عمر البحر ما شال هم السفيته

عمر البـحــر ماشال هـم الـســفينه ..

...{ [ندعوك للتسجيل في المنتدى أو التعريف بنفسك لمعاينة هذا الرابط]

من طبعي ارد الإساءه {بالاحسان }

وأساير ظروف الزمان اللعينه ..

وأطوف الغلطه من { أفلان .. وفلان }
يعني من أجل { عين } تكرم مدينه ..

الكامل الله والخطا طبع { الانسان }
والدرب يفرق عن يساره ويمينه ..

و { الصاحب } ا للي له معزه وله شان
ان جاني بشينه .. تذكرت زينه ..

اتحمل اخطاءه معي { قدر الأمكان}
من جانبي تبقى العلاقه متينه ..

واللي { يغلطني } وانا ماني بغلطان
اصابعي احطها { وسط عينه} ..

مادامني مسلم وفي قلبي إيمان
عمر{البحر } ماشال هم السفينه ..

مرت علي {انواع .. واشكال .. وألوان}
بين { العقول } الناقصه .. والرزينه

عندي قناعه ان { الإنسان شيطان }
اذا يهينك { لازم } انك تهينه ..

يعني اذا حاجتك { بيدين عدوان }
يكفيك شر المهزله .. والغبينه ..

من{ كثر ماجاني } من الناس خذلان
تحرجني حتى كلمة { الله يعينه }

صحيح لي { ربع .. وجماعه .. وخلان }
وأضيق لكن حاجة الناس.. شينه

الشخص دام انه بكل شي{ خسران}
تأكد انهآ من عمايل { يدينه } ..

من مرحلة { حب .. ومشاعر .. وحرمان }
إن مالعنت الحب تلعنه سنينه ..

اكتب شعر واعزف من { اشواقي الحآن }
واسلي قلوب الغرام الحزينه ..

ولو الشعر مخلوق في { هيئة انسان }
والله لأقول له تسلم { واقبل جبينه }...~

~ّ مما راق ليّّ~

[ندعوك للتسجيل في المنتدى أو التعريف بنفسك لمعاينة هذه الصورة]

» الحياه ,,,,, ك ,,,,, البحر !!!
» من تتمنى ان يجلس معك على البحر
» صور جديدة لامواج البحر
» كلمات كأمواج البحر
» صور رائعة من امواج البحر