تجيني طيف يا عمري على جنحـان شوقـي لـك

تجيني طيف يا عمري على جنحـان شوقـي لـك
أخاف أرمش من عيونـي وأبعثـر جيّـة وصالـكـ

حبيبي لا تجيني قول وين انـت وانـا أجـي لـك
أبيك تقول وين انت وعلى عيوني أنا اسعـى لـكـ

وربي فوق روس الشوك لا اخلي القلب يمشي لـك
وأخلي ظلالي يسبقنـي قبـل يحضننـي منزالـكـ

ثواني بس .. أبـتهندم من عيونك وابـهدي لـك
في عينك ضحكةٍ حتـى تكحـل عيـن عذالـكـ

يقولوا الناس بـغيابي تشب القلب ويضـوي لـك
حنيني ومن وهج شوقه يميـل القلـب لا مالـكـ

قضى دمعي من عيوني .. أبي من عينك أبكي لـك
أبـنثر من ورا عيوني دمـوع عيـون ترحالـكـ

تعبت أهرب من الأشيا البسيطـة مـن تفاصيلـك
تعبت اسأل زوايا البيت عن أول وآخـر أحوالـكـ

وحتى الشوق من صبح الدرايش قام يهـدي لـك
عصافير الربـى ترفـرف علـى بيبـان مدخالـكـ

هنا ترمي : صباح الخير قبل لا تروح وأدعي لـك
وهنا تضوي: مساء الخير في عينـي مـن هلالـكـ

أنا من الليل يقطفني شعـوري لـك وأغنـي لـك
أنا من الصبح يليلني [ الحزن ] من لـون موالـكـ

حرام الليل ماهو ليل إذا مـا كنـت فـي ليلـك
وحرام الصبح ما هو صبح إذا ما كنت بـظلالـكـ

تروح وقلت : أحط روحي على كفي وأنادي لـك
نزعت العمر من شفت الغلا بالـروح نـادى لـكـ

بربك قول وش سوا [ الفراق ] بوجـه منديلـك
تسيل الوان طيفي فيه الى مـن [ البكـا ] سالـكـ

حبيبي .. لا يبكيك [ الفراق ] ولا يهـد حيلـك
أخاف الدمع من عينك يجفف [ صورتي ] فـبالكـ

تعااااال .. أحتاج أسولف لك عن الأيام واشكي لك
وافض غيم الحزن وانثر حنيـن الشـوق بقبالـكـ

تعااااال وحط في قلبي هموم [ الفرقـا ] واشيلـك
لأن القلب ماهو قلب اذا فـي نبضـه مـا شالـكـ

وقف دمعي من عيوني .. أبي من عينك أبكي لـك
أخاف أبكي من عيونـي وأبعثـر جيـّة وصالـكـ !!

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

» امي امي يامن احببت طول عمري ؟؟؟
» لا يابعد عمري{ ابيك } ..!
» تعال ابيك تعيش عمري معايا
» أيام عمري قبلك ... وحين عرفتك
» حصريا البوم (( إيهاب توفيق - عمري ليك 2009 ))