شوفوا شعري وخلطاتي مجانا وايضا مو منقول

وكالعااااادة جيتكم بخلطاتي السحرية[ندعوك للتسجيل في المنتدى أو التعريف بنفسك لمعاينة هذه الصورة]
لأني احب الاهتمام حيل بنفسي ابيكم انتو بعد تهتمووون[ندعوك للتسجيل في المنتدى أو التعريف بنفسك لمعاينة هذه الصورة]

بس هالمرة للشعر[ندعوك للتسجيل في المنتدى أو التعريف بنفسك لمعاينة هذه الصورة]
وصورة شعري بعد عشان تصدقون،،،[ندعوك للتسجيل في المنتدى أو التعريف بنفسك لمعاينة هذه الصورة]

ومن الآخر اللي مالها خلق تسوي وتشيل وتحط وتجيب وتودي عشان شعرها وكسولة وتقول يبغالها شغل واخذها جاهزة احسن لا تكملين قراءة الموضوع لان بصراحة هذرة واجد هههههههه[img:1535][ندعوك للتسجيل في المنتدى أو التعريف بنفسك لمعاينة هذا الرابط]

بس نتايج رهيبة وخلطة بالمجااااااااااااااااااان[ندعوك للتسجيل في المنتدى أو التعريف بنفسك لمعاينة هذه الصورة]

واقول اتركووووو عنكم فلانة عندها خلطة عجيبة والعطار الفلاني عنده خلطة ب 500 وبالنت وحدة مو موثوق منها وتقعد تمدح بخلطاتها من اليوم لبكرة الصبح وبالسعر الفلاني لا والتوصيل بعد يمكن ولا يوصل ،،،[ندعوك للتسجيل في المنتدى أو التعريف بنفسك لمعاينة هذه الصورة]

واسمعي مني خلطتي للشعر

وربي مجربة ومو منقول وتعبانة وانا اكتب لعيونكم

بس ما ودي لكم الا كل خير ودعوة بظهر الغيب واللي بينقل خلطاتي ينقلها ماعندي مشكلة بس يكتب على الاقل اسم المنتدى وصاحبة الموضوع عشان يدعون لي

الزززززززززبدة طولتها وهي قصيرة[ندعوك للتسجيل في المنتدى أو التعريف بنفسك لمعاينة هذه الصورة]

فوائد الخلطة التالية وسجلي عندك :

1- انبات الشعر. ( وهذا ترى مو سهل تلاقينه )

2- اطالة الشعر وبشكل ملحوظ خلال شهر مابي اقولكم يوصل شعرك للركب خلال شهر ماعندي هالسوالف والكذب اللي مايفيدك بس بيطول شعرك بشكل ملحوظ جدااااا على هالوصفة ويمكن خلال سنة يوصل للركب هنا اتكلم بالمنطق << ياحبني لي بس

3- تقوية الشعر وبصيلاته من الجذور.

4- لا تقصف ولا تساقط بعد اليوم مع هالوصفة.

5- لا قشرة ولا أي مشكلة من مشاكل الشعر وعلى مسؤليتي ،،

6- نعومة ولمعان طبيعي للشعر لاتحتاجين فرد ولا تصفيف ولا استشوار بعد الان.

ههههههههههههههههههههه

توك تذمين في اللي يسوون لنفسهم دعاية

لااااااااااا امزح لا تصدقون

خذو الوصفة وادعولي

بس للمعلومية والامانة /

ترى ريحتها قررررررررررررف يعني اذا انك متزوجة وزوجك قبالك 24 ساعة وفري على نفسك ولا تسوينها لانك حتى اذا غسلتي شعرك راح تبقى الريحة شوي الا اذا مايهمك فيه وهذا المطلوب وماهمك الا شعرك ههههههه دبري عمرك[img:6d8d][ندعوك للتسجيل في المنتدى أو التعريف بنفسك لمعاينة هذا الرابط]

المقاديرتكفيك شهر وزيادة خابرتكم كسولين ماتبون كل شوي تسون الخلطة وفرت عليكم هههههههه وتعبي لك 3 قارورات زجاجية ولااااااااازم زجاجية لأن البلاستيك مع المدة يفرز مادة مضرة بالزيت القارورة تكون بحجم قارورة ماء الورد الكبيرة فضيها ونضفيها[img:6d8d][ندعوك للتسجيل في المنتدى أو التعريف بنفسك لمعاينة هذا الرابط]

وتعالي معي للمقادير

1- راس ثوم كامل مو فص ثوم انتبهي راس ثوم و كبير نوعا ما واذا صغير استخدمي راسين ثوم

2- فليفلة حلوة خضراء كبيرة.

3- ثلاث ملاعق كبيرة حلبة مطحونة لكل قارورة.

4- قرنفل اللي هو المسمار الحب مو المطحون.

5- قارورة زيت زيتون ولا تعقدينها موشرط الاصلي انا استخدم الوزير.

6- قارورة زيت اللوز الحلو للشعر من العطار ب 10 ريال.

7- زيت السمسم للشعر من العطار ب 10 ريال.

9- زيت الخروع وهذا بالذات جيبيه من الصيدلية لا تجيبيه من العطار واطلبي نوع مركز للشعر يجي مرة ثقيل

الطريقة :

1- اخلطي الزيوت با أناء مع بعض

2- واهرسي الثوم طبعا بعد ماتقشرينه وتغسلينه مع الفلفل الاخضر بالمفرمة لين يصير مفروم فرما ناعما ههههههههه حشى طبخة

3- هاتي القوارير الفاضيه عندك اللي بتعبين فيها الزيت وضعي فيهم كمية من خليط الثوم والفلفل + 3 ملاعق حلبة مطحونة كبيرة لكل قارورة + قرنفل الحب يعني تقريبا قبضة طرف اصابعك مو قبضة ايدك ههههههههه

4- صبي عليهم خلطة الزيوت اللي خلطيتهم مع بعض باناء اخر

5- غطي القوارير بشكل جيد ومحكم وضعيها بالشمس او بأي مكان بحرارة الغرفة العادية لمدة اسبوعين قبل ماتبدين تستخدمينها

والقصد هو ان تتشرب الزيوت بمكونات الحلبة والثوم والفلفل خلال هالاسبوعين فيصبح عندك عصارة زيت الثوم والحلبة والفلفل وووووووكل اللي حطيته واوووووو روعة
[ندعوك للتسجيل في المنتدى أو التعريف بنفسك لمعاينة هذه الصورة] ولا احسن عطار ياعيون <<< فديتني

تخيلي معي فوائد هالخلطة بس من قراءة هالموضوع فكيف بالتطبيق

بعدها حطيها بشعرك يوم ورا يوم وشوفي النتايج!!! عجب عجااااااااااااب[ندعوك للتسجيل في المنتدى أو التعريف بنفسك لمعاينة هذه الصورة]

على فكرة عندي خلطة مكملة لها لخلطة احطها في اليوم اللي ما احط فيه هالخلطة بشعري يعني يوم احط ها لخلطة ويوم الثاني احط الخلطة الثانية وبجد قمة الروعة

واذا تبون الخلطة الثانية ماعندي مشكلة ومجااااااااااااانا للي تبي الخلطة التكميلية،،

بس من جد انواع الخيااااس بس ماعليه شعرك يستاهل منك شوية عناية وتعب وصبر وجهد وربي شعرك بيطلع شعر الهنديات

وبعدين ياكثر الشامبوهات والبخور والعطورات اغسلي شعرك زين وبخريه وهو رطب وحطي شوية دهن عود على شوية مسك وشمي الريحة

للي تبي الخلطة التكميلية زيادة الخير خلطتين ههههه :

المقادير :

1- نبتة الصبار اشتريها من المشاتل وخليها بالبيت عندك ترى مفيدة للشعر والبشرة ماعلينا من البشرة الحين خلينا بالشعر .

2- زيت جوز الهند ولا تعقدينها أي زيت جوز الهند بس يكون الاصلي انا استخدم براشوت الازرق حق زينب العسكري هههههههههه

3- زيت دابر املا الأخضر ابو ريحة خايسة وانتبهوا في اصلي وفي تقليد خذو الاصلي مو التجاري .

الطريقة:

1- احضري زيت جوز الهند واخلطيه مع دابر املا

وضعيه في قدر للطبخ

2- اقطعي نبته الصبار وافتحيها من النص وطلعي العصارة اللي فيها بالوسط بالسكين بالملعقة بالشوكة كيفك المهم طلعي العصارة اللي بوسطها وضيفيها للزيت
وهذي صورة العصارة ::::

[ندعوك للتسجيل في المنتدى أو التعريف بنفسك لمعاينة هذه الصورة]

3- حطي كل المكونات السابقة على النار للتسخين

4- ضعيها بالخلاط الكهربائي واخلطيها مع بعض لتمتزج جيدا بعصارة الصبار

وعبيها بقارورات زجاجية وتمتعي بأحلى شعر

ملاحظة / ضعي أي خلطة في شعرك لمدة لا تزيد عن 5 ساعات ولفيه بفوطة مبلله دافية او كاب بلاستيك لمدة ساعتين وبعدين شيليه

انتبهي تنامين في الخلطة لان الشعر لازم يتنفس في الليل ،،

اخيراااااا شوفوا صورة شعري
هذا وتوني قاصته

بسم الله علي وقولوا ما شاء الله

[ندعوك للتسجيل في المنتدى أو التعريف بنفسك لمعاينة هذا الرابط]

ولاتنسيني من دعوة حلوة بظهر الغيب

الله يحقق لي املي ومطلوبي ويغفر لوالدي

قولوا امين

ويالله همتكم بها لصيف والأجازة اعتني بجسمك وشعرك وخلك آخر حلااااااوة

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذا الرابط]

بارك الله فيك اخي على الموضوع الرائع
شكراًجزيلاً

[ندعوك للتسجيل في المنتدى أو التعريف بنفسك لمعاينة هذا الرابط]

» حروف كونت آحلى العبآرآت >>>منقول
» شوفوا ذكاء البنت
» شوفوا بعض الهوايات بس بصراحة ابداااااااااااااع
» شوفوا ذ گـِـِاء اڷبـِـنـِات فِي اڷاختبارات ؟؟‏
» قس سرعة الانترنت لديك مجانا