ليت الشوارع تجمع اثنين صدفه ~ البـــدر

قصيدة لمهندس الكلمه وبدر الشعر
( بدر بن عبدالمحسن)

يطيح جفن الليـل واهـز كتفـه
يفز نجم ، وباقي الليـل مطفـي

واحاكي الجدران عن مثل غرفـه
ماتشبه الجدارن ويطول وصفـي

وتملني الجدارن واظهر لشرفـه
تحت السماء واسكر الباب خلفـي

ليت الشوارع تجمع اثنين صدفـه
لا صار شباك المواعيد مجفـي

ريحٍ تهب وتسكن العظـم رجفـه
وتموت ريح وتسكن اوراق نزفي

على الروابي تهطل دموع وطفه
ويصب لمع بروقها وسط طرفي

ياطاري الغدران ، والعمر رشفه
مع قلّها ، ياليتها ييـوم تصفـي

الحب واجد مير الأقـدار صلفـه
والارض واجد لكن العزم منفـي

والي اعرفه راح مانيب اعرفـه
ولااظن يذكرني اليا اقلبت مقفـي

ماهو حبيبي مورد القلـب حتفـه
ولاهو حبيبي يفرح بوقت ضعفي

مُّر ثمر هالليل ، وامـر قطفـه
يالحمظل الي صرت اذوقه بكفي

هذا وتّو الليـل مـاراح نصفـه
ياليل بعض اللي مضى منك يكفي

مما رآق لي

تسولف لي عن الضيقه وانا كلي ألم وأحزان
وأنا من وين ماناظر بعيني شفت ضيقاتي
تسولف لي عن الضيقه وأنا عنوان للحرمان
دخيلك لا دخيل الجرح لا تكشف معاناتي
سيدي لا تشجعني أسولف وأكسر الكتمان
تعبت من السكوت اللي تعود يسكن بذاتي
عليم الله مافيني شبر يضحك فرح وأشجان
وأنا لو جيت ابضحك لك أجيك أضحك بدمعاتي
حياتي شعرن وشاعر وجمهوري بقايا انسان
ونقادي زمن قاسي ولا يفهم كتاباتي
أناظر للبشر حولي أحد يضحك أحد طربان
وأنا صعبن علي أضحك أسايرهم بضحكاتي
عجزت أكذب على نفسي بفرحه ما بها ألوان
وحزني ما عجزعني بدا يرسم نهاياتي
طريقي صعب وجروحي كثير وداخلي ضميان
أبي لو يوم واحد أحاول أجمع شتاتي
أنا قصه تبعثرت وتطايرت بزمن خوان
تعلمت أخسر البسمه وأداري عضة شفاتي
أبكتب لك وبالخط العريض وريشه الفنان
أنا الخسران توقيعي وانا الخسران بصماتي
أكمل لك عن الضيقه اكمل لك عن الأحزان
تأكد لو بكمل لك تصيح وتطلب سكاتي

موضوع رائع ومميز تقبلو مروري

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

» اثنين محششين
» ||¤•• أكبــر تجمع للجليترات تفضلو ••¤||
» القلب هل يحب اثنين ادخل وعطني رايك
» بسمة راااائعة , تجمع الشيخ- محمود المصرى والشاب المعوق عبد الله ,
» صور لأجمل وأغرب الشوارع في العالم