موسوعة كلمات اغاني خالد عبد الرحمن

تذكير بمساهمة فاتح الموضوع :

مرثية الأم

والله لولا الخوف من ربي وكـرهي للذنــوب كـان أقول إن التراب أبعد عليك من النجــــوم

يا إلهي تطمئن بذكرك أرواح وقلــــــــــــوب لا إله إلا أنـت نسجــد لـه لا غــــيـره يــــــدوم

يا العـظيم ألي في علمك جنة ونار وغـيـوب تنجـــي أمـي من عــذاب النار والقبر الكـتـوم

يمه الله ألي أعلم يوم أودعك مـغـصـــــــوب يوم أحطك في القبر ما أدري أقوم أو ما أقوم

ما هقيت أمشي ولا خطوة ولا ألحق غـروب من عرفت إن الفراق اليوم صار أمر محسوم

صارت الدنيا تدور ولا عرفت الدرب نــووب مثل الأعمى صرت يمه ما علي بشرهة ونوم

الوكاد إني غديت بصوب والدنيا في صــوب والحياة الله يجيرك صارت أقسى من اللــزوم

كــل ما أذكـرك يمه ينحرق شـمــع ويـــذوب يختنق صدر المفارق كثر ما صار مــحـــروم

أذكرك وأنت هنا وهناك يا صعب الهــــروب وين مــا أناظر أشوفك في عيــوني كل يـــوم

أتـخيـــل طــلتك ومشـيـتـك في هــالــــدروب حتى صوتك أسمعه نفس السوالف يا رحــوم

صار بيتي في عيـوني موحش وكله عيــوب من رحـلتـي لا خبر لا عــلم ولا عـيـن تنــوم

ما بقى للبيت نـور وما بقى للجرح ثــــــوب لا بــقى إلا ذكـريات بيني وبـيـنك تــــــــــدوم

يمه الله لا يعاقبـنـي ولـكـنـــي أتـــــــــــــوب ليت ربي ما خـلق فـرقى ولا موت وهمــــوم

أدري الجنة تحت رجليك ولله الوجـــــــــوب أســــأل الله الرضا والفوز يالحي القيــــــــوم

والله لولا الخوف من ربي وكرهي للذنــوب كان أقول إن التراب أبعد عليك من النجــــوم

يا إلهـي تطمئن بذكرك أرواح وقلــــــــــوب لا إله إلا أنت نسـجد له ولا غــــيره يـــــــدوم

من كلمات الشاعر : بندر الرشود

من ألحان الفنان: خالد عبدالرحمن

7 - الــــــود
كلمات : حسين القحطاني .
الحان : خالد عبدالرحمن .

الود ما يعطى جميع المخاليق
الود يعـطى في المـخـاليق واحـــد
الود يعطى حافظين المـواثيق
واللي يخـون الود ذا الوقت واجـد
يا كثر ناسٍ ودّها بالتـوافيـق
ويا كـثر ناسٍ عـشقـها عند جاحـد
اللي مودتهم مـودّة تلافـيق
تـسهر ومن له تسهر العين راقـد
الورد ما يهدى لكل المـخاليق
الـورد يـهدى في المـخاليق واحــد

=========================

8 - ياعطاشا
كلمات : محمد العثيم .
الحان : حمد الطيار .

يـا عـطاشا عـطاشا والمــوارد بعـيـــده
والثـريا حـداهــا ياسهـيــل يـم المـغــيـب
وإليا غابت من يرجي قلبي أنه تـعيـده
قـلبـي اللي تولـع ردى حــظ ونـصـيب
ويـل قلبـي تراهـا فـي هـواها تـبيــده
اتركـتنـي وقلبي في الهوى مستـصيـب
طـال مـشـوار حبـك والليالي عـنيــده
جـف غـصن المـحبـة عـقب ماهـو رطيب
يا عـطاشا عـطشكم في صخــورٍ جـليــده
مالـهـا ماطــرٍ هـامـي ولا بـه ســريب
جـف فيـها عـليّـا الحـب وقـطّــع وريــده
يا عـطاشا حــذاري من بـعـيـدٍ قـــريب
من رمى سهم حبك في عيـونٍ صـديده
يقـضـي باقي حـياته بالمـحـبـة غـــريب
من طـلـع عاليٍ يلقى رياضٍ مـديــده
ومن وطى في مطا منها فأمره مــريب

========================

9 - آخر أخبارك
كلمات : عبدالرحمن الناصر (( مجازف )) .
الحان : خالد عبدالرحمن .

من حـقي أسأل عن أول وآخر أخبارك
ومن حـقك انك تـنشدنـي عـن أخبـاري
ما يتـعب اللي يودك طـول مشوارك
يفـداك قلبٍ ملكه الطيب لك ساري
لولا الغـلا وش يصبـرنـي عـلى نـارك
هجـرت قلبي وقلبـي للوصل ظاري
ما غـيـرك أحـدٍ بهالدنـيا سكـن دارك
دارك عزيزة على نفسي مثل داري
مـحــال قـلبٍ يـحب ويسكـن اقـطارك
يرحـل وأنا شايـفٍ للعـيـن مقداري
مقبول ما وصلني قبل اسمع أعـذارك
يا غاية اللي بـعشقـك دايم يـمـاري
ما ودي إنك حبيبـي تشتت أفـكـارك
الـحـال وحده وأنا بالروح لك شـاري
ماهـو تـطفّـل ولكـن كـبـر مـقــدارك
خلاّني أسـألك يا أول وآخـر أخـبـاري

=======================

10 - على بابكم
كلمات : مخاوي الليل .
الحان : خالد عبدالرحمن .

إلــى وردنّ الـهــمــوم الثّـقــيـلات
أصدّر عـلى حماك وأنصاك جالي
وإلــى جـردنّ الأقــراد الـصـقـــيـلات
أنـا بـأول الـقــوم ولاني بـتــالي
أنا لك إلـى صـار للـوقـــت مـيـــلات
بأرخـص لك الروح وما كـان غالي
وأعـدّي عـلى رؤوس كـل الـطــويـلات
وبشـهــد لـك الله يا كـل مـالــي
عـلى بابـكــم لو قدحــنا الـفـتـيـلات
دسـنا عـلى المـر ويـصيـر حــالي
من الـهـم إلى المـوت عـندي قـليـلات
ومـن بينهـم كـل مطعـون ذالي
على ما إنكتب لي ولك ماش حيـلات
مـع الصبـر كـل الشـدايـد زوالي

البوم أعاني

1 - أعـــاني
كلمات : غيـــوض .
الحان : حسين العلي .

حاولت أجيبـك للضحى وانت عـييت
حاولت أغـطي الليل لأجلك عصاني
أفـرد ضلــوعي وأنده الحـي والمـيـت
وإلى ندهتـك رجـع صوتـي دعـاني
ما غيـر أنا اللي شلت جرحي ونّيت
وما غيـر قلبـي لا طـلبـتـه عـطاني
لو إن بوحـي كـثـر صمتـي تمـنّـيت
لو إن عينـي شافـت الـدرب جـاني
شمـسي هـجيـر ومهجتـي كلها بيت
أهـجّـها وأطـوي عـليـها احـتـماني
لأجـلك إلا جـض الهـوى بي تـغـنـيت
لوني من جـروح المـقـاديـر أعـــاني

=====================

2 - يسود الصمت
كلمات : الشمس .
الحان : خالد عبدالرحمن .

يسود الصمت
وتبقى ثورة الأنفاس
ألا يا صدر لا تزفر .. وهونها
يسلم راس ..
من أنور الدنيا ونورها
أخاف الروح لا تـظـهر
مع أول أنفـاسي
لا يا بعد ناسي
خلنـي أعـيش شوي
لا تـاقف أنفاسي
قلبـي معـك باقي
ينبـض لك أشواقي
زدني وأزيدك قرب
وأكشف لك أوراقي

=======================

3 - أول أطيافي
كلمات : اثيل .
الحان : خالد عبدالرحمن .

من أول خفقـة بصدري وأنا فيك أرسم الأحلام
مـن أول طـاري الأشـواق وانت أول أطــيافي
نذرت العمـر لعيـونك عـسى تقبل بك الأيـام
عسى باكر يـجيبك لي وتوقـد ليلي الـطـافي
يا أول حب يمـلكـنـي من الهـامـه إلى الأقـدام
زد بهجرك زد بصدك حشى ما أقول لك كافي
أنا كلي صبـر وعـناد مثل ما بالعـمـر أعــوام
كثر ما قلت لطيوفك متى يلفينـي الـجـافي
ولو بـحـر الهـوى غــدّار أنا يا صاحبـي عــوّام
ما دام عيونك المرسى سنين العمر مجـدافي

=====================

4 - أصدق معاذيري
كلمات : همس .
الحان : خالد عبدالرحمن .

أن كان حبي لك هو أعظم خطايا
ما أقول يا نفسي عن الحب توبي
أجمل خطاياي وآخر حـدود دنياي
وأصدق معاذيري وأطهـر ذنـوبي
نزعـات روحي لك تـباري نـواياي
والقلب يمّـك والمـشاعر سعـوا بي
حبٍ لك اللـه ماكـنٍ فـي حـناياي
أبيـه لو ضعـفـي بأكبـر عـيـوبي
كـل الهـوى والـحـب باقي بـقاياي
خـذت أوّلـه وأتـلاه وأقــول دوبي
ومن له مثل حبي يسوّي سواياي
ياصـل مواصيلي ويسـلك دروبي

===================

5 - لبــيه
كلمات : بنت العطا .
الحان : خالد عبدالرحمن .

الروح في شوفك عـليك اليـوم ولـهـانـه
والقلب يفرح فيك إلى من شافتك عـيني
القـلـب لعيـون الغـلا وعـيــون خـلاّنـه
بأنسى الزعـل كلـه ولو بعـدك معنّيني
انت الوله والشوق وانت الحـب سلـطانه
يا بسمـة أيامي هـلا يا ضحـكــة سنيني
من قال يا عمـري عليك النفس زعـلانه
إجـرح وعـذبنـي مادام الجـرح يرضيني
لبيـــه يا قـلـبٍ ملـكـته وانت وجــدانه
لبيــــه يا منهو عـن همـومي ينسيني
يا عمـري الـباقي ويا حـلمـه وعـنـوانـه
بيـديك تـجرحـني ومن لمسـتك تشفيني

=======================

6 - للغايب عذر
كلمات : غيوض .
الحان : خالد عبدالرحمن .

كنت أنتظر
ليما الفجر
والوقت يسرقنـي ويمـر
يا موعدي
وقّف صبر
أبانتظر
باصبر على نار وجمـر
وبعذره يمكن للغايب عذر
أنا والحيرة وشوقي في زحام
ويا كثر ما جاء على بالي كـلام
أفكاري تودينـي وتـجيب
أهوجس بعيـد وقريـب
يا هل ترى بينّا خصام
وإلا ما عاد لي حب ومقـام
ما أظلمه لا لا حرام
وش اللي صار
مصعبـك يا إنتـظار
طلع نهـار
يا صاحب الموعد
تعــال
شوف حالي حـال
أصارع الوقت اللي طال

البوم ياهاجري

1 - يا هاجري
كلمات : الشيخ / محمد بن راشد ال مكتوم .
الحان : أنور عبدالله .

ليش العتاب وانت الذي دومك معي في خاطري
يا صاحب الليل الذي أذا تحدر تمنعه
في مهجتي من كلمتك أوهام حلم شاعري
مقدر على وصله ولا أقدر باني أمنعه
غني معي قولي ألي عندك صناعة ساحري
وانته على ما تشتهي قول قولٍ توده تسمعه
قلبي ترى ما يحكمه منظر غزال نافري
لوكان وصله صا حبي من دون ذنب يقطعه
يا هاجري أحلا الصور عندي بقت يا هاجري
يتبعك قلب صاحبه من حبكم ما هو معه
منهو يساعدني على حظ ردي عاثري
ما هقوتي الله يغير لي الي فؤادي ضيعه
فيك السحر منك الغلا كله بدا في ناظري
عيت عيوني كلما زوله تبدا تشبعه
أرعى البروق أشوفها ما ضي وطلعة حاظري
براق من صوبك بدا وانا ونوقي نتبعه

===========================

2 - أبيك يا عمري
كلمات : مخاوي الليل .
الحان : خالد عبدالرحمن .

عـطنـي وعدك اليوم وخل المقابيـل
أبيـك يا عـمـري تـشرّفني شـويه
أسهر معاك الليـل يا نـجمة الليـل
وجـيّـتـك تـمطــر سمـايا عـليّــه
تشوف منّي الرضا وتشـوف تدليـل
وإذا أقبـلت الـروح خـذها هـديـة
ما عـاد أشوف الدرب كـلّه تـساهيل
دفـاي فـي بردي وفـي القيظ فيّه
أحب فيـك الحب وإن قيـل ما قيـل
ســحـابـةٍ مـرّت عـليــنا سـويّــه
فـداك أهل الجيـل الأول وهالـجـيـل
تـحيـةٍ عـظمى عـن ألـفٍ تـحـيــة

=====================

3 -ليله
كلمات : مخاوي الليل .
الحان : خالد عبدالرحمن .

ليلة ..
غريبة كانت الليلة ..
سهرتك ليل تعليلة ..
حلمي حلم طفل سعيد ..
حلم بعيد ..
كانت ليلتي بخيلة ..
خذني جسد مع روح ..
أذوب فغرامك حيل ..
ليلة ثمنها روح ..
خذ قلبي المفتحوح ..
عشتك حبيبي ليل ..
عشتك حياتي ليل ..
يا سري المفضوح ..
يا أطهر من الماء ..
وأنقى من الغيمة ..
لحبك أضمى ..
يا صبح لا تقبل ..
عط الليل من وقتك ..
وأمهل سهارى الليل ..
عمرنا ليلة ..
وحبنا ليلة ..
وكلها ليلة ..

===========================

4 - اخترتك لدربي
كلمات : ناصر القحطاني .
الحان : خالد عبدالرحمن .

وين انت يا أغلى العرب ناوي
تو القمــر ما سـرى تــــــوّه
ما شـفت يا المـتـرف الــراوي
وشلون دنـــياي مـحـلـــوة
ليـلـي بـدونك وش يـســاوي
جـيـت وحبيبــك صـفا جـوّه
وإن خفـت من حـاســدٍ غـاوي
يـحرسـك مـولاي من ســوءه
كـانك عـلى حـســرتي قــاوي
ما للـزمـن طـيــب ومـــروّه
اختـرتـك لـدربـي مـخــــاوي
وماني مـوصـيـك بالأخـــوّه
تـجــرح يا ممـلــوح وتـــداوي
فـديتــك اللي تبـي ســــوّه
وإن صـرت بعـديـن ما تــاوي
خـلّـك حبيبـي عـلى القــوّه

=====================

5 - الجمر والبرد
كلمات : مخاوي الليل .
الحان : خالد عبدالرحمن .

أيجود الزمن بلقياك
وألقاك تناصفني وجدي
وعيوني بشوقٍ ترعاك
في أحلام اليقظة من سهد
فهيام العقل هيام
وهيام القلب سقم
فغيابك زاد من زهدي

فأحمر من وردٍ بشفاك
برحيقٍ يقطر من وردي
ورياض الحسن محيّاك
به اجتمع الجمر مع البرد
ويحلو لي منك كلام
وأقبل من عدلك ظلماً
في رضاً قد بلغك من رشدي

وبعيد أنت وأهواك
وعشقي قد خلّد للخلد
وأسير الحب لعيناك
وأسعد بجوارك للأبد
وقعت بي منك سهام
فأغثني برحيقك يوماً
فأملٌ بلا وعدٍ لا يجدي

=======================

6 - صبر أيوب
كلمات : مخاوي الليل .
الحان : خالد عبدالرحمن .

تحمّـلت أكـون غـلـطان ..
وأنا اللي معاي الـحـق ..
تحـمّـلت أكــون اللــي ظلم
نفسـه وهو ساكت ..

تـجمّـل خفـوقـي حيل ..
تسـلّـح صبــر أيـــوب ..
عـلى كـل ما قـد جـاك ..
جميـل الصبر عـذروب ..

أنا العمر وانت الوقـت ..
عـلى هالأمـر مغلــوب ..
يـفنى العمـر وإلا انت ..
عـــذابٍ عـلي مقسـوم ..

============================

7 - لا تخليني
كلمات : بندر الرشود .
الحان : خالد عبدالرحمن .

حبيبـي يا عـسى ربـي يـجيــبك
تشوف الحـال بعد اللي جرى لـي
حــياتـي كـلـها وأنا انتـخـي بـك
دخـيـلـك لا تـخـلـينـي لـحــالـي
أحـبك كـثر ظـلمك كـثر طـيبـك
كـثر ما مرّ طـيفــك فـي خيالـي
أبي قربـك أبي يـوم اهتنـي بك
وأبيك تـصيـر كل لـحـظـة قبالـي
أنا لا قـلت أحـبـك أعـتـنــي بـك
ولا يـمكــن أخـون اللـي وفـا لـي
حبيبي ويش أسوي كيـف أجيبك
وكيــف أبـدّل الـهـجـر بوصـالـي
حبيبـي ليـه ما تذكــر حـبيبـك
وليــه الـحــب تمـحــاه الليـالـي

البوم ابصم لك على العشره

1 - أبصم لك
كلمات : مجازف .
الحان : خالد عبدالرحمن .

غيرك ما طـرى يا شوق
لو لاح بسماي بروق
ما للحـب بعــدك ذوق
أبصملك على العشرة
زان الـدهــر وإلا شــان
فـيـك المغـرم الولهان
دايم حيـل لك شفقـان
أبصملك على العشرة
حـبـك مـصدر إلهامـي
لأجـلــه دايــمٍ سـامي
بلـسم جـرحي وآلامـي
أبصملك على العشرة
لـو العـشـق أضــنـانـي
ووصـلـك فـيك عـزّاني
حـبـك سـر وجــدانـي
أبصملك على العشرة

============================

2 - انزعه صمتي
كلمات : مخاوي الليل .
الحان : خالد عبدالرحمن .

انزعـه صمتـي وعـلمنـي الكـــلام
خـلّـنـي أقـتـل مفـاهيـم الخجـل
واكتشف من عـندي أسرار الغــرام
شوفـة عيـونك طمـوحي والأمـل
أظـهرتـها عـيـوني همـي والهيـام
مـتعب الحـال قلبـي وما حـمـل
بقـطـعـه وقـتـي وبوصـلك ســـلام
يا حيــاة الوصـل أو حـل للأجــل
ليت أنا أبكي منك ليلي طول عـام
واذكـرك شخـصٍ بعينـي ما كمل
بـس مشكـلتـي قــدرك يا وســــام
مـنـك ما شفــت خـــطايا أو زلل

==============================

3 - أسهرتني
كلمات : خالد البذال .
الحان : سليمان الملا .

أسهرتنـي يا غـلا والنـاس هـجّـاعِ
النـوم عـنـي جـلا يا زيــن الأطـبــاعِ
الهمّ منـك اعتلى والصد بك شاعِ
ما قلت لي وش بلا العهد بك ضاعِ
من بدّ كـل المـلا عـيني لك تراعي
يا كـامـلٍ بالـحـلى ما للـجـفا داعــي
ارجع ترى لك وله من بين الأضلاعِ
إن جـيت لي يا هــلا مانـي بـطمـاعِ

===============================

4 - توادعنا
كلمات : ابراهيم الجنوبي .
الحان : خالد البراك .

توادعــنا أنا وياه ..
لكن ما توادعــنا ..
رفـض قلبـي ورفض قلبه ..
سوى هلّة مدامعنا ..
رجــع يبكي وبكاني ..
أنا ما تـحمــل دمـوعـــه ..
ونادتنا ليالينا ..
مسك يـدّي وتراجـعـنا ..
أنا فـضّـلت أعيـش بصمت ..
سواءً كنت أو ما كنت ..
ولكن الأكـيــد آمن ..
ومـحـبتـنا لـهـا مـعـنـى ..
حنيـن قـلوبـنا فـينا ..
غـصـب عـنا يـناديـنا ..
يـبينـي يا ملأ واللـه ..
عـسى اللـه لا يفرّقـنا ..

============================

5 - ذبحنا الشوق
كلمات : خالد البذال .
الحان : سليمان الملا .

ذبحنا الشوق بغيابك
وكل طاري لنا جابك
متى تسأل عن أحبابك
علينا بس من قسّاك
نبيك وما نبي غيرك
وعالي دوم تقديرك
رضينا بشرك وخيرك
حبيبي وينها دنياك
تصدق من حكوا فينا
وتبعد عن ليالينا
غريبة صرت ناسينا
وغيرك ما قدر ينساك

=========================

6 - تروي
كلمات : مخاوي الليل .
الحن : خالد عبدالرحمن .

تـروّي يا حـسـن منـظــور .. تـروّي يا مــلاك الزيــن
تـروّي كـود عـينـي .. تـلتمس منك حـنيّه
شوصفك لو بغيت اذكـر .. مـحاسنك انعدم بك شين
وأخاف انّك تصر في وصفي .. لو قلت حوريّه
نـقـضتـي حـال المـقــدول .. عـلى عــارض المـتـنيـن
وشفـشف هـوى روحـي .. عـلى فركـة إيديّه
كـتبت القــصيـدة نـاوي .. أعـنّيـك أنا بـسـطـــريـن
سجـى الفكـر بالمـعنـى .. ولـك تـمّت النيّه
أنـا ويــن جـــابـتـنـي المــقــاديــر .. وانـتـي ويـــن
تـولّـعـتـي الـلـــه لا تـزيــد الـولـــع فـيّـه
وداعــك عـمــر حـي .. خـذيـتيـه بـطـرف العيـن
معــك حي .. وإلا غبتـي يمـوت بعرب حيّه

1 - مثل العسل
كلمات : علي بن سالم الكعبي .
الحان : علي كانو .

مثل العسل وسط الضماير غلاكم
وأنتوا عسل كل الليالي والأيام
جر القلم بالشوق خطه جدام
حبره محبه وصورتك فكر وألهام
نوفي ولكن ما نوصل وفاكم
الكم وفى ومنك الوفايا خذ أحكام
مزن بروقه لاضيات بهواكم
نجم فريد بلمعته وسط الأجرام
نقشت أنا ودي بصفحة سماكم
وبدم قلبي صارت تخط الأقلام
فكري سرى بلهفه غيومه تباكم
تمطر عليكم أطيب حروف وأنغام
لا عاش شعر في حروفه جفاكم
ولاعاش عمر ما قضى بحبك أعوام
مثل العسل وسط الضماير غلاكم
وأنتوا عسل كل الليالي والأيام

=============================

2 - أنتي شروق
كلمات : علي بن سالم الكعبي .
الحان : علي كانوا .

انتي شروق اول ضحى طلعة الشمس
والشمس بنت مرحلين الاماسي
عفي وانا رحبت من خاطر انحمس
موجة فرح طافت حدود القياسي
بين امس متعب كلما مر بالامس
واليوم ناسي حالة الامس ناسي
قلبي بغيابك بالنزى دوله الحمس
جيتي وقند ريحة الهيل راسي
وبين الثرى والغيم عن خطوتك رمس
اعرف وجودك يوم تندي الرواسي
القى الندى بالنخل لو تهمسي همس
بالروض دارك يرسله قلبي ماسي
شريان قلبي في بحرك انغمس غمس
سباح لكن ضيعته المراسي
يانور ماحد في الهوى يلمسك لمس
روحي لمسته واشتعل بي حماسي

البوم وجه المرايا

1 - لا تعتذر
كلمات : حميد النيادي .
الحان : موسى محمد .

تصبح وتمسي وترقد دون تسمعني
عوَدت قلبك على هجري ونسياني
انته تعمَدت بغيابك تقاطعنــــي
وانته تسببت في همَي وأحزانــــي
صبرت بس الصبر ما كان ينفعني
ومليت من الانتظار وبعدك اشقاني
يا ماتمنيت شوفك وانت تمنعنـــي
وانته تجاهلت احاسيسي ووجداني
لا تعتذر فالعذر ماعاد يقنعنـــي
من عقب ما ذقت من صد وحرماني
أنا اتحداك اذا تقدر ترجعنــــي
أو انت تقدر على بعدني وهجرانـي
ماعاك لك أي دافع شوق يدفعني
من عقب ما انته تبيع بأرخص اثماني
بالحيل عانيت من بعدك ولوعنـي
جرَب عذاب الفراق ويمكن تعانــي
لا لا تحاول وابعد روح طاوعني
ولا تفكر انك تعود لدنيتي ثانـي
ماعاد حبك ولا شوفك يــولعنــي
أنا نسيتك وأطلب منك تنسـاني

===========================

2 - وجه المرايا
كلمات : مطلع الشمس .
الحان : موسى محمد .

غاب القمر وانكسر وجه المرايا فيك
والحزن نثر على وجهي شظاياها
والليل أصبح عذاب وحسره وتشكيك
يرســم همومه واحاول اتحاشاها
حتى المدينة حزينه عينها تـبــكـيـك
ويبكيك قلبي وعيني نثرت مـــاهـا
يا غايب عن عيوني خاطــري يطريك
في كل لحظه عيـونك كيـف بنساها
لو غيب ماغاب طيفك عني وطاريك
كنك معي في خفايا الروح واقصاها
الله يصونك ويهنا بشوفتك وغاليــك
وتقر عينه بشوفك يا هنيَـاهـــا
يامن سلب مهجتي هذا العنا يرضيك
غـبتك عـنَا صـعيبه وما قويناها
ودَي أجبر كسر وجه المرايا فيــك
واحضن همومي وابروزها بمراياها

=====================

3 -السؤال
كلمات : عبدالله الهاشمي .
الحان : موسى محمد .

ما سألت بيوم نفسك هالسؤال
يا حبيبي ما خطر مره عليك
ليه أنا أشتاق لك يا إبن الحلال
ليه أحبك ليه ميت بس فيك
آه لو تعرف معاناة الليال
والعنا والشوق في قلبٍ يبيك
ما تركته يحلم بلحظة وصال
كنت جيته قبل ما يفكر يجيك
منهو مثلي دللك هذا الدلال
وأعتبرك لقلبه وروحه شريك
ماترك للحزن في عمرك مجال
والفرح حطه على راحة يديك
بس يكفي من تعاليلك وتعال
ملت الساعات من شوقي إليك
والا إسأل خافقك نفس السؤال
ليه أحبك و أعشقك و أموت فيك

===========================

4 - الصوره المكسوره
كلمات : علي الخوار .
الحان : موسى محمد .

بجانب كحلك و مشطك وبعض اشياء منثوره
وعطر غامض مثلك يخبي في الزجاج اسرار
أنا عشت الهوى قربك مجرد صوره مكسوره
على تسريحتك عاشت جبيسة كذبة وغبـــار
أشوفك تنظرين لها بضحكه عين مسروره
وافكر نظرتك شوق ومعاها جمليتين اعذار
واثاري نظريتك نظرتك مرت عليها بس مجبوره
قصدتي خلفها وجه تشتت في مرايا الدار
نسيتي واصبحت صوره مع الأيام مهجوره
نسيتي وابتدت ترحل من البرواز والأسوار
نسيتي بس خليها يا بنت الناس مستوره
نسيتيني وانا ملك نسيتك والزمن دوار
أنا نفسي بديت انسى ملامح هذي الصوره
دخيلك لا تخليها بألبوم الصور تـذكــــار
بديت انسى شقا نفسي ووجه الحزن وشعوره
وقولي لمن سأل عنها تشابه صورة الخوار

=====================

5 - الغلا
كلمات : حمد سهيل .
الحان : موسى محمد .

الله يـهـنــك بي والله يــهنـينـي
والله يديــم الـغــلا مابيني وبينك
ساعة أشوفك يزين الكون في عيني
وأشوف كل المحبه تنطق بعينك
ما أظن شي حبيبي عنك يغنينـي
كل يوم يكبر بعيني حسنك وزينك
مزيون وصفك وسيد في المزايينــي
وأحب طبعك وطيبة قلبك ولينـك
إن غبت عنك دقايق تشتكي بـيني
وإن غبت عني يصيح الشوق بي وينك
ما أقوى فراقك دخيلك لا تخليني
مادام قلبي أمانه بس في يدينــــك
إنته بـحبـك تـراك مـحــلي سنيـنـي
يابعد عمري عسى الله يحلي سنينك
بالدنـيا عــندي رضاك وذا يكفيني
والله يدم الهنا ما بيني وبيـنـك

=======================

6 - دنيا جديده
كلمات : عبدالله الهاشمي .
الحان : موسى محمد .

يا بخت كـــل المرايا لو تناظر فيك
تسـعد بـشوفك وتـتـبسـم زوايـاها
واذا في بعدك تكسر وجهها يبكيك
ساعة تشوفك تجمع لك شظاهايا
ليل المدينة توسَل ليلتك يرجيـــــك
تشرق بشمسك على دنيا تمناهــا
دنيا جديده ببسمه ثغرها تطريــــك
بالخيروانته ضيا وجهك محياها
ان غبت عنها تمنَت بالغرام تجيك
من كثر ما هي تعبها الشوق واضناها
وان جيت فزت تردد من الفرح طاريك
وتقول يالله عساك مديم بحماهــــا
يا بعد عمر الغرام ويا بعد غاليك
حـرام عـيـنك يذوب حزنها مــاهــا
تعال اجمَع فرح كل المرايا فيــك
واترك بقربي مرايا الحزن وانساها

============================

7 - طمني عليك
كلمات : حمد سهيل .
الحان : موسى محمد .

ليش إنت مبعد عن عيوني ومجفنـّي
يا نور عين بشوفك كنت أحليها
حتى إتصالك وصوتك منقطع عني
وأعد الأيام لي بتعود في فيـــها
إن كنت زعلان يا كل الغلا منـــي
مجبور أراضيك وعيونك أراضيها
و إن كان قصدك بهالفرقى تعذبنــي
يا كيف تتعب حياتي وإنت غاليـها
أرجوك طمَن شقا نفسي وطمنـــــي
أشغلت روح غيابك عنها يشقيـها
تعبت أحاتيك وأسأل عنك لكنــي
ما ألقى جواب لجل نفسي أهــديـها
أطلب من الله عسى إنك دوم متهني
في دارك اللي إلا هي بك مهنيـها
وعساك دايم بقلبي بحسن الظنـــــي
يا شمس داري وبدر في لياليـــها

===============================

8 - لون باهت
كلمات : مطلع الشمس .
الحان : موسى محمد .

الشمس غابت والمدينة إظلمّـت
والورد لونه صار ما هو لونه
باهت يحير كل عين همـّــــــــت
فيه وعبيره بنته مسجونـــــــه
و أنا حزين والهموم التمّــــت
الحزن جند لي كبار شجونـــــه
إن جيت بفرح فرحتي ما تمـّــت
وإن جيت بنسى ذكرتني طعونه
هذا زماني صار بي يــتــشـمـّـت
يلعب و أنا راضي بكل جنونـــه
صفحات حبـّي في الغرام إقدمّـت
فوق الرفوف وبالعنا مشحونه
فيها المحبّه والوفا قد ضمـّت
للغالي اللي أعشقه وآصـونــه
يمكن عيون شافت ولا سمـّت
الله يخذل حاسدي وعيــــونـــه

البوم سامريات

1 - حاكمني
كلمات : السامر.
الحان : خالد عبدالرحمن .

اطلق صراح الرضا وانعم بلذاته
مافي الزعل خير لا تزعل وتزعلني
الحب لاتشتقي وتعد غلطاته
اذكرجميل الغلا واقنع وكلمني
القلب لك بالغلا خضر مساحاته
ارعي النوامي ولابالبعد تشغلني
راعي الهوى مايدور غير مشهاته
اعدل معك بالمحبه وانت تظلمني
ماهو بقلبي معك يلعب بغاياته
ماكنه اليوم من روحي ولا مني
لا تاخذ الهاجس الخايب بنياته
حاول تخالف شكوك النفس وافهمني
لا تحرق القلب يالغالي حسراته
ان كان يرضيك زود الغلا فامهلني
حبي خفايا الحراير من معاناته
ياليتك بهم حبي لك تقاسمني
ولو يدرك اللي يبيه الحي مافاته
لقيتك بحبك الاول تعلمني
وان كان شككت في قلبي غاياته
عندك قضاة الهوى والحب حاكمني

=============================

2 - هب نسناس الهوى
كلمات : الأمير/ خالد الفيصل .
الحان : خالد عبدالرحمن .

هب نسناس الهوى لي من شمال
حامل ريح الخزامي والنفل
من فياض ظبيها يلعب دلال
لي لمح ظله من النشوه جفل
يذبح العشاق صعاب المنال
كم شطير بالقناصه قد قتل
مثل شمس العيد فضاح الجمال
كل نجم لا ظهر نوره أفل
خصني بمواجه السحر الحلال
وأشهد أن السحر في قلبي نزل
ضاري بمقابل فحول الرجال
وارتعش قلبي من الفتنه خجل
قلت راح العمر من دون الوصال
قال لو حاولت يا القاطع حصل
قلت لوني طامع لو بالخيال
كان بدلت التوجد بالأمل
يا ندى الغيمه على ورد الجبال
يا عبير زهور ريضان السهل
اجتمع حسن الحيا بك الدلال
ما تبدل بك من العالم بدل

======================

البوم سامريات

1 - حاكمني
كلمات : السامر.
الحان : خالد عبدالرحمن .

اطلق صراح الرضا وانعم بلذاته
مافي الزعل خير لا تزعل وتزعلني
الحب لاتشتقي وتعد غلطاته
اذكرجميل الغلا واقنع وكلمني
القلب لك بالغلا خضر مساحاته
ارعي النوامي ولابالبعد تشغلني
راعي الهوى مايدور غير مشهاته
اعدل معك بالمحبه وانت تظلمني
ماهو بقلبي معك يلعب بغاياته
ماكنه اليوم من روحي ولا مني
لا تاخذ الهاجس الخايب بنياته
حاول تخالف شكوك النفس وافهمني
لا تحرق القلب يالغالي حسراته
ان كان يرضيك زود الغلا فامهلني
حبي خفايا الحراير من معاناته
ياليتك بهم حبي لك تقاسمني
ولو يدرك اللي يبيه الحي مافاته
لقيتك بحبك الاول تعلمني
وان كان شككت في قلبي غاياته
عندك قضاة الهوى والحب حاكمني

=============================

2 - هب نسناس الهوى
كلمات : الأمير/ خالد الفيصل .
الحان : خالد عبدالرحمن .

هب نسناس الهوى لي من شمال
حامل ريح الخزامي والنفل
من فياض ظبيها يلعب دلال
لي لمح ظله من النشوه جفل
يذبح العشاق صعاب المنال
كم شطير بالقناصه قد قتل
مثل شمس العيد فضاح الجمال
كل نجم لا ظهر نوره أفل
خصني بمواجه السحر الحلال
وأشهد أن السحر في قلبي نزل
ضاري بمقابل فحول الرجال
وارتعش قلبي من الفتنه خجل
قلت راح العمر من دون الوصال
قال لو حاولت يا القاطع حصل
قلت لوني طامع لو بالخيال
كان بدلت التوجد بالأمل
يا ندى الغيمه على ورد الجبال
يا عبير زهور ريضان السهل
اجتمع حسن الحيا بك الدلال
ما تبدل بك من العالم بدل

======================

3 - مقدور
كلمات : مخاوي الليل .
الحان : خالد عبدالرحمن .

مقدور مقدور أجبر الوقت مقدور
وأخذ قضاي اللي تلا قضاك منّه
هذا قراري فيك والأمر مبتور
وشي يغربل ماله اليـوم رنّه
تعبت أجامل ذاك وهذاك مجبور
وش لي بجبر مايورث محـنّه
مادام عيني تبصر النور فالنور
لاأقلب لك الدنيا بها الوقت جنّه
الأوله بعطي عطا الروح والشور
وأسيدك فالقلب لو ماتحـنّه
والثانيه خذها حياتي ومشكور
شي يعجبك ياحبيبي تمـــــنّه
شي تفكر فيه بيجيك ممطور
زخاته الطاعه تحكمــه..تبنّه
صحيح أحبك وأشهر الناس مشهور
كل يعبر كيف يختار فنّه
ونّات عشاق المحبة لهم دور
شل ماتيسر لك بلا حيك غنّه
الصوت جر الصوت في قاع مهجور
هنا لنا زفرات وهناك ونـّه

========================

4 - جوهر احساسي
كلمات : الأمير / محمد بن عبدالعزيز .
الحان : خالد عبدالرحمن .

هلابك ياذرا نفسي عن الاحزان والاوهام
هلابك ياللي غلاه بوسط جوفي سامي راسي
هلابك ياعديل الروح هلابك فوق صدري وسام
عديل الروح عندي بالجواهر مثل الالماسي
هلابك شمعة تضوي لعين جفنها مانام
على مد النظرياكبر شوقي وانت نبراسي
قدومك لملم جروحي قدومك عالج الالآم
وصالك يامنى عمري اقوى منه انا باسي
هلا بقدومك لخلك هلابك يامحقق الاحلام
هلا بقدوم اعز انسان يملك جوهر احساسي
من الاعماق اهلي بك بقربك الهنا لي دام
ملكت اغلا الكنوز اللي غلاها فيه نوماسي
لعلمك يا امل عمري بنا لو طالت الايام
ترا ماغيرك احد ماكن بالجوف من ناسي
ابيك تشوف بعيونك شقا عمري عليك العام
صدوق الود لعيونك تربى بأعمق انفاسي

=========================

5 - فرق بين اللي حكمني
كلمات : مخاوي الليل .
الحان : خالد عبدالرحمن .

فرق بين اللي حكمني حكم وبين من مثلي محكوم
سيدي وش نال شخصي من جنابك دلني يا سيدي
عين تبصر واليد أقصر من شبر وذا وقتي شؤوم
لا ابتلاك الله من عنده بعدك الله يا الحظ الردي
الصبر ثم الصبر والنفس للبلوه على الشده تروم
قلت يدني عطفكم واثره بعيد عننا بعد الجدي
ابتسم للهم ويبكي داخلي رجل على حقه مهضوم
سيدي وان طاب لك ممسى فأنا ممساي قلبه زهدي
كني الرجلي وكل الوقت قيض يجرح الوجه السموم
حافي الرجلين يسند قامتي على الممشى عصى بيدي
ما يقاطع جرتي جره ولا به من وطى درب مهموم
سقت نفسي يم عد ولا رواني عد ولا حوض المدي

=========================

6 - صفحة الماضي
كلمات : السامر.
الحان : خادل عبدالرحمن .

طوينا صفحة الماضي وتبنا
خذينا اللي كفانا وانتهينا
وعن قولة نبي نصبر تعبنا
وعن من لا يراعينا سلينا
نبي نسلى من الحب ونشبنا
عذاب الحب مكتوب علينا
نهاية حبنا ياسه غلبنا
ولكن يا زمن وش في يدينا
لحبك يا بعد روحي شربنا
تكسر كاس حبك في يدينا

========================

7 - قال النوى
كلمات : الأمير / سعود بن عبدالله .
الحان : خالد عبدالرحمن .

قال النوى قطع الوصل بين الأحباب
ولا طال صار بسيرة الحب خله
قلت العفو قلب من الحب منصاب
ما ينكر أحبابه على البعد لله
الحب يا سيد المزايين غلاب
لك في خيالي هاجس ما يمله
اضم طيفك ضم من بين الأهداب
وأقول له سلم عليه بمحله
خل خذاني لا تدرى ولا هاب
سلمت له روحي وأنا راضي له
جيشه عيون وخد ورموشه حراب
سيف الهوى من رمس عينه يسله
لا يحسب أني برخصه عقب ما غاب
طال المدى والا قصر وافي له
والعاشق اللي تخلفه بعض الاسباب
قله بري من كلمة الحب قله

البوم سماعيات

- دمعه
كلمات : مخاوي الليل .
الحان : خالد عبدالرحمن .

دمعه اللي بقت دمعه
ماهي دمعه حزن ولكن
دمعة فرح
تنتظر ميعادها
تفرح بمن عادها
وجيتيني وزارة وجيتني دمعه
منها تمنيت لمحه
ياللي معاك العمر له قيمه
واكبر دليل هذي مراسيمه
شيدت لك بالقلب تمثال الغرام
ومنك وليك القلب يا أصل الغرام
محتاج لك يا مني وفيني
أنور حياتي يا نظر عيني
تدري وجودك لي
يعني لي الوجود
ومن غيرك انتي وش لي
بدنيا الوجود

=========================

2 -خواطر العشاق
كلمات : مناور الدوسري .
الحان : خالد عبدالرحمن .

ياليتني داري وأعرف الغيب
باحساس نفسك وإيش طاريها
كلمة أحبك قلتها بالطيب
لا قلتها بالطيب وإيش فيها
ترى الخجل يا صاحبي تعذيب
يحرم قلوب الحب غاليها
يثر على سير الغلا ويصيب
خواطر العشاق ينسيها
مافي الي من قلتها لي عيب
العيب والله لا تغبيها
حياة مخلـوق بـلا ترتيـب
مـا تستـوي فيهـا معانيهـا

======================

3 - على بابه
كلمات : مخاوي الليل .
الحان : خالد عبدالرحمن .

على بابه فتحت القلب
ووقفتي علي بابه
وقلدته حرف اسمك
على بابه على بابه على بابه
على بابه عبارة حب
مكتوبه على بابه
بأصدق شاعرية حب
تقرا به على بابه على بابه
على بابه آجر الصوت
بأجمل ما تغنى به
وكل الورد يفرش لك
على بابه على بابه
على بابه هلا والله
من شرف على بابه
وعود لي عقب طول غــيـــابـــه

========================

4 -الهواوي
كلمات : مخاوي الليل .
الحان : فلكلور .

ما يهز الهواوي أي ريح
من بغى المعتلا ذب ورقاه
لو تبي ما يجيك اللي الصحيح
أنت من ولع القلب وخذاه
والوصل يسحق القلب الجريح
والهجر آه منه ألفين آه
سيدي وأنت الأول يا مليح
سيدي نال قلبي مبتغاه
سيدي ما يزيد بـك المديـح
أنت فوق المديـح ومستـواه

==========================

5 - من عذابك
كلمات : مخاوي الليل .
الحان : خالد عبدالرحمن .

من عذابك إنخلق فيني عذابي
ما بقالي واستوى غير العذاب
دون بابك حظي المقتفي غدا بي
يا عذابي لو يطول بك الغياب
وإن لجا بك ياحبيبي ما لجا بي
العذاب ارحم ولا ترك الصواب
من شبابك عطني أجزانك شرا بي
وخذ من ايامي فرح عمر الشباب
إهتنا بك من عرف جرحي وصوابي
وان سألت اسأل من الله الجواب
رد بابـك واستـره بابـك وبابـي
الحياة أطعم لهـا رجـوا الثـواب

=========================

6 - جروح الوقت
كلمات : مخاوي الليل .
الحان : خالد عبدالرحمن .

من جروح الوقت يكفينا جروح
عظم الله جرح قلبي والسلام
قلت لك باروح لكن وين أروح
والطريق اللي بيبعدنـي حطـام
من سرى بالليل أبرك له سروح
للنهار عيـون وبالليـل الغمـام
جيت وكل حب مفعم بالوضوح
والفعل أصدق من شروح الكلام
هنتي في حبك اللي بـه أبـوح
تهنئة بالعشق واحساس الغـرام
للجروح أرواح يا روح الجروح
مال جرحك غير تعظيم السـلام

=====================

7 - حنيت
كلمات :مخاوي الليل .
الحان : خالد عبدالرحمن .

حنيت حنيت لاهل الدار والديرة
لو غبت ما بطيت بعض الشوق عناني
الدرب لو طال ما أقبل معاذيره
شوق للاحباب تالي الليل سراني
ترى المحبة شعور صعب تفسيره
يكفيني مولع بالزين يا اخواني
الحب ياهل الهوا هذي مقاديره
مغلوب راعي الهوا في كل ميداني
عودت القلب في سحبـه وتخديـره
رديت رديـت يـم أهلـي وخلانـي

=========================

8 - كنتي جميله
كلمات : مخاوي الليل .
الحان :خالد عبدالرحمن .

كنتي جميلة وصرتي اليوم أجمل
كنتي صغيرة وصرتي اليوم أكمل
تغيرتي تكبرتي حتى بطبعك ونظراتك
كل شي فيك لاحظته تغير
لا يكون الوقت غير فيك ذاتك
ثم نضج حسنك وبدلتي عباتك
الصغير صغير حتى لو كبر
يكبر غلاة ويكبر دلاله
كنتي ولازلتي صغيرة
وصرتي اليوم أكمل
ما تغير بي علي خبرك شعوري
وشوفتك أحبه باعماقي سروري
بالـعـمـر يكـفـيـك أهـديـلـك عمره
معه هـواه واجمـل خصالـه

========================

9 - ما عرفتك
كلمات : مخاوي الليل .
الحان : خالد عبدالرحمن .

أنا اللي ما عرفتك لو عرفتك
ولا حتى أعرفك لو تبين
وانا اللي ما سهرتك وانتظرتك
ولا حتى أعرفك لو تجين
أعرفك انك بداية مع نهاية
وضايع وقت ليلك تحلمين
وترى الأسوأ نهاية مع بداية
خذي من المسك ريح الياسمين
خدعك إحساس ظنك ما انتهيتي
ولا لك شي يثبت لك وجود
مثل ما انتي رفضتي أو رضيتي
وجودك شي هامـش بالوجـود

=======================

10 - على نيتي
كلمات : بندر الرشود .
الحان : خالد عبدالرحمن .

يا كثر كذبك علي ويا كثر صبري
طولت بالي ولكن ثارت أعصابي
ما عاد ينفع أخلي الضيق في صدري
واجاملك وانت ما تسوى على حسابي
أثر الخيانة في دمك تكبر وتجري
وانا علي نيتي ما أشك في أحبابي
خصوصا إنت الوحيد اللي مثل عمري
إن غبت عني أضمك بين الأهدابي
صحيح أحبك احسب أنك على خبري
تموت لو مرت أيام على غيابي
يومك تجيني ولا تسري الين أسري
طرفك إذا شافني أقبلت هلاً بي
راحت سنين من عمري وانا ماأدري
إثرك تسلى على حبي وتلها بي
والله محد سبقك اليوم في غدري
لكني أستاهل اللي صار باسبابي
وشلون أقدرك وإنت مرخص قدري
وشلون أميزك في عيني وفي كتابي
اللي كتب قصتك يمحاك من فكري
والله ما تفـرح بقلبـي وتهنـا بـي

=====================

11- جمعت الشوق
كلمات : الأمير / محمد بن عبدالعزيز آل سعود .
الحان : خالد عبدالرحمن .

جمعت الشوق .. وأهديته عيونك
وكل الحب .. فى دربك نثرته
وعطرت المشاعر من جنونك
وزفيت العمر لك .. لو خسرته
زماني .. ماتخيلته بدونك
وليلي بدون همسك .. ماسهرته
أحبك مثل ماحظك يخونك
ومثل ماجابك الحظ .. وشكرته
ملكت القلب لاتكثر ظنونك
ولوقلبي يبي غيرك نهرته
يمر البال ناس يشبهونك
كثر مامر غيرك ماذكرته
رياح الشوق تستأذن سكونك
بها من الوجد فوق اللي انتظرته
يكفيك العمر فدوه اعيونك
وكل الحب في دربك نثرتــه

=====================

12 - حالي الذوق
كلمات : مطلع الشمس .
الحان : خالد عبدالرحمن .

عطني غلا واعطيك عمري وحالي
حبٍ مخلّد ما حلم فيه مخلـوق
يا شاغل احساسي وعمري وخيالي
يا من لقلبي بلسم الجرح والعوق
مِنْك الوفا يكفي وهذا منالي
في دنيتي يـا حالـي الطبـع والـذوق
أرقب وِفَاكْ وحايره في سؤالي
واحس اني دون شوفتـك مخنـوق
بعدك يعذبني .. يزيد انشغالـي
الله يعيـن ويفـرج الهـم بشفـوق
في وحدتي أجلس أعد الليالي
واسهر معاها لين طلعـات لشـروق
صوتك يصبِّرني ويرثي لحالي
أسْتَر به ويخفـف الهـم والشـوق
وان شفت طيفك أبتهج باحتفالي
واسرح لحد الصبح ينساب وأفوق
عجّل بوصلك وِافْتِهم ما جرالي
وان مِتْ انا أفداك يا حالي الـذوق

جلسه خاصه 1

1-شمر
كلمات:ناصر القحطاني
الحان:خالد عبدالرحمن

الشمس غابت وكلن دور سراجه
والشوق جمر ما أحر الشوق لا جمر
دام اتجاهك شمال مودعك حاجه
سلم على حايل وسلم على شمر
قدامك الخافق اللي ينشد علاجه
كنه معلق على برزان ومسمر
وانت تعرف يا بعد حيي من تواجه
بيضان الأفعال لا من الزمن سمر
إن ضاقوا أعنف من البحر ومن أمواجه
وإن راقوا أركد من الخرمان لا عمر
كم صيت بيت عتق في الباب مزلاجه
وكم شيخ أماره قبل تعيينه مؤمر
كم حاتمي تكفى فلة حجاجه
وشلون للضيف لو عن ساعده شمر
وإن مر تاريخ هم متلبس تاجه
كم عاشق كيَّف وكم حاسد زمر
في جو أغلى على الردلي إلى داجه
من ديرة السادس ومن ديرة معمر
كنه إلى أهدى له البراق ثجاجه
طلت غرير ضحك ومن الخجل حمر
توارثوا حرثه وتمتير ديباجه
ركابة الجيب من ركابة الظمر
الود إلى غرس بدري صعب مخراجه
والله ولا ألَّذ وأحلى منه لا ثمر
ادخل على اللي تطوف البيت حجاجه
من ناقص عند مدح الغير يتذمر
والمدح لو كان في الرديان عصاجه
ويقال عمر بلد بالعون ما عمر
والذم لو زاد في الطيب تولاجه
أحرق ولا أغرق ولا عمَّر ولا دمر
ما نيب متحسب بشعري على حاجه
إلا إني أروح ما غنيت في شمر

============================

2-اخاف اوادع
كلمات:مخاوي الليل
الحان:خالد عبدالرحمن

أخــاف أوادع وقتــي اللي معـــــك دام
وأنــدم على شــي هدمتـه بيـديني
زود الهموم اللي علي تكفي عن إعدام
هذي حياتي تنتهي وأنتي ترينـي

حالي هزل والجسم ما تقواه الأقدام
واللي خفيته من أسى بين في عيــنـي
ما ذقت من حبك سوى هجــرٍ وآلام
صابر وأقول إن كان به زود عطينــي

صدق العطا وحظي معك طاح ما قـام
درب الهنا في دنيتي وينه و ويني
عن صدق إحساسك ترى مانيب علام
يا عمري خلي قلبك القاسي يلينـــي

ودي انتهي بعمري معك مجنون بسقام
أهون علي من فرقتك يانور عيني
وإن مت يأهـــلي لأجلها مانيب منـلام
ذي قسمتي عيني ترى رسم بجبيني

============================

3-حبيبي اسف
كلمات:مخاوي الليل
الحان:خالد عبدالرحمن

حبيبي آسـف أزعجتك
حلو صوتك قبل لا تنام
سمعته وانشرح صدري
وكني شــفتك بعيــــــني
خذاني الشوق لك ياذوق
ألا يا أحلى ورود الشام
ألا يـا مــتعـــة أيامـــــي
مع شهوري على سنيني

============================

4-بو صالح
كلمات:فلكلور
الحان:فلكلور

بو صالح سرى ليله
هل الدمع من عينه
ما يقرحك ماء المقراح
يا غايب زمانك راح
حبيبي وحبيته
مروا بي على بيته
خلي صار في وادي
وانا صرت في وديان
يا راكب وارد بهوان
غيرك ما شراه إنسان
صبوا لي من الفنجال
صافي من عسل جردان
يا بكره عمانية
ما تنزل صال الميدان
صبوا لي من الفنجال
صافي من عسل جردان

============================

5-جمعت الشوق
كلمات:الامير/محمد بن عبدالعزيز
الحان:خالد عبدالرحمن

جمعت الشوق وأهديته عيونك
وكل الحب في دربك نثرته
وعطرت المشاعر من جنونك
وزفيت العمر لك لو خسرته
زماني ما تخيلته بدونك
وليلي بدون همسك ما سهرته
أحبك مثل ما حضك يخونك
ومثل ما جابك الحظ وشكرته
ملكت القلب لا تكثر ضنونك
ولو قلبي يبي غيرك نهرته
يمر البال لناس يشبهونك
كثر ما مر غيرك ما ذكرته
رياح الشوق تستأذن سكونك
بها من الوجد فوق اللي انتظرته
يكفيك العمر فدوة عيونك
وكل الحب في دربك نثرته

============================

6-كم ليله
كلمات:مخاوي الليل
الحان:خالد عبدالرحمن

كم ليلة فكـــــــري معك راح
كم ليــلة دمعــي ذرفتـــــــــه

عاهدت نفسي عهد الأنصـاح
عهد على نفســي حفظتـــــه

ما فادني ضحــكي والأمــزاح
ياليتني بعهـــدك أخذتـــــــه

ضاع الأمل لو قلت يا صـاح
والمشكلة حبــك لمستــــه

زودي على قلبي با لإجـراح
لو إن طبعك مـا عرفــــته

طيــري ارتفع وبغيبتك طاح
يشكي فراقـك له وشلتــــه

ما كنت لك بالسد فضــاح
يكفي إن عمري لك عرضته

ترى منايه لك بالأفراح
لا تمسحي رسم رسمته

مـر الجــفا ذقته بالأقـــــداح
لو هو سهل ذكره وصفته

تـرى مطمع الدنيـا بالأرواح
وحبٍ في قلبي لك فرضته

===========================

7-دره وبلوره
كلمات:مخاوي الليل
الحان:خالد عبدالرحمن

درة وبلورة فيها حقيقة وخرافة
تحمل لي الصورة وانظر لبعــد المسافة
قالت لي مذعورة حبك لها فوق الخيال
والبنت معذورة في حبها لك عدال

ابكيها في الصورة وابكيها ليل ونهار
والقصة مشهورة انشاعت مثل الغبار
يا للحشا نورة انتي لقلبي مثال
يانفس مسرورة فيها العذاب المطال

قلبي على سطورة حبيبه فيها الدلال
والقلب مأسورة كستها دنيا الجمال
والحال مستورة باني لك في قصور
وقصور معمورة مفروشة ورد و زهور

============================

8-عيون كحال
كلمات:مخاوي الليل
الحان:خالد عبدالرحمن

أخافك يا عيـون كحـال
أنا ما أقوى الولـع فينـي
عشقت الحـل والترحـال
وشفاة الهمـس تغرينـي
يعانـق خاطـري الجـوال
نسايـم لـيـل تسبيـنـي
وأشوف الليل مهمـا طـال
بـه الأشواق تغذيـنـي
توجـد خافقـي ومـا قـال
علـى من أقـفـى يسقيـنـي
قنوع النفس أنا والحـال
عدلـه فــي موازيـنـي
ضحت شمسك ولقيت ظلال
وأنا لي ظـل مـن حينـي
أنا عمـري ابتـدى رحـال
سماحـك لـي تعذريـنـي

============================

9-ضحكنا لبعض
كلمات:مخاوي الليل
الحان:خالد عبدالرحمن

ضحكنا لبعض ياما حكينا لبعض ياما
عيوني كانت تبتسم والدمعة أبكيها خفا
ما احنا سوى بهذا الهوى مرتاح وأنا اللي شقي
خلها على الله على الله
لا تقول إنك عطيت يا كثر مني خذيت
وقتك ترى القلب مله
خطوة ندم لك مشيت واعلم تراك انتهيت

شوقك من القلب شله
وابدأ تراني بديت عنك بغيرك سليت

============================

10-سارت
كلمات:مخاوي الليل
الحان:خالد عبدالرحمن

سارت وأنا عيني تراقب خطاها
خطوه تسوق الخطوه بهون وركود

يوم حظرت غاب القمر من سماها
واللي بقى من نجومها بقل معدود

زين الوصايف والحسن اكتساها
شقراء وفيها من الحلى ما له حدود

لاعتني بنظره وبعد ما كفاها
حطت بجوفي من الجمر شوق موقود

شامه تعلّى ثغرها من حلاها
تضفي على نور الحسن نور مردود

صابتني بداها ونفسي دواها
من العيون السود دواي منشود

أهاوده قلبي انشغف في هواها
متحمله صار الصبر منه مفقود

عزّاه نفسي صابها ما طواها
طي الورق رطبٍ مقطوف من عود

حق الله أعلم في الحشا وش غلاها
تضحك لها عيني ولو كنت مزهود

الناس ما تدري بروحي وخفاها
يكفي أجنّب نفسي عن كل منقود

جلسه خاصه 2

1-ياملتهي
كلمات:مخاوي الليل
الحان:خالد عبدالرحمن

يا ملتهي بغيري من الناس غلطان
ماني لأهل الوجهين سمح وراضي
ما ترتوي عينك بك الجوف عطشان
دامك تعيش بوقت لاهي وفاضي

يكفيني بعادك ملا القلب حقران
خلاص ما يلزمك حد اعتراضي
قلبي فلا أذله ولا ظني ينهان
بكف عن باقي العطا باحتفاظي

تندم وتفقد من حواليك خلان
ويصعب عليك تعيد ما كان ماضي
عساك ما تبطي على عشق الألوان
من يجهل أطباعك ترى ماهو حاظي

============================

2-يلي بهواك محكوم
كلمات:مخاوي الليل
الحان:خالد عبدالرحمن

ياللي بهواك محكوم ... قلبي عليك يا وجده

عينك تذوق النوم ... وعيني لكراها ترده

أصبحت بك ملزوم ... لو رخى قلبي أشده

عقب أمس هذا اليوم ... وعقبك فلا أحدٍ أوده

واللي حرفني معلوم ... نور تلألأ في خده

وعينه فيها سهـــوم ... والنجم في كف يده

والمبسم اللي ملموم ... طعم العسل من غده

في نظرته كوم و كوم ... من المحاسن والشده

أسهر وأسامر نجوم ... وأنطر قمر يوفي بوعده

فكري بغرامه مهيوم ... ما أطيق بعده وصده

في خاطري لك مرسوم ... سراج يا من يوقده

راضي أنا بالمقسوم ... لابد أشوفه وأشده

يالله يا باقي دوم ... ارجوك تقرب لي بعده

يا حي يا قيـــوم ... تهدي الذي شفي عنده

============================

3-يوم التلاقي
كلمات:مخاوي الليل
الحان:خالد عبدالرحمن

اذكـري يـوم التلاقي وادركي انكِ للـعـين مرآه
سليه طرف لم يـنــم وروح انتِ مغذاه
وادركي حاجة احساسي فلست أؤمن بالسؤال قولا إن لم تشعري
كان يوماً في حياتي أوقد الشوق لذاتي
اكتفــيت بالنظر كان لي خـــير سبيل
مضيت فـي عصر المحال اقتفي أثرك سؤال
شاءت الأقدار يوماً أن تكوني لي منال

يا صحوبه لا تمل قد غلب عليهـا الدلل
تكتسي زهو المفل في محياها اكتمل
ما فتن ثقل الرجال
ادعي صبراً ومــا للصبر في جوفي مكان
واحترق شوقاً وهل يدان ظرفــانا هـذا الزمان
في غيـــابك لم أجد للنفس غير الإنتظار
ولم أكن اعتاد حسباً وقت إلا حين غبتي

============================

4-زين
كلمات:مخاوي الليل
الحان:خالد عبدالرحمن

زيــن الــذي منـك ذكرتينـي
حسبتـــك بغيابــك تناسيـتـي

مدري بهوى نفسك تريديني
وإلا انجبرتي بشي وحسيتي

لايكــون ما جالي تجازينـي
عقب البطى عني تقاضيتــي

أشره على الغالي ومحبينـي
ما اخبرك مني قد تشكيتــي

أرضيك إذا بالعدل ترضيني
وأعطيك عمري وما تحريتي

واهجرك هجران يبرينــــي
إن كان عن حدك تعديتــــــي

أطريك إذا على البال تطريني
وأنساك لو عني تخليــتـــــي

وأبقى على ذكرى تكفينــي
لا أقفـيت عنك وأنتي أقفـيتي

============================

5-الصديق
كلمات:مخاوي الليل
الحان:خالد عبدالرحمن

الصديق وقت الضيق قالها راعي الضيق
ويوم صرت بضيق جيت أدور للصديق

أنت الصديق اللي على ضيقي يضيق
وأنت الرفيق اللي يطاولني الطريق

تحمل هموم غير همك تسقي الناس من دمك

============================

6-ان عنيت
كلمات:مخاوي الليل
الحان:خالد عبدالرحمن

إن عنيت اليوم باكر ما عنيت
الهوى ما عادني ونفسي جزعت

الهوى ذقته بوقته واكتفيت
وما بقى من الحال له روحي رعت

كان مني يا غريبه لك حكيت
الحروف لبعضها جملة تبعت

القصد لا شي ولا لحاجة سعيت
الظروف اللي على الصدفة سعت

الحقيقة إني بوقتي سليت
الدقايق وقتها لي طاوعت

ابتديت بطيب وبنهي ما خطيت
حلوه الذكرى لامنها طبعت

يا غريبة كان أنا منك خذيت
العطايا حبالها منك قطعت

اشتري من يشتريني وإن عطيت
أعطي عيوني بنظره ما خدعت

============================

7-من اجازي
كلمات:مخاوي الليل
الحان:خالد عبدالرحمن

من أجازي .. من يا ترى صار في طبعه قاسي
الكلمة كلمة .. مره تجرح ومره فيها التراضي

السهر وش قيمته .. والدمع مسقى لياليك
وإلا ارخص بدمعته .. هذي معه تواليك

اندم على كثر السهر .. يوم إن عيني تراعيك
واعتب على قصر النظر .. خديعة غشني فيـك

وقـفه مع التفكير .. وش يا ترى اختـار

============================

8-يحسدوني
كلمات:مخاوي الليل
الحان:خالد عبدالرحمن

يحسدوني في هواك .. ويحسدونك في هواي
الخبر قلبي معك .. وقلبك الوافي معاي

يا حبيبي في رجاك .. المنى إنك مناي
انسى عذالك وراك .. وأنسى عذالي وراي

بالوفاء مني جزاك .. والوفاء منك جزاي
المهم اكسب رضاك .. وتكسبه مني رضاي

============================

9-ساعة زمن
كلمات:مخاوي الليل
الحان:خالد عبدالرحمن

ساعة زمن مرت وفيها انتهينا
وجيهنا اختفت كل الحقايق

انتم ضحكتم واحنا فيها بكينا
شاء القدر بعد ما كنا رفايق

مدري السبب أنا وإلا انتوا السبب
أو عذول أغرانا أو فراقنا انكتب

من حبكم ذقنا ولا ارتوينا
غريبة ما كنا مثل هالخلايق

فيما مضى كنا لبعض عنينا
ونظرتي للأمل شمعة شرايق

الشوق ألهانا ولا علي عتب
والحظ ودانا والكل من فينا اغترب

تبكيك عيني يا الذي ما تجينا
و رموش عيني من دموعي غرايق

ترى مدى النسيان به ما قوينا
شبت بجوفي من فرقاكم حرايق

بالله حسبنا على الذي انسحب
يا دنيا عطشانة من فينا منك هرب

البوم قمراي

1-حيرتني
كلمات الامير محمد بن عبدالعزيز
الحان خالد عبدالرحمن

أحيـان أحـس أنـي الوحيـد بحياتـك
واحيان احس انك خلي مالك احباب
يا ما شعرت أنـي معـك مثـل ذاتـك
وياما لمست انك من الحــب مرتـاب
حيرتنـي وشـلـون بافـهـم صفـاتـك
ترجـي وصالـي يـوم وايـام فغيـاب
أجـيـك تدفعـنـي لشـوفـك غـلاتــك
واروح عنك شايل الجرح منصـــاب
انت القريب وكيـف هـذي ســواتـك
فيني عليـك مـن الغـلا لـوم وعتـاب
مـا بـي أكـون بوقـت مــن ذكـرياتـك
بعد المحبه مـا ابـي نرجـع اغـراب
الله لــو طبـعـك يشـابـه حـلاتــك
الله لـو فعلـك فعـل سـود الاهـداب
انـي لا حقـق لـك جمـيـع امنيـاتـك
واهديك كل الحب يـا كـل الاحبـاب

=================================

2- حبيبي اسف
كلمات خالد عبدالرحمن
الحان خالد عبدالرحمن

حبيبي أسف ازعجتك حلو صوتك قبـل لا تنـام
سمعته وانشرح صـدري وكنـي شفتـك بعينـي
حلو كـل الكـلام اللـي يجـي مـن مبسمـك أنغـام
يونسـنـي وينعشـنـي ويجـلـي كــل مــا فـيـنـي
خذاني الشوق لك ياذوق الا ما حلا ورود الشام
الا يـا متعـة ايامـي مـع شهـوري علـى سنينـي
صحيح ان العشق يذبـح الا يـا مصـدر الالهـام
وقـلـب تملـكـه دايــم عـلـى حـبــك يوصـيـنـي
احـبـك مملـكـة عـمـري وحـبـك دورة الايـــام
تمـر سنيـن بعـد سنيـن حبيبـي يـا نظـر عينـي
تبين لك وسط قلبي فيافي خضـر وبيـض خيـام
ربيـع العمـر لـك فـدوة رضـاك اليـوم يكفينـي

=================================

3-أعترف
كلمات سعد الخريجي
والالحان صالح الشهري

اعـتـرف إن قلـبـك حــب ثـانـي
وقـل علـى حبنـا مليـون رحمـه
لا تــزود عـذابـي يــا الأنـانــي
كل ما ودك أسمـي تذكـر أسمـه
أول أن جيت شفتك فـي مكانـي
تنتظرنـي وتملـي الـدار بسـمـه
بــس هالـيـوم زودت امتحـانـي
حتى شكلي نسيت اليوم رسمـه
كنت تسأل علي قاصـي ودانـي
وكنت لي في دروب الليل نجمه
وتشتعل هـم اذا غيـرك دعانـي
وفي عيونـك ألاقـي ألـف كلمـه
هجرك اللي مع الحيـرة كوانـي
زاد جرحـي وقلـبـي هــد حلـمـه
صرت تغلـط وانـا قلبـي يعانـي
وأتصبر واقول الصمت حكمـه

=================================

4-الفيصلية
كلمات جاسم بن همام
الالحان عيسى الكبيسي

قاطع درب الخطـر والله حمانـي
من هـو الريـان لنجـد العذيـه
والرفيق الليل معي ذرب المعانـي
صاحبي وان صحت به يا حي حيه
جيت له والشوق يحـداه وحدانـي
نيته لشوفي وانا لـي غيـر نيـه
حسبي الله حظي العاثـر رمانـي
بين شـوق وبيـن روح مستحيـه
قلت وين الوعد يالبـرق اليمانـي
قال انا وعدي معـك بالفيصليـة
ما قدرت القرب مير الله عطانـي
يوم شفته نار في صدري لضيـه
ساعة مرت تقـل خمسـة ثوانـي
حلـم ليـل مـر والفرقـى بليـه
غاب وأثر عيون خلق الله ترانـي
ولا عليه من العـذول ولا عليـه

=================================

5- قمراي
كلمات: خالد عبدالرحمن
الحان: خالد عبدالرحمن

قمـراي فـي أرضـي وسمـاي
كانت معي سامرتها بهمس ونظـر
ذي فرحتي عايشتها بليـل جميـل
طـاب اللقـى بأحـلـى سـمـر
وغنيـت ولا فارقتنـي نشـوتـي
مــــــن فــرحــتــي
اخــذت ايديـهـا وارتـجــف
خـافـقـي مـــن لهـفـتـي
كـف احضنـه وســط كــف
وكــف تعـشـقـه نـظـرتـي
ملـكـي الـفـرح بـوجـودهـا
لـــي تـثـنـى عــودهــا
معي هواي اللـي سكـن روحـي
هـــو بـلـسـم جـروحــي
أفوق من نشوه ويغفى بهاجسـي
نشوه على نفحة عطرها واغتشي
أذوب في كلمه من صمت الشفـاه
اذا همست بحروف عذبه تلتشـي
تواق أعيش الليل وهي معي قمراي
لعيونها المسرى أهيم أنـا سـراي
قـــــــمـــــــراي

=================================

6-مــنـــزلـــك
كلمات : الشيخ " هزاع بن سلطان آل نهيان
الحان : خالدعبدالرحمن

منزلك مـا بيـن الحنايـا والاهـداب
وموضعـك منـي ياحبيبـي مكـانـي
الحب يبقى لـك ولـو ناظـري غـاب
يا أغلى وأرهف من سكن فـي كيانـي
نحيا على مر الزمـن ربـع وأحبـاب
والله لا يـحـرم زمـانـك زمـانـي
من كثر ما تهوى وأنا أهواك الاعجـاب
احتار فيـك وصـار شوقـي أغانـي
كل حرف لك في رعشة الليل ينسـاب
وحبر الغـلا يـا كـم يـذرف حنانـي
للحلم مـع طيفـك مواعيـد وأسبـاب
حتـى ولـو تهيـع عيونـي ثـوانـي
وصلك مهاجر واللقا وصلـك اغـراب
وتبقى الضيا فـي عربتـي والأمانـي
انته بخفوقي صاحبي وصـل وغيـاب
لا البعـد عنـك .. لا التلاقـي كفانـي
لاجلك فتحت أبواب .. وانسدت أبـواب
معنى المـوده لـك عيـون المعانـي
وتعلـم بأنـك صاحبـي زد الأصحـاب
واحد ولا فـي القلـب والـروح ثانـي
سافرت بك والمـوج عاتـي وعبـاب
لا مـات حبـي .. لا ولا يـوم فانـي
تبقى لحروفـي دايـم حضـن وكتـاب
يا بحر موجي .. هاجسـي والموانـي
يا كيف أخفي الجرح .. والجرح ما طاب
يا طب جرحي منـك جرحـي وأعانـي
أسأل ضميرك خاطرك واحسب حسـاب
إذا صاحبك مجني ترى الحكـم جانـي

=================================

7- كـــابــــر
كلمات : خالد عبدالرحمن
الحان: خالد عبدالرحمن

كـابــر قـــد مــــا تـكـابــر
انــا مـعــك متـحـمـل وصـابــر
واعرفـك اكثـر مـن احساسـي تجاهـك
وانــــــــت خــــابـــــر
ان حبك لي كبير وقـد مـا تخفيـه ظاهـر
مالجـرحـك يــا حبـيـبـي الا انـــا
جـرحـك وانـــا الـلــي احـمـلـه
جـرحــك وانـــا الـلــي ادمـلــه
واعـرف ان البعـد مـا حـطـم طـمـوح
واعرفـك يـا سيـدي كلـلـك سـمـوح
لا تــــــكــــــابـــــــر
ياللـي الحيـاة بدونـك اعذبـهـا مــرار
وانـا علـى هالصمـت مـالـي اختـيـار
تــبــي حـقـيـقــة واقــعـــي
بصبر معاك وبعيش طول الوقت راجي بانتظار
يــــاجــــرح طــــاهــــر
كــــــــــابـــــــــــر

=================================

8- لمت نفسي
كلمات: خالد عبدالرحمن
الحان: خالد عبدالرحمن

لمت نفسي ولامني حظي معـاك
اشتكي من هم وأبكي مـن ألـم
يا خطاي اللي توافق مع خطـاك
لاسلـم حبـك ولا حبـي سلـم
انت أعز الناس ما تجهل غـلاك
ما اعتقد هالحب يأتي من عـدم
كلمـا مـروا علـي هـذا وذاك
كلهم لا شي وانـت اللـي أهـم
ما نساك القلب لحظة ما نسـاك
من كرم قلبك تعود على الكـرم
وش دعاني للخطا وش هو دعاك
في شروع الحب ما فيهـا حكـم

=================================

9- ســلام
كلمات : خالد بن يعود الكبير
الحان : خالدعبدالرحمن

سلام ياللي عليـه الدمـع مسفوحـي
طول غيابه وحال الياس مـن دونـه
خبري به العام يوم الوصل مسموحـي
يوم الهوى سنتـه للنـاس مسنونـه
واليوم عني وزين الـروح مطروحـي
حسبي على اللي على بابـه يردونـه
ليلة فراقـه بعينـي عيـت تروحـي
دايم على البال تخطر دمعـة عيونـه
هو نور عيني حبيبي هو بعد روحـي
وشلون ابقضي حياتي سالـي بدونـه
لي قلت ابنساه احس بنزعة الروحـي
وان جيـت ابلقـاه عيـو لا يخلونـه
يفوح صدري على شوف الغضى فوحي
نار الهوى تشتعل بالجـوف مكنونـه
باقي على الود لونـي فيـه مذبوحـي
لا خان عهدي وانا والله مـا أخونـه

=================================

10- اجــابــه

كلمات : خالد بن سعود الكبير
الحان : خالدعبدالرحمن

أقلبـك بروحـي وعنـي تصديـن
حتى بسؤالـي مـا أحصـل أجابـه
وأبعـد وأقـفـي وانـتـي يـمـي
تردين وش لك بواحد مقفي صك بابه
يــا تــرى كــل ذا مـنــك
بالله وربــــك شغلـتـيـنـي
الصـدق مالـه صـفـه عـنـدك
أرجــوك أبـعــد وخلـيـنـي
يـالـلـي تنـكـرتـي لـذاتــك
أوعــد مـــا راح تنسـيـنـي
عيشـي علـى زيــف ونـاتـك
مـا انتـيـب اتـلـى المزاييـنـي

- من يسد بمكانه
كلمات : عبدالله الفيصل .
الحان : خالد عبدالرحمن .

قرب الرحيل وخاطري منك ما طـاب
يا واحدٍ عنـدك حياتـي رهـانــــه
تـدري بعلـه واحـدٍ منـك منصــــاب
اللي بقلبه لك يقوله لسـانــــه
بك طيب لو ما حط بك زين الأطيـاب
يا غصـن بان ناعــمٍ بـه ليـانـــــه
يا ليتـهم سمّـوك يـا زيـن معـطـاب
حيث ان حبك بالضماير مكانـــه
كلٍ عذلني فيــك عــدوان وأصحــاب
وأقــول خلونـي وكـلٍ وشانـــــه
وان قيـل وإلا بـدّل أحبـاب بأحبـــاب
قلـت آه لكن من يسد بمكانـــه
،،،،،،،،