً
لا قلبَ يكفيني
لا وجهَ يهديني
ما همّني خطرٌ
ما دُمتَ يا قمري
ناري وأنواري
ما الليلُ يا قمري
إلاكَ في نظري
بالشوقِ يغمرني
بالوردِ يغرقني
بالعودِ بالوترِ
يختالُ في داري
حسبي أنا الوعدُ
يا ليلُ لو نغدو
شوقاً لموعدِنـا
نلقاهُ في غَدِنـا
حيث الهوى يشدو
في ليلك الساري

غنِّي للحب
كلمات: مروان خوري
ألحان: مروان خوري

غنِّي للناس للحُب
غنِّيلي غنِّـي
غنِّي لَدقِّة قلب
غنِّيلي غنِّـي
غنِّي لرفيق الدرب
غنِّيلي غنِّي
غنِّي لقلب مشتاق
ناطر عنـار
غنّي لحلم عوراق
بعدو ما صار
غنّي لأيلول وفراق
ياخد قـرار
غنِّيلي غنِّي
غنِّي لَبال مشغول
منّـو عبـال
غنّي لعيون بتقول
حكي ما نقال
غنّي لجواب عطول
باقي سـؤال
غنِّيلي غنِّي
عم تخلص الكلمات
والقلب موجوع
عم تغرق البسمات
بِبحر الدمـوع

[b][b][b][b]حبيبي
كلمات: نهى نجم ونزار فرنسيس
ألحان: اداجيو – البينوني

الليلي عيِّشني حُبَّك
الليلي سمِّعني قلبك
الليلي انساني ع إيديك
وشمسي تشرق من عينيك
عندي بتساوي هالكون
يا كل الكون حبيبي
شو معنى هالحياة
حلم ومارق ساعات
الباقي من عمري بهديك
وعمري لحظة بتناديك
مبارح وباقي لليوم
ولآخر يوم حبيبي
أنا اللي منك إنتَ منِّي
لا لا ما تبعد عنِّي
إنتَ أنا روحي أنا
إنتَ اللي ساكِّني
إنتَ اللي عارف إنّي
إلك وحدك بغنِّي
شو مشتاقة حبيبي
قول كلمة يا حبيبي
واحكي للدني يا حبّي
إنّك إلي وإلَك قلبي
إلَك من قبل ما كان
ومن بعد الزمان
هالقلب العشقان
وشو بقلّك كمان
والليلي غمرني بجنون
خلِّي اللي ما كان يكون
وتقلَّك دمعة العيون
إنتَ أنـا
روحي أنـا
بحبَّك أنـا حبيبي[/b][/b][/b][/b]

اعتزلت الغرام
كلمات: ماجدة الرومي ونزار فرنسيس
ألحان: ملحم بركات

شوف شوف شوف
يا حبيبي شوف
اتطلع فيِّي اسمعني
اسمع مني وشوف
لا بدِّي تراضيني
ولا بدِّي تحاكيني
لا تصبَّحني ولا تمسيني
انساني... اعمل معروف
أنا اعتزلت الغرام
يوم الحُبَّك جننَّي
أنا حتى بالمنام
طيفك رح يبعد عنِّي
يمكن بُكرا الأيام
من دونَك بتصالحني

كيف؟
كلمات: نهى نجم
ألحان: إحسان المنذر

كيف فيي إشفى منّك
كيف بحاصر هالإدمان
قلبي الليّ بيدافع عنّك
بيقتلني بقلُّو كمان
كيف فيي إشفى منّك
صرت حالة هذيان
ما تسأل قلبي لمين
قلبي الفييِّ مش فييِّ
محتلّو صرلك سنين
وأنا بحالي منسيّي
قلبي يا شوق وحنين
بعدك فايـق عليِّ
حبيبي بحبَك أنـا
ضاع بحبَك كياني
اعطيني يا كل المنى
تَ إشفى قلب تاني
أو اقتلني بهالهنـا
تينتهي زمانـي

نشيد الزفاف
كلمات: نهى نجم
ألحان: مندلسون

طِليِّ بالأبيض طليِّ
يا زهرة نيسان
طِليِّ يا حلوي وهليِّ
بهالوج الريـَّان
وأميرك ماسك إيديكِ
وقلوب الكل حواليكِ
والحب يشتي عليكِ
ورد وبيلسـان
قلبي بيدعيلك يا بنتي
بهالليلي الشعلاني
يا أميرة قلبي إنتِ
سـلَّمنا الأماني
ما تنسي أهلك يا صغيري
بْعينينا ما صرتِ كبيري
ضليِّ معنا وطيري وطيري
عَ جناح الأمـان
شعيِّ متل هالطرحة
يا أغلى البنات
بصلِّي تعيشوا بهالفرحة
لباقي الحيـاة
وربِّي من السما يبارككن
كيف ما توجهتو يرافقكن
بإيام الصعبي ينصركن
عَ كـل الأحـزان
قلِّك نعم من قلبو
وفرَّح كل الناس
ردِّيهاعَ قلبو وحبو
شـعلاني إحساس
منقلِّك مع السلامة
روحي تحميكي الكرامة
وتبقى محابسكُن علامي
للحـب والحنـان

أُحِبـُّكَ جِـداً

كلمات: نزار قباني
ألحان: مروان خوري

أُحِبُّكَ جِداً.. جِداً.. جِداً
وأعرفُ أنيّ تورَّطتُ جِداً
وأَحرَقتُ خَلفي جميعَ المراكِب
وأَعرِفُ أنّي سأُهزَمُ جِداً
بِرَغمِ الدموعِ، ورَغمِ الجراحِ
ورَغمِ التجارِبْ
وأَعرِفُ أنّي بِغاباتِ حُبِّكَ وَحدي أُحارِبْ
وأنّي ككُلِّ المجانينِ حاولتُ صَيْدَ الكواكِبْ
وأبقى أُحِبُّكَ رَغْمَ يقيني
بأنَّ الوصولَ إليكَ مُحـالٌ
أَيَا مَنْ دَفَعتُ بِحُبِّكَ نِصفَ حَياتي
ويَا مَنْ أَشيلُكَ كالطفلِ في أُغنياتي
أنا لا أُحِبُّكَ من أجلِ شالِ حريرٍ وعطرٍ مثيرٍ
ولَكِنْ أُحِبُّكَ حتى أؤكِّدَ ذَاتـي
أُحِبُّكَ.. أُحِبُّكَ
وأعرِفُ أنَّ هَواكَ انتحار
وأنّيَ حينَ سأُكمِلُ دَوري
سَـيُرْخى عليَّ السِتار
وأنَّ سُقوطي أمامَ هَواكَ الكبير.. انتصـار

سَـوفَ نَبقـَى
كلمات: سعيد عقل
ألحان: جوزيف خليفة

... وقرى من زمردٍ عالقاتٍٍ
في جوار الغمام زُرقِ الضياء
يتخطين مسرح الشمس
يُرَكِّزن بلادي على حدود السماءِ
... ومن الموطن الصغير نَرودُ الأرض
نذري، في كل شطَ، قرانا
نتحدى الدنيا شعوباً وأمصاراً
ونبني- أنَّى نشأ- لبنانا
سوف نبقى... يشاء أو لا يشاء الغيرُ
فإصمُد لبنانُ ما بك وهنُ
سوف نبقى لا بد في الأرض من حقٍّ
وما من حقٍّ ولم نبقَ نحنُ

يا معذِّب قلبي

ألحان: حليم الرومي

يا معذِّب قلبي
وروحي وعينيّ
ليه قاسي بحبي
وانتَ الحنـيّة
قلبي بيهواك
والروح بايديك
والعين تَرعاك
وتحـن اليك
ساعة رؤياك
تسحرني عينيك
وانا قصدي رضاك
ليه قاسي عَليّي
منّك تعذيبي
ودمعة احزاني
ناري ولهيبي
وهميّ واشجاني
اشفق يا حبيبي
ان كنت بتهواني
ناري ولهيبي
بالحب اسـيَّة

عم يسألوني عليك

كلمات: مارون كرم
ألحان: نور الملاح

عم يسألوني عليك الناس اللي كانوا يشوفونا سوى
شو بقول خبرني لكل الناس؟ غير أمانينا الهوا؟
وما عاد نتلاقى سوى، هيك بيريد الهوى
وعم يسألوني عليك كل الناس: وينك يا حبيبي
وينك يا حبيبي؟
يا حبيبي... يا فرح عمري
غلة الماضي وبسمة الحاضر
الحب لا بأمرك ولا بأمري
ع الحب منا ما حدا قادر
مين إللي مرمر عمرك وعمري
لا أنا ولا انت... هودي الناس
وعم يسألوني عليك كل الناس: وينك يا حبيبي
وينك يا حبيبي؟
يصعب علي خبر الأصحاب
ع اللي جرى ما بينك وبيني
نحنا اللي كنا فرحة الأحباب
وينك اليوم يا فرحتي... وويني
شربنا أنا وياك أي كاس
شو بقول خبرني لكل الناس
عم يسألوني عليك الناس اللي كانوا يشوفونا سوى
شو بقول خبرني لكل الناس؟ غير أمانينا الهوا؟
وما عاد نتلاقى سوى، هيك بيريد الهوى
وعم يسألوني عليك كل الناس: وينك يا حبيبي
وينك يا حبيبي؟

خذني حبيبي

كلمات: هنري زغيب
ألحان: نور الملاح

خذني حبيبي ع الهنا، إنسى اللي كان وإبتدي
خليني إخلق يا أنا، منك وليك إهتدي
انا بدي حبك اكثر، علمني كل يوم إنساك
تا يرجع لي حبك أكبر، وإتعلم كل يوم إهواك
علمني كل يوم إنساك
خبرني يوميه كثير، مرجحني ع الخبرية
وعيني صوتك بكير، غفى صوتك ليلية
حبيبي يا عمر جديد، زهر فيّ أحلامي
إرجعلك ايام العيد وتلون لي إيامي
يا سنيني لا تنسيني، ولا يندهلي السؤال
انا جاي انطريني، ع الوعد اللي ما بينقال
ويا حالي... يا حالي لا تخبرني
ارسم لي الحب مواعيد
وخلي الفرحة تبشرني، كل اليوم ببكرة بعيد
والبكره يطول، ووعدي يطول
وإبقئ غني واعيد:
خذني حبيبي ع الهنا، إنسى اللي كان وإبتدي
خليني إخلق يا أنا، منك وليك إهتدي

كل شيء عم يخلص

كلمات: الياس الرحباني
ألحان: الياس الرحباني

كل شيء عم يخلص
الحب والاحلام
كل شيء عم يخلص
الضجر والايام
الطريق عم يصغر ونحنا ع الطريق
رح تخلص المسافة والطريق
خذني حبيبي، عجل خذني
الدني عم بتغيب
دخيلك خذني ولا تضيعني بالليل الغريب
خذني حبيبي، عجل خذني
من قدام الباب
خبيني بقلبك، لا تتركني وحدي بالضباب!
كل شيء عم يخلص
السهر والأعياد
والسفر عم ينده بمطارح بعاد
الخريف عم يخلص
ونحن بالخريف
والضبابة غطت الرصيف
خذني حبيبي، عجل خذني
الدني عم بتغيب
دخيلك خذني ولا تضيعني بالليل الغريب
خذني حبيبي، عجل خذني
من قدام الباب
خبيني بقلبك، لا تتركني وحدي بالضباب!
كل شيء عم يخلص
وجوه الاصحاب
كل شيء عم يخلص
ضحكات الأحباب
والعيد رح يخلص، وانا بهالعيد
وحدي ياحبيبي، وانت بعيد
خذني حبيبي، عجل خذني
الدني عم بتغيب
دخيلك خذني ولا تضيعني بالليل الغريب
خذني حبيبي، عجل خذني
من قدام الباب
خبيني بقلبك، لا تتركني وحدي بالضباب!

مطرحك بقلبي

كلمات: مارون كرم
ألحان: احسان المنذر

ما حدى بيعبي مطرحك بقلبي
كيف لك قلب تجافي اللي حبك هالمحبة
ما حدى بيعبي مطرحك بقلبي
خبرني يا حبي
بحبك انت وجاي، بحبك وانت ورايح
بحبك يا هناي بكل المطارح
إتطلع ب عيني، اتطلع بعد شوي
عيوني ما بتخبي
القصة مش جديدة، شغلت بالي وبالك
وبتسأل شو بتريدي، ليش ما بتسأل حالك؟
بعلمي اللي بحبوا، ما بيقدروا يخبوا!
شو القصة يا قلبي
انشالله مرة ثانية، تسأل قلبك عني
ب يقلك عن حناني... وانت بتعرف إني
قد الدنيا بحبك
وأنا بلا حبك، بدو يفضى قلبي
ما حدى بيعبي مطرحك بقلبي
خبرني يا حبي... خبرني يا حبي

نبع المحبة

كلمات: مارون كرم
ألحان: احسان المنذر

يا نبع المحبة وحدك ساكن قلبي
لا تتخلى عنا، عينك ع وطنا بالإيام الصعبة
ميلادك ميلاد الخير، يا نور الحقيقة
ما بشرت بغير الخير وخلاص الخليقة
وبشرت بالسلام وعاداك السلام
وقلتلن يا ربي، دخلك سامح قلبي
يا نبع المحبة وحدك ساكن قلبي
بلادي، يا فادي الكون، تقلو كثير حمالها
بإيدين بتكره اللون، شوهوا جمالها
وينك يا يسوع، وطنا مجروح
وطنا يا ربي، نسيته المحبة
يا نبع المحبة وحدك ساكن قلبي
بين الخي وبين الخي، بيعدوا المشوار
بلد الشمس وبلد المي، أكلتو النار
الحلا والخضار كلن صاروا غبار
حبسونا بعلبة
خلصنا يا ربي
يا نبع المحبة وحدك ساكن قلبي
لا تتخلى عنا، عينك ع وطنا بالإيام الصعبة

إنشودة الأمهات

كلمات: جبرائيل فياض
ألحان: حليم الرومي

العيد عيد العالم، يا أمهات
عيد الشباب الدائم في الكائنات
عيد الوفاء والتضحيات، يا أمهات
صوادح الأطيار نشوى، في الربى تغرد
تستقبل البشرى، وألحان الهنا تردد
أنتن في الرجاء، مباسم الورود
في زهوة العطاء، سحائب تجود
ونعمة السماء طلائع الخلود
في غمرة الحياة منائر النجاة
يا أمهات
في عيدكن، الأرض تزهو بالعطاء الزاخر
ويومكن، يوم ميلاد الربيع الزاهر
تهفو قلوبنا، تضج بالمنن
ومن أرضنا، هدية الوطن
خلود أرزنا على زرى القنن
نرفعها رايات، بالمجد خافقات
للأمهات!

وداع

كلمات: مارون كرم
ألحان: احسان المنذر

إمبارح، وأنا وعم ودعك، تقسى علي وإسمعك
حسيت لما مشيت، "وبخاطرك" وقفيت
عيوني آخذتن معك!
يا حبيبي، ع الغياب، غاب من عمري الشباب
وبسمة اللي كانت من زمان، بعيوننا إلها مكان... من زمان
وبرت، وصار الحنان يركض ركض تيرجعك
عيوني آخذتن معك!
وبعدن إيدينا من سنين بشجرة الكينا معلمين
وتحت الشجر، هاك الحجار اللي جلساتنا عليها كتار
صبّح ما فيها الغبار، قلبك عليهن بيوجعك!
والشمس ع بحر الذهب، بين ع وجهك التعب
خد المحبة هالسنة ما شمها عطر السوسنة
والحب والعيش الهني، رحت وآخذتن معك
آه... منك ما اطمعك!
آه

عم بحلمك

كلمات: سعيد عقل
ألحان: الياس الرحباني

عم بحلمك يا حلم يا لبنان
إنت الهدايا بالعلب
والكاس شي إنو إنسكب
واللي كان بالبال وبعد ما كان يا لبنان
عم بكتبك بالنار... بإقلام سكبت لون
قلن لأهلك يرجعوا لهون
يحملوا الخير الفكر والغار
وبإيدهن هالكون يعود
يعود يشعر أشعار
بتغيب... بتعود الدني تسمع صوت الدمار
وع طلتك، ع الملعب، بتوقع نجمات ع صوت الكنار
كم أرزة، وكان إنك ما تهدى يوم
وهاك البطل هاللي متلك، ولا لون
قالوا إنقتل... لا تصدق البهتان
بعدو بإيدو سيف، وع سيفو ينشقع لبنان
ترابك يا كحل العين عم تزهر تراب الحنان
ومش بحر ع إيجريك يتكسر
يتكسر ويهوى الزمان يا لبنان
واريدك تضل بهالسما منحوت مثلها للشمس
اليوم أكثر من أمس
ضحكة ع جرحة مبسمها
عم بحلمك يا حلم يا لبنان
إنت الهدايا بالعلب
والكاس شي إنو إنسكب
واللي كان بالبال وبعد ما كان يا لبنان

الحلم الجايي

كلمات: هنري زغيب
ألحان: احسان المنذر

راح الليل والربيع جايي
وانتهى اللي حبسني ب هالعتم الطويل
خلصت المواعيد اللي غلت فينا
وضوت ليالينا، وصرنا نحنا المواعيد
خذني وطير ع سما جديدة
يا سماك القصيدة ويا أنا القمرة
كل ليلة بلون وأنا عروسك صرت
تركتن هنيي وطرت، ويبقى بعرس هالكون!
يا حبيبي
بعدنا عن كل العيون لما بعدت فينا المسافة
يا أنا ملاكك يا إنت الكتار
رسمنا عمر جديد، ما في هنيي ولا زوار
اكتبلي وحدي كل الشعر، وتخلص فينا القوافي!
راح الخوف والعمر جايي
وأنا صرت أصغر مني، والعمر لعبة
تركنا كل اللي كان
واتبعنا صوت الحب ع دني جديدة ودرب
ما بيعرفنا إنسان
صرت احلم
وأنا شعري يطير، ع ايدك سنابل تحت القناديل
يا بيادرنا مشاوير
اتعمشق فيك أوني
ولما يشوفوني، تحملني فيك وتطير

عطر

كلمات: فؤاد سليمان
ألحان: حليم الرومي

غني... أحبك ان تغني، وتحدث الاطياب عني
غني... فما عرف الهوى أحلى على نغمات مني
أنا في الغناء قصيدة حسناء لم أنظم بلحني
غني... غني
عيناي رف خميلة خضراء من أرض التمني
أشممت عطر غلائلي، عطر يعيش ببالي عني؟
أنا شعة نجمة، أنا أي لون مثل لوني؟
في البال يحملني الهوى، في ظن يخطر مثل ظني
الحرف يشرك زهوة اللون
مس حرفك بعد حسني!
غني فما عرف الهوى أحلى على النغمات مني
أنا في الغناء قصيدة حسناء لم أنظم بلحني
غني... غني.

من زمان

كلمات: مارون كرم
ألحان: احسان المنذر

من زمان
وانت بقلبي... من زمان
لكن يا حظي بالهوى، ما جمعنا هالزمان
من زمان
كنا بعد ولاد زغار، إبن جار... بنت جار
لما قلبي إلك مال، لما قلبك عني مال
وراح يشتي بغير مكان
من زمان
وانت بقلبي... من زمان!
وإلتقينا من جديد، ورجع الحب اللي كان بعيد
لما إيدينا سلموا وعينينا تكلموا
فيقوا كل الحنان اللي كان عنا من زمان
يا حبيبي
القمر عاد، وضوى الدروب اللي كانوا بعاد
وصح الحلم اللي حلمناه، وفاق الحب اللي غفيناه
لما إيدينا سلموا وعينينا تكلموا
فيقوا كل الحنان اللي كان عنا من زمان
من زمان
وانت بقلبي... من زمان!
لكن يا حظي بالهوى، ما جمعنا هالزمان
وانت بقلبي... من زمان!

نوستالجيا

كلمات: هنري زغيب
ألحان: المالاغينا ليكوانا

يا أنوار اللي بتلالي، تحت الشتي ع طرقات
أيامي مثلك ببالي، متروكة للذكريات
طاولة المطعم ضجرانة، كأس نبيذ ومقعد ناطر
يمرق بليلة شي مسافر ياخذ عنو الذكريات
ذكرياتي عم توميلي
يا أصحابي صرتوا بعاد
تذكروني بالعياد
ذكرياتي عم توميلي، وأنا اقوم من الطرقات
مسويات وبحر وليل
كيف بتمرق الأيام؟
حبيبي إجى من الليل
وسرب مع كل الأحلام!
يا حبي، شردنا النوم وإنتهى ماضي اللوين
تبقى تذكرني ما بين آخر نجمة وأول ضو
ذكرياتي عم توميلي
يا أصحابي صرتوا بعاد
تذكروني بالعياد
ذكرياتي عم توميلي
وأنا اقوم من الطرقات
حبيبي
إكتبتلك إسمك ع شمعه والدني غياب
والشمعه ذابت ع إسمك وإنمحى خلف الضباب

شعبك واقف بالريح

كلمات: هنري زغيب
ألحان: فؤاد عواد

طال السفر ونجوم مطفية
برد وسهر وتلال شتوية
طوّل ع شباكنا هالليل
ومعلقة بالنور عيني
شعبك واقف بالريح، واقف شعبك بالريح
والفجر ألوانه، ألوانه تلاويح
ضو جديد فجر جديد
أملك تكتبني تواشيح
يا حبيبي يا وطني!
يا وطني، يا فرح البال
من هالفجر غزلي شال
شمس النور، زياح سطور مرسومة ع تلال
يا حبيبي يا وطني!
وجهك سهر عليي... وغفيت
لما وعيت
لما وعيت، بقلبي وعيت، ببالي وعيت
بقلبي وبالي يا وطني وعيت
والايام كوام كوام
تركتن ع بابك
ونسيت يا وطني... نسيت
نسيت يا حبيبي... نسيت
شعبك واقف بالريح، واقف شعبك بالريح
والفجر ألوانه، ألوانه تلاويح
ضو جديد فجر جديد
أملك تكتبني تواشيح
يا حبيبي يا وطني!

شبابيك الامان

كلمات: عبد الغني طليس
ألحان: احسان المنذر

على بابك وقفني قلبي، صرخ ما جاوب حدا
على بابك ذكرني حبي، صوتي واسمك والصدى
خبرتك عن حزن الماضي، عن احلامي اللي كانوا كتار
إسكبتلي من الكأس الفاضي هم وقلق وخوف ونار
ومرقت... ما رميت السلام
كأني خيال الايام
يا حبيبي شو بدا؟
على بابك ذكرني حبي، صوتي واسمك والصدى!
أنا جاي لعندك... أنا جاي
إمحي يوم وإكتب يوم
ع غيابك شتت الحكاية شوق، وهجر عيوني النوم
إفتحلي شبابيك الأمان
سرقلي عمري الزمان... وضيعو بهالمدى
ومرقت... وما رميت السلام
كأني خيال الايام
يا حبيبي شو بدا؟
على بابك ذكرني حبي، صوتي واسمك والصدى!

الأكواريوم

كلمات: مهى بيرقدار الخال
ألحان: احسان المنذر

عندي سمكة ذهبية بتتمرجح بين الموجات
عيونها بتلمع مضوية، مثل النجمة بالعتمات!
ببيتي في بحر صغير ب ضوي، وفيه عشب كثير
بقلبه سمكة ذهبية، بربيها وبحبها كثير
هيدي السمكة الذهبية، مثل النجمة بالعتمات!
هيدي السمكة الذهبية، مثلي عشقانه الحياة
بتفتح تمها ما بتحكي، بس بتنفخ بالونات
هيدي السمكة الذهبية، مثل النجمة بالعتمات!
حدا شو بنسى حالي، ولو مروا علي الساعات
بغنيلها أحلى غناني، وبحكيلها أحلى حكايات
هيدي السمكة الذهبية، مثل النجمة بالعتمات!

البحر

كلمات: جوزيف أبي ضاهر
ألحان: جان لبكي

واسع واسع مثل الملعب، يا بحر، وموجك ما بيتعب
بضل يغني ويغني، ع شط بيركض وبيلعب
واسع، وفي قلبك ياقوت، حدودك حد السما اللي بعيدة
ما تمحي شو بنينا بيوت وشو كتبنا حكايات جديدة
وانت الواسع مثل الملعب، موجك ما بيتعب…
النجمة من شباكها الأزرق، ليلية بتطل قبالك
والشمس بتخجل وبتغرق، وانت بتخفيها بخيالك
وانت الواسع مثل الملعب، موجك ما بيتعب…
شباك الصيادي عبيها، صغار ولادن عم بيصلوا
رد مراكبهم واحميها، يا بحر بهالمدى كله
وانت الواسع مثل الملعب، موجك ما بيتعب…

اللعبة

كلمات: مارون كرم
ألحان: احسان المنذر

بنتي عندها لعبة، حلوة مثل اللعبة
بتقضي الفرصة كلها تغنيلها وتهزلها
وتقلها يا قلبي يا قلبي شو حلوة يا لعبة!
وتقلها يا صغيورة، انت أحلى من الصورة
بدي أعملك فستان، زناره بأربع ألوان
ما في بكل المعمورة مثلك يا هاللعبة!
خدودك مثل خدودي... زنودك مثل زنودي
وشعرك مثل شعري، لونه أحمر خمري
انت كل وجودي، عيشي يا هاللعبة!
امبارح جابت طرحة، وعملت أكبر فرحة
وعزمتلها ولاد الجيران، قال عرسها هالليلة كان
وعملت بالبيت فرحة، كرمال عيون اللعبة!

الأم

كلمات: مارون كرم
ألحان: احسان المنذر

مرة جديدة، مرج الورد نور وبعيدك زهر
وإنشاء الله بزهر بعد شي مية مرة وأكثر
كرمالك يا ماما، الدنيا تحلا أيامها
والخير بوابه تكثر!
إنت الطيب، وعيدك طيب
وإنت الشمس اللي ما بتغيب
بيكبر هالكون وبشيب
وحبك غير شكل بيكبر
كرمالك يا ماما، الدنيا تحلا أيامها
والخير بوابه تكثر!
طول عمرها يا ربي
حتى تزيد المحبة
إيديك وحدها اللي بتربيني
وجفنك وحده اللي بيسهر
بعيونك بنضل ولاد، شو ما العمر فينا زاد
كنا قراب، وإن كنا بعاد، إلا بعطفك ما منكبر
كرمالك يا ماما، الدنيا تحلا أيامها
والخير بوابه تكثر!

العصفورة

كلمات: جوزيف أبي ضاهر
ألحان: احسان المنذر

طيري طيري يا عصفورة
أنا مثلك حلوة زغيوة
بركض فوق حفاف الزهر
بقفز ع مياة النهر
وبخبي بشعري بشورة!
بيتك ياعصفورة وين، ما بشوفك غير بتطيري؟
ما عندك غير جناحين، حاكينا كلمة زغيرة
ولو سألونا منقلهن، ما حاكتنا العصفورة!
أنت وكل الاهل صحاب بتحكيلن شو ما عملنا
لعبنا ودرسنا بكتاب.. وتشيطينا وأكنا.. وما شفناكي وشفتينا
كيف عرفتي يا عصفورة؟
خبيناك بقلب الدفتر صورة زغيرة على ورقة
انت الحرية اللي عم تكبر، بلادك هالسما الزرقا
والسما كبيرة وبعيدة وحدن عجوانح عصفورة
طيري طيري .. طيري طيري.. طيري طيري
يا عصفورة!

القمر

كلمات: هنري زغيب
ألحان: جان لبكي

لما نجي ننام، القمر بيحرسنا
بيوقف ع الشباك سهران ويحرسنا!
كل ما بيجي الضو وبنوعى عالضو
القمر بيتجه الليل وبيتخبى
بيروحوا يناموا، تا يخلص الضو
بيرجعوا ليلية يطلعوا سوا
يا قمر... يا قمر... نحنا نعسنا
ع رؤوس الشجر ضلك حرسنا!
يا رفيق العمر، يا رفيق الايام
ع طول مرافقني، حتى بالمنام
إتطلع بالشباك، وبشوفك بالشباك
إتطلع بالمي، وبشوفك بالمي
قلي وين بيتك، ومين بتجي؟
وإن شي ليلة بتتعب قلي وين بتنام؟
يا قمر، شو باك عم تكبر وتصغر
ليلة عم تتاوب وليلة حلة مدور
بتمرق حد النجمة، إنت بتحميها
وإن إجت شي غيمة بتتخبا فيها
بتتنقوز علينا، ومنطلع فيك
لا تترك عينينا، تنضل نحاكيك!
يا قمر... يا قمر... نحنا نعسنا
ع رؤوس الشجر ضلك حرسنا!

عيدي

كلمات: هنري زغيب
ألحان: جان لبكي

عيدي اليوم عيدي وعمري بأوله
بكرا سنة جديدة يا عمري الحلو
الماما جابتلي هدية، والبابا كمان
من تيتا اجتني هدية، ومن جدو كمان
رفقاتي حملولي هدايا بعيدي
بكره انا بعيدون بحملن هدية
وبقلن بدوري مثل ما قالولي
عقبال المية سنة... عقبال المية سنة!
ما بتذكر لما خلقت مثل هالنهار
لما عيدي اليوم هو هالفرحات كتار
عم تكبر إمي شموع ملونه
وكل ما طفي شمعة، عم بكبر سنة
وكل اللي حوالي عم يغنولي ويقولولي
عقبال المية سنة... عقبال المية سنة!

عندي بيسي

كلمات: هنري زغيب
ألحان: احسان المنذر

عندي بيسي اسمها سيسي، لونها أبيض ومنقى
بتلحقني بتخبا عليها، بتطل بقلها بقا!
كل ما إرجع من مدرستي بتلاقيني، وحدي ع طول بتبقى!
مرة كنا بمشوار، انا وهي بالحقلة
شافت حد النبعة فار، ركضت عملتلو قتله
رجعت لي،عيونها كبار وعم تضحكلي
برافو عليكِ يا سيسي!
ومرة كنا عم نمشي، قدام دكانة أسعد
شافت جاي خلف الكوع، كلب الجيران الأسود
ركضت لي، وع إيدي غلت فيي
يا عيب الشوم يا سيسي!

لأنك عيني
كلمات: هنري زغيب
ألحان: جوزيف خليفة

لأنك عيني، زعل البكي
ورسمهم عليي بشفاف الحكي
فتحهم عليك وسافر بعينيك
وغمضهم عليك
لأنك عيني
لأنك حياتي، زعل العمر
وسرقلي باقاتي، ما خلا غمر
عطيني منك باقة، تا لما نتلاقى
تلون حكياتي
لأنك حياتي!
لأنك حبيبي، زعل الهوى
وتركني غريبة ع دروب النوى
خبيني بقلبك، وازرعني ع دربك
قصة الحبيبة
لأنك حبيبي

أنا عم بحلم
كلمات: إيليا أبو شديد
ألحان: نور الملاح

أنا عم بحلم
ليل نهار، بالورده المليانة زرار
تقطف باقة، تشم وراقها
ويسكر بالعطر المشوار
أنا عم بحلم!
عم بحلم إنك جاي بزورق نجمة مضواية
وصار الزورق يعلى ويغرق بالبحر اللي ما إلو نهاية
ولما فتحت عيوني، صار ع شطوط عيوني البحار
أنا عم بحلم!
انا عم بحلم ليلية، وأنت وغافي بعيني
نزلت دمعة... ذابت شمعه، وإحترقت فيك وفيي
وصرنا نطفي... نطفي النار

بسمعك بالليل
كلمات: نهى
ألحان: عبدو منذر

بسمعك بالليل عم تبكي
بقرب لحدك بس ما بتحكي
كل يوم واليوم
سكوتك بكتر لوم
بيهزني... بيتعبني
ومن غفوتي بيسرقني
بيذكرني بحياتي، المحروقة بنار
نارك الضجر
وبرد الحجر
ليل وسهر
قدر!
وجهك، امبارح، زوايا حبيبي
متروكة ببالي
مذهولة غريبة
وبتسأل؟
آه
تعبني جفاك، يا حبي
ركضني... عذبني
قربني تيبعدني
بعدني تيلحقني
وبتسأل؟
عندك ضاعت أماني
وفيك احتار السؤال
مالئ من المعاني
غير اللي بقي بالبال!

لا ما فيي
كلمات: إيليا أبو شديد
ألحان: زكي ناصيف

لا
لا ما فيِّ!
لا ما فيِّ هاللي عاشوا العمر حوالي
يضيعوا مني... يضيع الملقى
وليل نهار، خيالهم يبقى يشرب من روحي وعينيِّ
لا ما فيِّ!
يا شجر العالي اللي عم تنزل أوراقه
ذكرتني بحالي والعمر ورفاقه
يا زهور، عم تذبل وعم تيبس
عم يمرقوا ببالي
تخمين صاروا مثل كل الناس
وضاعوا وراء الليالي؟
يا أما بقي حالهم مثل حالي؟
يا دموع، عم تسقي العطش للكاس
يا قلب، عم بيدق مثل جراس
والصوت من وادي غميق
والحزن... هالغيم... هالغيم العتيق
مشرع وماشي عالطريق
والريح
الريح عم تصفر دنيق
وخيالهم قبالي... على ثلج بيلالي
مثل شي مركب غريق!
يا ثلج، حاجي تشعل بقلبي
بقلبي... الحريق!

لا تغضبي
كلمات: الأخوين رحباني
ألحان: حليم الرومي

تغضبي... مهلاً... ولا تعجلي
وقبل أن ترحلي، عاتبي!
لا تغضبي... أفديكِ أن تعدلي
على الأقل، إسألي واذهبي!
وحق ليلاتنا ما خنت عهداً لنا
حييت فحييتها، ساعة مرت بنا
أبسمة حائرة من غادةٍ عابرة
خلتكِ، يا حلوتي، على الهوى ثائرة؟
لا تغضبي

ما زال العمر حرامي
كلمات: إيلي شويري
ألحان: إيلي شويري

ما زال العمر حرامي، ونحنا العشقانين
لا تنعس ولا تنام، خلينا سهرانين
نحكي ع ليالي راحوا وليالي باقين
خلينا، يا حبيبي، أنا وإنت سهرانين!
قبل ما شراعك يتكسر
يا قلب، بابك يتكسر
قبل ما الليل يغطي الليل
تعا تنغني ونتذكر
يا هالولدين، كانوا حبيبين
سرقنا العمر بغفوة عين
قبل ما يقسى هوا تشرين
خلينا، يا حبيبي، أنا وإنت سهرانين!
يا حبيبي، بقلبك خبيني
وعن بكرا لا بقى تحاكيني
كتبني غنية للعاشقين
تبقى بلياليك غنيني!
بيروح الليل، وبيرجع الليل
وجهك بالبال يناديني
يروح الليل، وبيرجع الليل
وصوتك بالبال يناديني
ما زال عرفين لوين رايحين
خلينا، يا حبيبي، أنا وإنت سهرانين!

مين إلنا غيرك
كلمات: توفيق بركات
ألحان: إيلي شويري

مين إلنا غيرك يسأل علينا
يا اللي غرامك دمعة بعينينا؟
حرام يا حبي، أنا قلبي دايب
تعا تنفرح فرح الحبايب
تنقول نطرنا، وعدنا لقينا
مين إلنا غيرك يسأل علينا؟
قلي يا قلبي وين بعدك رايح؟
فايق علينا أو صرنا مبارح....يا قلبي؟
تعا يا عمري، وبالحب سامح
يشعل ناره... ياما إنكوينا
حرام يا حبي، أنا قلبي دايب
تعا تنفرح فرح الحبايب
تنقول نطرنا، وعدنا لقينا
مين إلنا غيرك يسأل علينا؟
العمر يحلى مع اللي غايب
اللي بعدو حبيبي... وأعز الحبايب
الورد مايل والشمع دايب
والفرحة ياما سألت علينا!
مين إلنا غيرك يسأل علينا؟

سلونا
كلمات: الأخوين رحباني
ألحان: حليم الرومي

سلونا
فقولوا لها، لأخت المهى
بان ما كان زال
سلونا
وعادت لنا زواهي المنى، وأشرقت بالجمال!
وهذا المساء سيقبل صحبي
ونسهر حتى الصباح
وهذا المساء سيطرب قلبي
خلياً ولا من جراح
سلونا
وزال العذاب ووهم الشباب
سلونا!

يا ساكن أفكاري
كلمات: مارون كرم
ألحان: احسان المنذر

يا ساكن أفكاري وعارف كل سراري
صرلي سنين بحبك وبعدو لهلق قلبك
بحالي مش داري
يا ساكن أفكاري!
الحلم اللي كان بليلة، ما بيتركني بليلة
كنت وبعدك حلمي... كنت هاك النجمة
اللي عم بتضوي بداري
يا ساكن أفكاري!
تا تعتق المحبة والعتم يغمر دربي
رح تبقى، يا قلبي، وحدك ساكن قلبي
بليلي ونهاري
يا ساكن أفكاري!

التوبة
كلمات: عبد الرحمن الأبنودي
ألحان: بليغ حمدي

أنا كل ما قول التوبة، ترميني المقادير
وحشاني عيونو السودا ومدوبني الحنين!
متغرب والليالي مش سيباني بحالي
والرمش اللي مجرحني ضيعتو وأنا كان مالي
رموش قتالة وجارحة، وعيون نيمانة وسارحة
أديك عمري بحالو، إديني إنت الفرحة
القلب الأخضراني دبلت فيه الأغاني
ولا قادر طول غيبتكم يشرب من بحر ثاني
أنا كل ما قول التوبة، ترميني المقادير!

ليلتنا من ليالي العمر
كلمات: زكي ناصيف
ألحان: زكي ناصيف

ليلتنا من ليالي العمر، النجمات بترقص فيها
ليلتنا لطلوع الفجر، مندبكها ومنغنيها
ليلتنا أحلى صورة، من الأحلام المسحورة
ملوى العين جبين البدر مزينها ومضويها
دبكتنا إيد بإيد وفرحة عيد... محلا دبكتنا
دبكتنا عمر جديد وفجر جديد يحكي عزتنا
يا قمر ضل قبالنا واسهر معنا كرمالنا
إنت اللي عارف أحوالنا ومسايرها ومربيها
يا قمر ضل قبالنا وضلك شاهد أحوالنا
بكرا خبر أجيالنا... خبر قصتنا وارويها
ليلتنا الوعد الغالي بدوالي الكرم العالي
هالليلة ولا كل العمر، نعد الليالي ونضويها
دبكتنا بدها زنود تشد زنود... محلا دبكتنا
دبكتنا صف إسود، جنود جنود... تحمي رايتنا
يا رب تصون بلادنا وتبارك أرض ولادنا
هي أمانة أجدادنا ونحن بالروح منفديها
بارك يا رب حصادنا ومواسمنا وأعيادنا
منذكر فيها روادنا، ع سنين العمر منحييها
يا رب تصون بلادنا
يا رب بإيدك تحميها

لبنان قلبي
كلمات: هنري زغيب
ألحان: حليم الرومي

ناديت لبنان، في قلبي ليخفق بي
أجابني الجرح: هذا القلب فإنسكبي
مدّي نداءك فوق الآه، أمسحها
في العنفوان، أيا حلمي وحلم أبي؟
هيا... أنا بنت صور
والردى قدري
فخُطَ لي قدراً، أقوى من النوب
عاد الزمان على شعبي... وعاودني
أحفاده باتوا يهتاجون من غضب
أنا أليسار... صوتي اليوم، محرقة وخنجري بي
فيا أرضي، بي إصطخبي
من هدموا وطني المزهو من ألق
سيهدمون على أقدامها القبب
نادي هنيبعل، فليقدم
ويرو لهم بطولة الشعب
ما لم يرو في كتب
فداك لبنان، أنت الحب معبده
خلقت شعبك جيشاً للفداء رَبي
لمجد أرضك تبقى، كلنا بطل
يا أرز لبنان توج هامة الحقب!

رفرف واسعدنا
كلمات: زكي ناصيف
ألحان: زكي ناصيف

رفرف واسعدنا يا رف الحمايم
واغمر بلدنا بالسلام الدايم
رفرف واسعدنا وبالخير وعدنا
وأغمر بلدنا بالسلام الدايم!
ع الدبكة إصطفوا شبان وصبايا
بالساحة يلفوا، دعساتن قوايا
ويعلوا ويرفوا، رفاتن هنايا
ولما يلتفوا، بتتحلى المباسم!
يا معلم، بدل ع الدبكه نقلاتك
يا مغني، تغزل بالحلوة بقولاتك
يا صف، تنقل وتهادى بخطواتك
رفرف واتبكل بزنود ومعاصم!
بدنا الأيادي ترجع للمغازل
تغزل سعادة بأكواخ ومنازل
والفجر ينادي ع زنود المعاول
والناي الهادي قطعان الغنايم!
رفرف واسعدنا يا رف الحمايم!

بيروت يا ست الدنيا
كلمات: نزار قباني
ألحان: جمال سلامة

يا بيروت
يا ست الدنيا... يا بيروت
نعترف أمام الله الواحد
أنّْا كنا منك نغار
وكان جمالك يؤذينا
نعترف الآن
بأنّْا لم ننصفك ولم نرحمك
بأنّْا لم نفهمك ولم نعذرك
وأهديناك مكان الوردة سكيناً
نعترف أمام الله العادل
بأنّْا جرحناك واتعبناك
بأنّْا أحرقناك وأبكيناك
وحملناك أيا بيروت معاصينا
يا بيروت
إن الدنيا بعد ليست تكفينا
الآن عرفنا أن جذورك ضاربة فينا
الآن عرفنا ماذا إقترفت أيدينا
قومي... قومي... قومي
قومي من تحت الردم
كزهرة لوز في نيسان
قومي من حزنك قومي
إن الثورة تولد من رحم الاحزان
قومي من تحت الردم
قومي إكراماً للغابات
قومي إكراماً للأنهار
قومي إكراماً للأنهار والوديان... والإنسان
قومي إكراماً للإنسان
قومي يا بيروت... قومي
إن الثورة تولد من رحم الاحزان
يا بيروت... يا بيروت

الأيام
كلمات: نهى
ألحان: عبدو منذر

الأيام... شو الأيام
أنت الحلو... الحلو فيها
إنت الحلم اللي نور لياليها
إنت قلبي، قلبي اللي دق
اللي غير معانيها
حياتي إنت... إنت غاية أمانيها
حبيبي، إفتح لي إيديك... وسعن مطرحي
حبيبي، غمرني عينيك... عينيك زهرة فرحي
خلي الماضي للأحزان
وهالدني إمحيها بنيسان
أنا عمري قبلك ما كان... ما كان
حبيبي،أنا قلب عطشان
بحبك... بحبك... بحبك

إنت وأنا
كلمات: إيليا أبو شديد
ألحان: ملحم بركات

إنت وأنا، يا ريت فينا نطير
ع جوانح عصافير نطير
ع مطارح اللي ما فيها حدا
خلف المدى، ما في حدا
خلف أخر صوت، من أخر صدى
ما في حدا!
والشمس تحملنا وتغزلنا حرير
يا ريت، فينا ننسرق سرقة
ع جناح شي ورقة
عم بيطيرها الهوا، ونحن سوى
سوى سوى، وخصلة سماء زرقاء!
يا ريت، تخذنا الريح
تمرجحنا الريح، تبيعد مطارحنا
تصير الدني نحن، ونحن نصير
نصير نطير

إسمع قلبي
كلمات:
ألحان: حليم الرومي

إسمع قلبي وشوف دقاته
تعرف حبي من نغماته
ليه تسألني وتحيرني
إسمع قلبي وشوف دقاته
تعرف حبي... إسمع
إسمع قلبي
في كلمة عاوزني أقولها لك أنا عرفاها
مهما تحاول ريح بالك، مش قايلاها
إسأل قلبي عن أسراره
مش بيخبي ولا بيداري
ليه تسألني وتحيرني
إسمع قلبي وشوف دقاته
تعرف حبي... إسمع
إسمع قلبي
مش ممكن أقلك بلساني إني بحبك
دقة قلبي فيها معاني هي تجاوبك
أسرار القلب وألحانه هي كلام... هي لساني
ليه تسألني وتحيرني
إسمع قلبي وشوف دقاته
تعرف حبي... إسمع
إسمع قلبي
الكلمة إللي بتستناها أهي بعيني
مكتوبة وتقدر تقرأها... شوف أيه هي
إسألها تقلك على حالي
يمكن بتحبك... يمكن، وأنا مالي
ليه تسألني وتحيرني
إسمع قلبي وشوف دقاته
تعرف حبي... إسمع
إسمع قلبي

» .:!!:. كلمات اغاني الوسمي .:!!:.
» كلمات اغاني فيروز
» كلمات اغاني نانسي عجرم
» موسوعه كلمات اغاني شيرين
» كلمات اغاني عيضة المنهالي