كلمات اغاني عيضة المنهالي

انتهى حبك

انتهى حبك حبيبي من زمان ما بقى لك في حياتي أي مكان
لا اتدورني بعد فوت الأوان طارت طيور العرب بأرزاقها

كنت تسوى في حياتي كل شي كنت عدي كل شئ و أي شئ
صرت ما تسوى عندي أي شئ ما لي بناس تخون أشواقها

كيف كنت تمثل الدور المثير و أن قلبك هايم و فيني أسير
انجل ليلك بفجر مستنير وشمس غيرك بينت بإشراقها

روح دور لك شبيهي بالغرام و لا تكثر في عتابك و الكلام
لاتدورني بعد فوت الأوان طارت طيور العرب بأرزاقها

==========================
**يا عاذلين الهوا **

يا عاذلين الهوا خلوه ،،، يلعب بقلبي على كيفه
متحمل الصد و المشروه ،،، منه و لو زاد تعنيفه

ماطاوع القلب لولاموه ،،، المحب يدرا مواليفه
حبي لخلي مهوب مشبوه ،،، و عهد الهوا صعب تحريفه

من كثر شوقي عليه اتوه ،،، و اسري الليالي مع طيفه
لا حل في القلب غيره هو ،،، قلبي مشتاه و مصيفه

لابوح سره و لا اشكوه ،،، و لا اطلب من الظلم تخفيفه
خلوه لو صد بي خلوه ،،، حاكم لقلبي و على كيفه

كلمات: ماجد بن سلطان الخاطري

==========================
**مالك عذر **

مالك عذر لو تعتذر ما عذرناك ،،، يكفي رجا لا ترتجي من يجافيك
ان كانت الفردوس في كف يمناك ،،، القلب صار ابعد من كفوف اياديك
قلبي مع قلبٍ يحبه و ذكراك ،،، مايوم مرتني و لا مر طاريك

لو تهذي بصوتك ترا ماسمعناك ،،، خل الصدى من عقب صوتي يسليك
رغم الندم لوتندم الدهر بنساك ،،، و على عمى سود الليالي بخليك
انسى ودادٍ في المحبة عطيناك ،،، و اللي مضى و اللي انقضى بس يكفيك

مات الغلا في خافقي من جفيناك ،،، حتى المشاعر ترفض اليوم ترثيك
لا لا تقول الحب قاسي و بكاك ،،، لك قلبٍ اقسى من حجر من يبكيك؟
لك كنت اعظم حلم ساطع بدنياك ،،، لا تظن تنجب لك بمثله لياليك

كلمات: سمو الشيخ هزاع بن سلطان بن زايد آل نهيان

==========================
**خيلي و سيفي**

عنيت في درب الهوى كم عنيت ،،، خيلي و سيفي و القلم و القوافي
ياليل خاب اللي عن الحب ظنيت ،،، اثر الليالي في الهوا ما تصافي

صديت عنك كانك تظن صديت ،،، قبلي و انا اللي دست درب التجافي
انا اللي الذي من حبكم بس مليت ،،، روح عسى لجروحكم شي شافي

صافي غرامك داخل الكاس زليت ،،، وانا شربته منك كامل و افي
و اليوم يوم لغيرنا كاس صبيت ،،، خله يذوق اللي تركه السنافي

لا تنتظرني التفت يوم قفيت ،،، و الله لو تمطر عيونك رعافي
لو قالوا انك اعز مادمعة رشيت ،،، وقتك عفى لو طاف لو صار كافي

كلمات: الشاعر الاماراتي الياه

==========================
**غيرك بقلبي **

غيرك في قلبي ماسكن شخص ثاني ،،، مارام قلبي في غيابك يخونك
ميناك قلبي و انت لي مواني ،،، ارسي على بحرك و اهيم بفنونك
عانيت منك و انت مني تعاني ،،، اشكي فراقك و انت تشكي شجونك

حبك حبيبي في الضماير كواني ،،، كل الجوارح تشتكي من طعونك
لو بإختياري ما إفترقنا ثواني ،،، لا عشت لحظة يا حياتي بدونك
الحال عقبك صار ناحل و داني ،،، لو شفتني بتسيل دمعة عيونك

في غيبتك اشرب مرارة زماني ،،، قلبي و عقلي من العنى يشتكونك
يبغون منك عطف و الا حنانِ ،،، عطف المحبة يعل ربي يصونك
ادمنت حبك و استحل بكياني ،،، لا اقدر اعيش العمر لحظة بدونك

كلمات: مبارك المنهالي

==========================
** على هونك **

على هونك على من هم يعشقونك ،،، عيونهم كلها لك و خوفي لا يحسدونك

ملكني سحرك ملكني و لا حد غيرك فتني ،،، بعمري سبعة عجايب و ثامنها في عيونك

جمالك من في جمالك و منهو يكفي بدالك ،،، حاكم لقلبي و تأمر تصرف و الكون كونك

انا مالي غيرك انت يامن فؤادي ملكته ،،، تراني قايل من اول على هونك على هونك

كلمات: أحمد المري

==========================

** قلبي الحي (حكم القدر) **

اذا حكم القدر اني احبك ،،، انا مالي على الاقدار حيلة
تولع قلبي العاشق بقلبك ،،، و قلبي الحي في الدنيا دليله

غلاك اللي سكني عند ربك ،،، مشاعر جارفةكالسيل سيله
عيوني يا عيوني تبتعد بك ،،، همومي منك و ان بانت قليلة

حجبت الشر عن شرقك و غربك ،،، خوي القلب يا خلي و خليله
اشوف العمر باقي العمر قربك ،،، حظوظ الغير يا خلي بخيله

اذا عارض تعرض دون دربك ،،، انا اشهد زلته زلزال حيلة
يفكر الف مرة و لا يمر بك ،،، و تالي قصته قصة طويلة

و اذا قلبي و هو قلبي امتحن بك ،،، ترا روحي من اسبابك قتيلة
احبك لا و لا روحي صخت بك ،،، دلال و حسن و وصوف جميلة

جمالك بين هالعالم ظهر بك ،،، فتنة العين يا برقٍ تخيله
و اعرف الحب من دقات قلبك ،،، وجودي وسط هالعين الكحيلة

كلمات: سمو الشيخ هزاع بن سلطان بن زايد آل نهيان

==========================

** مواعيدكم **

مواعيدكم بالحيل ماهي مواعيد
و بالحيل فيكم صار ما يصدق الوعد
توبة و توبنا فلا نرجع نعيد
وقال المثل لي صد عنك ترى صد

دايم اداريكم و لو طبعي عنيد
لو كان بحر الحب في جزر و مد
و شوقي عليكم دوم ما ينقص يزيد
و مازال قلبي وافي العهد و الوعد

اثري لقاكم يالغلا كنه العيد
ماخذك يالغالي على محمل الجد
و تأثير بعدك زاد من دون تحديد
و الصبر عندي صار واصل على الحد

تدري عن اليوزيا كنت ماتحيد
خذ من علومي زبدة الهرج و القصد
لي من شموس العز هيبة و تأكيد
مثل الصقور اللي على الصيد تنهد

كلمات: همس المشاعر

**ابكي عليك **

ابكي عليك ابكي عليك من كثر ما اشتاق لك
ابكي عليك ابكي عليك من كثر ما احتاج لك
ابكيك انا و قلبي الذي ما يبغي الدنيا يبيك
ابكي عليك ابكي عليك من كثر ما احتاح لك

رحت و ذبل عمري انا ما ظل غيري و العنى
ماغير اناظر صورتك و اتذكر ايام الهنا
كيف انت تتركني و تسير
قلبي انا بحبك اسير

من كثر ما تطري علي القاك انا في كل شي
اصعب على الظالم و انا حالي مثل ميت و حي
يعني انا بكل اختصار
عايش و لكن روحي فيك

كلمات: أنور المشيري

==========================

**انا مابيها**

انا مابيها مابيها ،،، علاقتنا و بنهيها
و اذا حطيتك فبالي ،،، ترا والله لا اسويها

انا حر و على كيفي ،،، و أعديها على كيفي
و اذا الدنيا ما تعجبني ،،، لجل غيري اخليها

أببعد عنك و انساني ،،، و دور لك على ثاني
انا لي صاحبٍ غيرك ،،، علاقتنا يراعيها

و خلك عايش لحالك ،،، بليلٍ مظلم حالك
و مهما صار بالدنيا ،،، علاقتنا و بنهيها

كلمات: عيضة بن طناف المنهالي

==========================

**قلبٍ شكى البعد (شلة) **
قلبٍ شكى البعد ليتك تدري بهمه ،،، و احوال مرت عليه و لاعت ايامه
حزين عايش في ذكرى تسري بدمه ،،، لو هو تناسى تجدد فيه آلامه

كنه تسلي في عذاب الخلق و الأمة ،،، و اصبح رصيدي يحطم باقي احلامه
قلبٍ له الله تجمع همه و غمه ،،، ان مر طيفك عليه و لاح جدامه

تسكن عليه الجوارح حيل و تضمه ،،، كنه تمازج مع الشريان و انسامه
يامنية الروح عهدك وينه و حلمه ،،، طال انتظاري بحلم الامس و اوهامه

ان كان عهدك على ماقلت و التمة ،،، تعال و اسكن مكانك و اجمع حطامه
و ان كنت مبعد ترى الله مبري الذمة ،،، برضى بصرف الزمان و تالي احكامه

و ان كنت مبعد ترى الله مبري الذمة ،،، برضى بحكم الزمان و هذه احكامه
قلبٍ شكى البعد ليتك تدري بهمه ،،، و احوال مرت عليه و لاعت ايامه

كلمات: علي بن عناد الخاطري

كلمات البوم الفنان عيضة المنهالي مـهـمـا جـرى 2002

**مهما جرى**

مهما جرى منك وصار ،،، انا تراني في إنتظار
صابر على ماهو جرى لي ،،، اطريك في ليل و نهار

قلبي المغرم هواك ،،، خلني ابقى معاك
عاشق و قلبي مانساك ،،، ما احتمل زود انتظار
وماللصبر عندي مجال ،،، انساك انا هذا محال
اهواك يا شبه الغزال ،،، اهواك و الحب اختيار

حبي لوصلك يافتون ،،، واحد من اسباب الشجون
اثر وبين على العيون ،،، وانا وقلبي في شجار
اهواك ياعذب الكلام ،،، يامن سلبني بإبتسام
حرام ياسيدي حرام ،،، غيرت عنا في المسار

==========================

**لا يزعلك**

لايزعلك يا نظر عيني غيابي ،،، الغلا في القلب ماتشوفه عيونك
ان كنت مشتاق انا شوقي عذابي ،،، وقلبي الولهان بنبضاته يصونك

جيتك بشوقي تبادل للعتاب ،،، تدري ذا حبك ولا يمكن اخوني
الحشا بالاظي اني ران ذا بي ،،، زادت بي اشواقي و زادت بي طعوني

قلبي الولهان في شفك صرا بي ،،، واهتني بالنوم في غمضة جفوني
اسأل قلبك ترى قلبك درا بي ،،، كم ليلة بالتناجي مع شجوني

لعيونك يالغلا سديت بابي ،،، قادني احساسي وانا لبيت عوني
حبك العذري في وجداني سطا بي ،،، والمحبة مالها ذوق بدونك

==========================

**لا تهددني**

لاتهددني بالفراق ،،، وتستغل ظروفي الصعبة
اكشف المخفي بالاوراق ،،، كان مالك بالهوى رغبة

كيف تجرح قلب مشتاق ،،، ماتخلي للعمر طربة
وين عهدك و وين ميثاقي ،،، دام موج الشك يلعب به

بالصدود تكدر اشواقي ،،، دايم تعذيبي تحبه
ومع ميول النفس تنساق ،،، وللفراق تدور السبه

كم زرعت الحزن في اعماقي ،،، وانا اقول يسامحه ربه
وآخره لوحت بفراقي ،،، مستغل ظروفي الصعبة

==========================

**ناديتك بصوتي**

ناديتك بصوتي ولا فاد ،،، جربت لك كل التناهيد
حبك ذبحني والغلا زاد ،،، ياغايب عن عيني بعيد

جمر المحبة حيل وقاد ،،، في وسط قلبي ناره تقيد
وش لك حبيبي بكثر البعاد ،،، شوفك تراه اليوم لي عيد

دورت عنك بكل البلاد ،،، رجلي حفت من حامي البيد
نشاد انا اللي عنك نشاد ،،، بين البشر يا اتلع الجيد

قلبي لحبك دوم منقاد ،،، حبك ابد ماينقص يزيد
ان جيتني كل الهنا عاد ،،، و ان طال هجرك فرحي بعيد

==========================

**بي ضيقة**

بي ضيقة ودعت اليوم غالي ،،، واسهر من فراقه ايام وليالي
ودعني و دموعه على الخد سالت ،،، هو قال لي منساك لو طال المطال

بس كيف اصبر على اشواقي و بصبر ،،، و الحب في عروقي و روحي وحالي
كم قلت له يالضنا لابد نصبر ،،، محال نتباعد و نتفارق محالي

حرام لاتدمع عيونك حبيبي ،،، لايضيق بالك ولو هو ضاق بالي
كل دمعة كنها طعنة بقلبي ،،، من سيف جروحي يا ليت اسمك طرا لي

اشتاق له واشتاق كل لحظة ودقيقة ،،، دايم معي فكره في حلمي و خيالي
ياليت الأقدار تجمعني بخلي ،،، ونجدد الفرحة بعيد الوصال

==========================

**اتعبت روحي**

اتعبت روحي سبب روحي ،،، واهملت عيني سبب عيني
وطال بعدك وابتدا نوحي ،،، ليت لو بالوصل تحييني

غبت دون اعذار ووضوحي ،،، يامنور شمعة سنيني
يا امل عمري و مربوحي ،،، اثر بعدك يالغلا شيني

في عيوني طيفك يلوحي ،،، ما يفارق عن سما عيني
وكل شي بالحب لك يوحي ،،، قلبي و روحي وما فيني

مايشافي غيرك جروحي ،،، يا سببها وانت تشفيني
ان هناك البعد مسموحي ،،، راحتك خلي تكفيني

==========================

**جالس في حالي**

جالس في حالي ولحالي ،،، هزني الشوق وذكرتك
يعني معقولة يا غالي ،،، كل هذا و ما وحشتك
غيبتك طالت ليالي ،،، يا عسى خير و عذرتك
خوفي و كل انشغالي ،،، دون ما اقصد جرحتك

يعلم الله و قلبي شاهد ،،، ان عيني من املها
بس تشوفك عندي قاعد ،،، روحي ترجع في محلها
تدري يوم احنا نتباعد ،،، كل هالدنيا و اهلها
يفقدون انسان واحد ،،، وافقد انا الدنيا كلها

ان كان قلب يا فتوني ،،، طاوعك تنسا حبيبك
انا ببقى مع شجوني ،،، وانتا روح الله حسيبك
بس تأكد يا عيوني ،،، لو بقا غيري نصيبك
انتا وياي او بدوني ،،، ما ابي مكروه يصيبك

==========================

**اهمه**

اهمه لو كذب اني ماهمه ،،، غلاي يجول في قلبه و دمه
يبان الحب في نظرة عيونه ،،، يقول الصدق والا ولد عمه

يغار و غيرته تفضح غرامه ،،، وتكشف غيرته حتى كلامه
يغار و يقلب الدنيا عليه ،،، يبيني دوم في قربه و يمه

يبيني دايم بجنبه يبيني ،،، ولو انه تظاهر ما يبيني
انا ادري فيه وادري عن طباعه ،،، يخفي الشوق في قلبه و يضمه

يكابر وادري انه هو يكابر ،،، وانا ادري بس لكن دوم صابر
ابيه يبوح عن حبه و شوقه ،،، وانا اللي بين خلق الله اهمه

==========================

**اغلى الناس**

ان زعلت برضيك وكل عمري فداك ،،، و الزعل مزعله يالغالي عليك
لو تامر بروحي بتنقاد لرضاك ،،، ولو تطلب عيوني في لحظة تجيك

انت اغلى الناس و من لي في غلاك ،،، وانت نبض القلب ملكه في ايديك
مثل قلبك صافي الحب في جداك ،،، و في الغلا والحب ابد مالك شريك

ميزك ربي من الناس و عطاك ،،، ميزة و تخص ذاتك و تعنيك
لك وصوف نادره دايم معاك ،،، دايم محبوب وناسك تهتويك

كم حسود وده يكدر سماك ،،، في ذمتي والله انا معتاظ فيك
انت مثل الجوهر الصافي صفاك ،،، تنذكر بالخير اذا حد طريك

==========================

كلمات البوم الفنان عيضة المنهالي خايف عليك 2003

**خايف عليك**

ياللي تيمني حبك ،،، مش خايف ليه من ربك
بأسبابي تكسب ذنبك ،،، والله خايف عليك

ليتك دام معانا ،،، يحصل دايم لقانا
الله محلا هوانا ،،، ما أشرك به شريك

حيرتني يا قاسي ،،، تجفينا و مرة ناسي
والقلب اللي حساسي ،،، ما يقدر يخليك

مقدر أعيش بدونك ،،، و أموت انا بعيونك
لاتلوم و لا الومك ،،، لأني مغرم أبيك

==========================

**يا طارشي**

يا طارشي ود السلام و رده
للي عيونه و الهدب مسوده
غالي و يتزايد في قلبي وده

سده غزير ولا يبيح سده
و ان طالت المده و طول حده
عذاب للعاشق و للموده

ياللي شرا البراٌق يسمي خده
واحيا بشوفه و الهلاك ببعده
وان عاد لي يا فرح قلبي و سعده

==========================

**مشكلتك**

مشكلتك إنك قلب حساس ،،، تشره و تتغلى و تزعل
مشكلتي مولع بك بلا قياس ،،، و إن ما سألت اشتاق و اسأل

يا بعد هالعالم و هالناس ،،، يا آخر احبابي و الأول
حبك وسط عيني و عالراس ،،، يبقى و حب الغير يرحل

قلبي عقلبك يمطر احساس ،،، محال ورد الحب يذبل
مهما نظرت اجناس و اجناس ،،، في عيني انت بس الأجمل

إضحك معي يا عذب الأنفاس ،،، و آمر على روحي و تدلل
بالحب كون انسان حساس ،،، من دوننا تشره و تزعل

==========================

**واقع محبتنا**

واقع محبتنا عجيبي ،،، يفرق عن اللي قبلنا حب
اهواك يالريم العزيبي ،،، لو كنت في حبك معذب

تبعد و مره لي قريبي ،،، توهتني في البعد و القرب
تعاملك خلي غريبي ،،، يبتلي المراره وانته العب

مدري يضرك كثر طيبي ،،، او في الغرام مضيع الدرب
ناديت وانت ما تجيبي ،،، ساحة شكوكك موت لي صعب

لاتدمي جروح الصويبي ،،، وعلاجها مايفيد به طب
خذني بلطفك يا حبيبي ،،، خل اللعب بإحساس من حب

==========================

**رفجة عرب**

والله ما يسوونك يالغالي يالمزيون
كلهم عسى يفدونك لي بالعذل يسعون
ارفج انا بعيونك رفجة عرب يوفون
لو كلهم ينسونك ما انساك مهما يكون

وش هي حياتي دونك يا ليتهم يدرون
بانك نصخ مضنونك و انك نظر العيون
لو مثلي ينظرونك و بطيبك يحسون
اكيد بيحبونك يا غايتي بجنون

يسحرني زاهي لونك واحيايك المقرون
و الشعر لي عنثونك لي بالدجى مسكون
شفت الهنا في كونك و اصبحت بك مفتون
لزم علي اصونك و اعاهدك ما اخون

==========================

**كثر الكلام**

وش فايدة كثر الكلام ،،، من بعد ما خنت العهود
روح و على الدنيا السلام ،،، دام الوفا ماله وجود

لا تدعي لي بالجوا ،،، و الحب و الشوق الكبير
بانت الاعيب الهوا ،،، عندك يا معدوم الضمير

مايفيد بعد الفوت صوت ،،، خلاص من قلبي انتهيت
صاب الغلا و الحب موت ،،، و انت على نفسك جنيت

الحب يسمو بالوفى ،،، ما يعرفه ياللي يخون
ابعد و من بعد الجفا ،،، لابد تعرف من اكون

==========================

**تدري**

تدري اني موت احبك ،،، وان مالي غير حبك
واللي ينبض في ضلوعي ،،، ماهو قلبي هذا قلبك

تدري يا فرحي و همي ،،، من كثر ما انتا في دمي
كلما تنظرك عيني ،،، عيني من عيني تسمي

تدري من عشقي لشوفك ،،، ماتفارقني طيوفك
صرت اناظر في المرايا ،،، ما ارى نفسي و اشوفك

==========================

**بإختصار**

بإختصار الوضع كله بإختصار ،،، كنت اجيه يمين يطلع لي يسار
قمت اجيه يسار يطلع لي يمين ،،، شفت انا نجوم الليال بالنهار

دلعوه اهله و انا فيه ابتليت ،،، من غرامه لا جنيت و لا خذيت
عاقل و جنني هالطفل الصغير ،،، و ما يجنن هالكبار الا الصغار

مدري مدري مدري ويش اقول ،،، ضعت في حبه انا عرض و طول
يعني لا طلت الغلى و لا طلت حب ،،، يعني ضايع بين جنة وبين نار

ان شكيت الحال يضحك ما درا ،،، مستريح و لا بعد مثلي سرا
ما شبك صبحه معا اطراف ليل ،،، و لا شبك ليله معا اول نهار

==========================

**نسيم المطلعي**

نسنس نسيم المطلعي هب ،،، و استانس الزين بنسيمه
و انا الذي قلبي معذب ،،، معتاق مشتاق لنديمه

من زود شوقي يعشق الصب ،،، و اون ونات عقيمة
يا ما لعا له قلبي ونب ،،، بنرضاه بونفس حشيمة

له عين شروى الحر الاشهب ،،، و الخصر زاهي في بريمه
سبحان اللي بالحسن يوهب ،،، ترفه ينوف له نعيمه

مرابع الطفجين يلعب ،،، حرص على السمعة الحشيمة
عزاه من مثلي تعذب ،،، و من الوصل نفسه حريمة

صرف النيا و البعد يتعب ،،، و الهجر يا خلي ظليمه
عليك دمع العين يدعب ،،، من موقع العشرة القديمة

عساك في التوفاق من الرب ،،، و في نعمة الباريء مديمة
يسقى من الوسمي و تشرب ،،، من بارج همال غيمه

دار الغضي بالنبت تعشب ،،، و الغيث له يحيي هشيمه
نسنس نسيم المطلعي هب ،،، و استانس الزين بنسيمه

كلمات سمو الشيخ نهيان بن زايد

==========================

**غن لي ياليل**

غن لي ياليل بأشعاري
عن هموم الليل وأسراره
وأعزف أوتارك من أوتاري
يوم عودك تتعب أوتاره
طالب من عينها ثاري
ظالمه والعين غداره
بو شعر منشول طيّاري
والنسايم تحمل أخباره
ساهر في ليل قمّاري
مع ظبي يار القمر ياره
غصن ماتحويه الأشجاري
طينته من المسك مختاره
نور وجهه يهدي الساري
أكتفوا السمّار بأنواره
وفي خدوده ورد وأزهاري
ينبت الكادي من أزهاره
ليلته تشرى بالأعماري
من تفوته يا هي خساره
سر في أسمه للذي داري
والمهى والزين في دياره
وحش ريم وكله أخطاري
في جمال الناس محتاره
صورته أحلا من أشعاري
بس أحاول وصف مقداره

==========================

**طلبـــــتك**

طالبـــــــــــك طلبــه دخيلــك ارجــوك لاتعيد اتصــالك
النفس عافــت من مثيلك قررت انا بقطع وصالك..

قررت انا بعلــــن رحيلــــك مليـــون من بلقــــى بدالــك
ماعتــدت في الدنيا خليلــك ماعاد في شي بقالــك..

عوضــت في غيري جميلك واقفـــيت عن منهـو صفالــك
دام الهـوى اصبح جتيــل(قتيل) انسى غرامي من خيالـك..

لابـد لك يوم ويجيــلك وتذكـر وفـا منهـو وفالــك
ولابــد ما يرجع دليلك وتنــــدم على وقــــت مضالـــك..

كلمـــات:جمعة بن نايم الكعبــي..

الحـان وغنـاء الفنان المبـدع دائمــا:عيضـــــــــــــــــــ ة المنهالـــــــــــــــي..

==========================

**يسلم راسك**

اجيك ؟ يسلم راسك وشلون ماجيك
وياك انا بالذات صعب التغلي

والله ما ادري من الغلا وين اوديك
تسوى عيوني .. لا بعد يمكن اغلى

روحي تناديلك وقلبي يناديك
ان ضاق صدرك في حديهن تسلى

أمر تدلل مالك إلا اللي يرضيــــــــك
عليك مافي دنيتي شي يغلى

لاجيت انادي غيرك انسى واناديك
غصب(ن) علي اليا طروك اتجلى

خذ راحتك بالقلب محد(ن) حواليك
قدرك على كل الخلايق تعلى

بس انت تالي الوقت ربي يجازيك
عرفت مقدارك وقمت تتغلى

قلت : تغلى مير زدت بتغليك
والناس قالو : من تغلى تخلى

==========================

**يــــــــابوي**

يابوي انا اسهر والملا رقود
يابوي انا عفت المنامي

يابوي انا لي قلب مصيود
مصطاب من حلو القوامي

يابوي انا اشكي ناعم العود
ياللي عليه القلب ضامي

لاتلومني يابوي بالزود
انا المتيم في الغرامي

لو دون وصله داروا حسود
ماهمني كثر الكلامي

بيني وبينه لزم وعهود
موثقه له بحترامي

يابوي احبه حب مفنود
واللي شراتي مايلامي

في الروح حبه دوم موجود
ويابوي هايم به هيامي

هو غايتي وهو كل مقصود
واحن له حن الضوامي

عساه في راحات وسعود
وعساه في خير وسلامي

» كلمات البوم الفنان الاماراتي عيضة المنهالي حصر الحلا 2009
» كلمات اغاني فيروز
» .:!!:. كلمات اغاني الوسمي .:!!:.
» كلمات اغاني ماجدة الرومي..
» كلمات اغاني نانسي عجرم