علمتني اكتب

علمتني اكتب شعر ...
علمتني الحب اسر ...
علمتني اسهر واناغي انغام طيفك من يمر ...
واحترك وي شمع ليلي وانتظر جيت الفجر ...
وغركتني بحر عينك وكتلي هو الحب اسر ...
علمتني اكتب شعر .... علمتني الحب اسر ...
علمتني الحب مقدس .. بيه ممنوع الغدر .
وعلمتني عالمبادئ كلت لازم تضحيه ولازم صبر .
علمتني الحب وفاء وتضحيه وبيعة عمر .!!!!!!!
وصرت اشوف الحب وباء ومشنقه وموقد جمر 
ياحسرتي ... يامذلتي وبالنتيجه اطلع صفر .
لأن حبك مرد كلبي وضيعت كلشي هدر .
يالنسيت سنين شوكك .. تدري حبنه شكد خطر .؟!
حافظ اسرارك حبيبي .. مو علمتني عالرضاعه من الصغر..!!
مو علمتني من البدايه وجنت تفتحلي الصدر ..؟!!
وتلزك شفافي وي شفتك وايدي جانت عالخصر ..؟!!
وك آني بعيني شفتك كلي وشعندك عذر ؟؟؟؟؟؟؟؟؟؟؟؟؟؟؟؟
أفطمتني بكل قساوه ...ليش يالدمك خمر..؟
انت علمت الغدر معنى الغدر ..............
وعلمتني شلون اموت بلايه صوت ولا قضاء ولا قدر 
علمتني ماكو جنه ... ولاقيامه وماكو نار التستعر 
كلت بس دنيانه هذي .. ملحد انت وعلمتني عالكفر!!
وكفرت وبكل صراحه بهوا عيونك وهذا جان اول كفر .
لأن بس حبك مقدس وبعد غيرك شنتظر ؟؟؟
كوم خلينه انتفارك بأرض كلبي بعد ما تملك شبر بوطن كلبي بعد ما تمكلك شبر..