كلمات اغاني البوم عباس ابراهيم

.. نــاديــت ...

ناديت والليل جاوبني وبكاني ... محد سمعني سوى ليل نزع دمعي
ماغير ليلي من الأحباب وأساني ... ياويل من همله ربعه مثل ربعي
طالت مسافاتي وتاهت بي أزماني ... وعلمني الوقت كيف أقسى على طبعي
ومن طاول الوقت لو هو قاسي لاني ... ومن يرفض العشر يقبل عقبها سبع
كم عاقل صار بأمر الحي هيماني ... وكم قلب عذرا ترك فيه الهوى صدع
ياعازف بالهوى منضومة ألحاني ... رد المواجع نغم في قلبي وسمعي
غن الغزل ينتعش خفاق ولهاني ... وإشرب زلال الهوى من كأس ونبعي
ومادام أنا حي كل الحب ميداني ... وإن مت ياحدي الأشواق لك بدعي

كلمات:

خالد الفيصل

ألحان:

بندر بن فهد

+*+*+*+*+*+*+*+*+*+*+*+*+*+*+*+*+*+*+*+*

... ضـوى لـيـل ...

ضوى ليل بعد ليل وأنا لأجل الوعد ساهر
حكى ليل وسكت ليل حبيبي غايب وهاجر

أحس النار في ظلوعي أخبي وأطفي شموعي
وأخلي الظلمة لدموعي مناديل

مشى غيم ورحل غيم وقلبي من الزهر ذابل
نصيبي وأنا هايم أحب من المها الجافل

عيونك في السما بارق وخدك في القمر شارق
تجيني ليل وتفارق قناديل

مضى خوف ورحل خوف غيابك طال ياروحي
عيوني متى تشوف ومتى أحيا يابعد روحي

يقولوا الناس ويش فيني شعاع الشمس يطفيني
وانا في الليل بتجيني مراسيل

كلمات:

بدر بن عبدالمحسن

ألحان:

د.عبدالرب إدريس

+*+*+*+*+*+*+*+*+*+*+*+*+*+*+*+*+*+*+*+*

... خــان ...

خان ويحسبني أخون شافني بعيون طبعه
غيرت فيه الظنون طاوع العذال ربعه

شافله غيري ونساني صار كذاب وأناني
ظلم الدنيا بعيني راح وماخلى لي شمعه

شللي يجبرني عليه من عرفته وأنا أتعب
شاف قلبي بين إيديه وصار عالحبلين يلعب

غرته ضحكت سنونه والقصايد في عيونه
ماحسب هالورد باكر يختفي ويموت زرعه

آه ياعمري الجراح ليتني مايوم طعته
اللي عذبني وراح باعني والحين بعته

بانت عيوبه وبان للآسف ماله أمان
واللي مثله ما أبيه أتركه من غير رجعه

خان ويحسبني أخون شافني بعيون طبعه

كلمات:

جلال المريضيف

ألحان:

صالح الشهري

+*+*+*+*+*+*+*+*+*+*+*+*+*+*+*+*+*+*+*+*

... أعـذرنـي ...

أعذرني فيك لو قلت أبيك
إنت أختياري في العمر
تامر على روحي أمر
أشرلي بعيونك أجيك .. أجيك
إعذرني حبيتك انا لا تقسى في حكمك عليّ
يا أغلى من روحي أنا أنت وجودي وكل شي
ماإنت مثل غيرك مثل غيمه تمر
إنت أختياري في العمر
تامر عل روحي أمر
أشرلي أجيك ... أجيك
لك أحلى كلمة شلتها في خاطري لك تشتعل
عزمت أقول وقلتها وبانتظر ردة فعل
أحتاج أنا ردك على حر الجمر
إنت إختياري في العمر
تامر على روحي أمر
أشرلي أجيك ... أجيك

كلمات:

أحمد عبدالحق

ألحان:

د.عبدالرب إدريس

+*+*+*+*+*+*+*+*+*+*+*+*+*+*+*+*+*+*+*+*

... الـــورد ...

ذي ريحة الورد ولا أنفاس محبوبي
هاذي القناديل ولا وجنة الغالي

الغالي اللي يعطر بالوفا دروبي
لا جابه الحظ كل الوقت يحلالي

مغرور لا من تبسم والتفت صوبي
كن السحايب تغازلني أنا لحالي

له وضعه الخاص باحزاني وباسلوبي
راقي بطبعه وعندي منزله عالي

مرات يزعل وأحس أن القلق ثوبي
ومرات يقبل وأشوف إن السما ظلالي

شفاف قلبي وهاذي أجمل عيوبي
وانا بقلبي أشيل المر والحالي

كلمات:

منصور الحربي

ألحان:

سامي أحسان

+*+*+*+*+*+*+*+*+*+*+*+*+*+*+*+*+*+*+*+*

... هــواهــا ...

تخفي هواها من حياها عن الناس
تخشى عيون الناس تجرح هواها

قالت هلا وتبسمت وأشرق الماس
وتعلقت روحي بعالي سماها

وقمت أتلفت وأشغل الفكر هوجاس
قالت هلا لي أو لغيري هلاها

الله عليها شوفها فيه نوماس
تشفي عليل النفس بسمة شفاها

فيها رسوم الملح والزين بقياس
من كل لون ولون ربي عطاها

العين نجلا ومطرق القد مياس
والشعر ناري لي تثنت كساها

وإحساسها في الحب ما مثله إحساس
إحساسها يصحى ويرقد معاها

معها نسيت الهم والحزن والياس
وما عاد في دنياي شي سواها

كلمات:

بندر بن فهد

ألحان:

بندر بن فهد

+*+*+*+*+*+*+*+*+*+*+*+*+*+*+*+*+*+*+*+*

... ياليت تذكرني ...

ألا ياليت تذكرني حبيبك مانسى ذكراك
غدت أحلامه أحزانه وغابوا عنه خلانه

بقى في يوم الفرح بسمه تدور مسكن بدنياك
وأبعدها ظلام الليل وأصبح قلبك أوطانه

تعال وشوف لي دمعه أبحبسها إلين ألقاك
لعلك تمسح الدمعه يغيب الحزن وأشجانه

أنا ياصاحبي مدري ذكرتك يوم جيت أنساك
وذكرت إنك رحلت وقلت هذا الحب وأحزانه

إلين أبعدت ألاقي العمر يجيب خطاي لما أخطاك
تاخذني دروب الشوق ولاوصل إلين بيبانك

أنا قلب تعذب حيل من بعدك ومن جفواك
أنا جسم بليا روح عاب وغابت أزمانه

كلمات:

سعود محمد العبدالله الفيصل

ألحان:

صالح الشهري

+*+*+*+*+*+*+*+*+*+*+*+*+*+*+*+*+*+*+*+*

... يسعدك ربي ...

يسعدك ربي أسعدتني بحبك
مسكنك قلبي وأنا مسكني قلبك
ياكل الهنا يا إنت يا أنا
يسعدك ربي
يسعدك رب براك
صورك مثل الملاك
غالي وتفداك روحي
الله بل يبين غلاك
يا كل الهنا يا إنت يا أنا
يسعدك ربي
ياهوى بالي تراك مافي هالدنيا سواك
يسعد قلب العليل ويرتوي عمري معاك
يا كل الهنا يا إنت يا أنا
يسعدك ربي

كلمات:

محمد العبدالله الفيصل

ألحان:

عبادي الجوهر

+*+*+*+*+*+*+*+*+*+*+*+*+*+*+*+*+*+*+*+*

... أرعـى خــيالك ...

أرعى خيالك في خيالي وأناجيك
واضم طيفك وأحسب إنه قوامك

وأشتاق لك وأحلم بزولك وأراعيك
وأخاف من غيري يفوز بغرامك

بسم الدمع متى بأشوفك وأناديك
وإلامتى أسمع لتغة في كلامك

علمتني فن السهر في لياليك
وسحرتني بمداعبك وإبتسامك

إيماني بحبك سبب رغبتي فيك
تامر وأطيعك ما سألتك علامك

حتى حياتي غيرتها مباديك
وأصبحت أعرف ياحبيبي مقامك

كلمات:

سعود بن بندر

ألحان:

يحي عمر

+*+*+*+*+*+*+*+*+*+*+*+*+*+*+*+*+*+*+*+*

... تستاهل العنوة ...

حنا عنينا لك تستاهل العنوه ... مشفين لوصالك في عيوننا شكوى
البعد عنانا ونخاف تنسانا ... حنا عنينا لك تستاهل العنوه
تذكر ليالينا يومك مآنستنا ... شوقك مهنينا وبالحب توعدنا
الله لك البارح طيفك مساهرنا ... ورمشك الجارح دايم يشاغلنا
لو كان في قلبك الشوق يدعينا ... حنا نبي قربك واليوم لك جينا

كلمات:

محمد العبدالله الفيصل

ألحان:

صالح الشهري

+*+*+*+*+*+*+*+*+*+*+*+*+*+*+*+*+*+*+*+*

... ول ياجرح الهوى ...

ول ياجرح الهوى ول إنت في قلبي من أول
روح زور إنسان ثاني
تكفى ياقلبي تحول
ياهوى روحي وعيني وش حصل بينك وبيني
هو صار الحب غلطه ماتخاف الله فيني
من البداية للنهاية غنت بالك مو معايا
زي حبي ماتلاقي هذي ياروحي الحكاية
شوف تبغى أكون واضح انا ماأحب المصالح
لو بتحرجني وترحل إنت مالك فيني صالح
حل واحد غيرو ومالك
هوه في بالي وبالك
حبني من قلب صادق كل شي يصبح حلالك
كل من شافك يحبك وكلهم يمشون دربك
بس أنا يجنني مين هو اللي في قلبك

كلمات:

محمد القرني

ألحان:

يحي عمر

+*+*+*+*+*+*+*+*+*+*+*+*+*+*+*+*+*+*+*+*

... حـكـم الـهـوى ...

لي غبت عني دمعتى تسأل تبيك
وش بسوى في الهوى وأنا روحي فيك
والمعذرة إذا أشتكيت إنا إنتهيت لما هويت

وحكم الهوى جايز علي ماهو عليك
ياخذك وقتك ياعنيد والشوق في قلبي يزيد
معقول ياحبي الوحيد بقضي حياتي أرتجيك
تبغاني أصبر ياهناي والصبر ماينفع معاي
من كثر مافيني تراي بسابق أشواقي وأجيك
والمعذرة إذا أشتكيت أنا إنتهيت لما هويت
وحكم الهوى جايز علي ماهو عليك

لولاك ماكان الهوى ويشلون ترضى لي النوى
وأنت الطبيب وإنت الدوى وقلبي تركته بين إيديك
وتركتني لنار الحنين مقهور من ظلم السنين
خبرني يامحبوبي مين أشكي له حالي وأشتكيك
والمعذرة إذا أشتكيت أنا إنتهيت لما هويت

وحكم الهوى جايز علي ماهو عليك

كلمات:

بندر بن فهد

ألحان:

بندر بن فهد

__________________

» كلمات ألبوم عباس ابراهيم 2009
» كلمات اغاني رابح صقر 2010 جديد البوم رابح صقر 2010
» البوم هشام عباس - ماتبطليش 2009 Cd Q 192
» حصريا البوم هشام عباس - ماتبطليش 2009
» .:!!:. كلمات اغاني الوسمي .:!!:.