قصائد للشاعر المبدع حامد زيد

[ندعوك للتسجيل في المنتدى أو التعريف بنفسك لمعاينة هذه الصورة]

غرام أحباب
على ذاك الطريق اللي يسمونه غرام iiأحباب
وطت رجلي على دربه ولاأدري وش نوى iiفيني

تبعته لآخر دروبه .. ألين أن القمر قد iiغاب
تعب قلبي ، ولا تعبت مسافاتٍ توديني

لقيت الليلة الجردا : هدب ظل وسما iiواعشاب
بعد ذاك الظلام اللي يتوهني iiعناويني

صدفتك معجبه فيني وياليت..الغرام : iiاعجاب
وتراك انتي الهنوف اللي هقيتك iiتستحقيني

عطيتك عشق من قلبي..وسلمت لغلاك iiرقاب
وغيرك يحترق قلبه ولا يقدر iiيحاكيني

أنا قبلك صدفت عيون لكن ويش جاب iiلجاب؟
ترى كل العيون اللي لقتني ما iiتكفيني

رماني حظي العاثر عليك وجيت لك iiطلاب
ولا أنتي اللي عشقتيني ولا انتي اللي iiعتقتيني

تعالي واعتقي ذاك الخفوق المولع المرتاب
مهب لاجلي ، عشان الله يجازيك ويجازيني

تعدي في سما عشقي ولو عشقي خراب أصحاب
وصوني بالهوى نفسك قبل لا انتي iiتصونيني

وشيليني على متنك : خفوقٍ باريٍ iiمنصاب
ومن فوق الغرام العذب .. شيليني وحطيني

ولا منك هقيتيني شجاع وما يطيق iiيهاب
أنا لك بالهوى والله مثل ما انتي iiهقيتيني

أنا ما أمشي ورا غيرك ولو أنه يطق iiالباب
وترى عيبٍ عليّ أطعن..ولو كثرت iiسكاكيني

زهودٍ ما يطيق الدم لا داين ولا طلاب
شجاع وعارفٍ نفسي وأظن أنك iiتعرفيني

غيورٍ ماعرفت أضحك مع الغدر ببّرود iiأعصاب
أبيع عيوني الثنتين قبل أنك iiتخونيني

إذا شد الغرام .. اترك خفوقي : بين ناب iiوناب
لفرقى تكسر ضلوعي .. ولا عشقٍ يوطّيني

أنا رجلٍ ولي غيره .. وإذا شفت الهوى iiكذاب
تثور بقلبي الفزعه ولا تهدى iiشياطيني

سؤالك لو يزعزع بي كياني ما قبلت iiعتاب
اجي لك وأسالك نفس السؤال اللي سألتيني

عن العشق القديم أبواب .. تقفيها كثير iiأبواب
بعد ذاك الحبيب اللي خدعني وانخدع iiفيني

أبي عشق تحسب له كل نظرات العيون iiحساب
وابي قلبٍ علي قلبي ، وابى دينٍ على ديني

وابي نظرة عطا توفي ولا تخلف بدون iiأسباب
وابي منك قبل لا نتي تصديني .. توديني

وابي دربٍ على العذال صعبٍ ومتعبٍ وغلاب
وابي نفس الطريق الصعب يبعدهم ويدنيني

ترى لو للقلوب عيون ولدموع العيون iiأهداب
حشى ما تنزل الدمعه لغيرك لو iiتركتيني

أنا أول من عرف قدرك وأنا توي صغير iiوشاب
وابي منك ما دام أنك عرفتيني iiتحبيني

ما دام أني لقيتك في طريق أسمه غرام iiأحباب
دخيل الله ، وبعد الله دخيلك .. لا iiتخليني

ما دام أن كل من يحيا على وجه التراب iiتراب
عسى تنساني الدنيا مادام أنتي iiذكرتيني

تزعلين وتقعدين

عافت الشمس المدينة وأعلنت وقت iiالزوال
رغبةٍ للنوم منها مع عيون iiالناعسين
أبعدت من يوم شافت بالسما ضيّ الهلال
كنّها كانت تهزّا بالهلال iiوتستهين
كفكفت صبح التلاقي من ورا روس iiالجبال
واستخارتني وراحت وابعدت عن كل iiعين
وانتي أخطيتي خطاها وانعزلتي iiبالوصال
ولا رحلتي من سكات ولا وعدتيني iiتجين
عشت عمري بالمحبة في سبيل iiالاحتمال
وانتي تعيشين عمرك تفرحين iiوتجرحين
من غرورك في جمالك ما عطيتيني iiمجال
وأدري إنك تفهميني لو بغيتي iiتفهمين
كيف أشوف الشمس تشرق بالسما وانت ظلال ؟
ومن يعيش بوسط غارٍ للذياب الجايعين ؟
كنت أحسب الكره زايل والجفا لو طال iiزال
ولا بديتي بالغرام ولا بقى فيني حنين
أشهد إني ما خطيت ولا نويت iiالانعزال
وما خدعتك في غرامي لين شفتك تخدعين
اصدقي بالوعد مرة لي ولو فيها iiسؤال
من عرفتك ما أذكر إنك توعدين iiوتصدقين
كنت أشوفك من عيونك تأمرين أقوى iiالرجال
والله إني قبل أعرفك ما هقيتك تخضعين
كنت أشوفك تبعدين وقلت من باب iiالدلال
وإن بعدتي عن عيوني قلت باكر iiترجعين
كنتي أكثر في عيوني من عدد وبل iiالخيال
وين أنا ما الد وجهي كنت أشوفك تضحكين
وإن بغيت أصد عنك من يمين ومن iiشمال
ما قوت عيني تلفّت لا شمال ولا iiيمين
عاشقٍ والعشق بلوى وأشهد إن الحال iiحال
ولا تركتي رحمة الله ولا عرفتي ترحمين
وأدري إنك في غرامي للأسف نلتي iiمنال
افترقنا في دقايق والسبب لعنة لعين
حبك أشبه في غرامي بالوصال الانفصال
ويلعب الخفاق لعبة كبرياء iiالخاضعين
بالهوى ماهي غريبة نكبة عيال iiالحلال
ولاني أول من يصون ولا انتي آخر من iiيهين
الصداقة في عيون الناس منفى iiللعدال
وكان ردّت للصراحة كلبونا iiمذنبين
المحبة شبه زالت والصداقة iiلاتزال
بس أببقى في عيونك ( حامد ) اللي iiتعرفين
علّميها يا قصيدة واضربي فيني iiمثال
عرفيها بالبداوة في طباع iiالأولين
علّميها كيف نصنع صبرنا والاحتمال
علّميها كيف نفلح بالعمل دنيا iiودين
علّميها في سوالف حلّنا iiوالارتحال
علّميها كيف نظهر جورنا iiللجايرين
علّميها يا دقايق ، علّميها يا iiليال
علّميها يا عصور وعلّميها يا iiسنين
إن عشقنا ما بغينا غير عشقٍ بالحلال
وإن نوينا ما لفينا كود ناس iiطيبين
كاملينٍ في عطانا بس لله iiالكمال
والرجل فينا غرامه لو يعين ويستعين
ابدويٍ ما يقوده للردّى شد iiالحبال
يعسف اليدّ الشحيحة للعطا حتى iiتلين
همنا فعل الرجولة رمزنا لبس iiالعقال
وانتي المكياج كله صار في وجهك iiسجين
عندك المكياج موضة تحسبين إنه iiجمال
صار همك في حياتك تكشخين iiوتطلعين
والا أنا قلبي بقى لي بالمحبة راس iiمال
والله اللي مبتليني بالهوى والله iiيعين
إن بغيت أعشق أبالقى كثر حبّات iiالرمال
لكن انتي لو بغيتي صعب مثلي iiتعشقين
قلت لك كل الصراحة وأختم أطراف iiالجدال
وإن زعلتي من كلامي تزعلين iiوتقعدين

الأم

قصيدتي زاد بعيوني جمالها ii

واخذت أنقي بالمعاني iiجزالها

واكتب معانيها من الشوق iiوالغلا ii

لأمي وأنا اصغر شاعر ٍمن iiعيالها

كتبتها في غربتي يوم iiرحلتي ii

لما طرالي بالسفر iiماطرالها

امي وانا بوصف لها زود iiحبها ii

وان ماحكيت لها قصيدي iiحكالها

امي لها بالقلب والجوف iiمنزله ii

مكانة ماكل محبوب نالها

اقرب من ظلالي وانا وسط iiغربتي ii

وانا تراي اقرب لها من iiظلالها

ماشافت اعيوني من الناس غيرها ii

ولا خلق رب الخلايق iiمثالها

اغلا بشر في جملة الناس كلهم ii

واكرم من ايدين المزون iiوهمالها

اتبع رضاها ورتجي زود iiقربها ii

واللي طلبته من حياتي iiوصالها

الصدق مرساها والاشواق iiبحرها ii

والعطف واحساس الغلا راس iiمالها

اهيم فيها وابتسم يوم iiقلبها ii

يسأل وانا قلبي يجاوب iiسؤالها

وان اطلبتني شي فزيت iiمندفع ii

اموت أنا واحمل تعبها iiبدالها

واصبر على الدنيا والاحزان والتعب ii

واحمل على متني فطاحل iiجبالها

واسهر اعذب راحة القلب iiبالشقا ii

واعيش اعاني بس يرتاح بالها

تربية ابوي اللي على الطيب iiبذكرة ii

اللي وهبني الحياه iiومجالها

نور لي ادروبي وانا طفل مبتدي ii

حتى تركني واحد من iiرجالها

الوالدين اولى بالاحسان لجلهم ii

وأولى بتكريم النفوس iiوعدلها

اقولها وانا على الله iiمتكل ii

والله عليم بقدرتي iiواحتمالها

ياكلمة اغلى من الناس iiكلهم ii

ياشمس بقلبي بعيد iiزوالها

يافرحة تملي لي الكون iiباكمله ii

ياشجرة تكبر ويكبر iiظلالها

تضحك لي الدنيا ليا شفت iiزولها ii

مثل السما تزها بطلة iiهلالها

والبعد عنها ياهل العرف iiماقدره ii

لاشك ناري زايدة iiبشتعالها

ماعيش ببلاد ولاهيب iiبأرضاها ii

ولابي عيوني كان ماهي iiقبالها

أرض ٍ تدوس امي بالاقدام رملها ii

اموت فيها واندفن في iiرمالها

الريم

واعيني اللي كل ماذعـذع مـن الغربـي هبـوب
..........يحلا لهـا لـون الغـروب اللـي يـذوب قبالهـا

ويا ويل حالي كل ما يحـلا لهـا لـون iiالغـروب
..........تطـري لـي الريـم اللعـوب وسالفـة ترحالهـا

وياجرّ قلبـي كـل مـل تطـري الريـم اللعـوب
..........حرّمت أمد ايدي على حاجة وأنا مـا اقـوى لهـا

من سافرت ريم الغلا صدّيت عـن كـل الـدروب
..........ماهـو قصـور بالعـذارى, بـس ذيـك لحالهـا

من فارقتني ما خطف قلبي مـن الحـور محبـوب
............ولا لقيـت الجـادل اللـي تستحـق أحيـا لـهـا

لان القلوب إن ما وفت لأحبابهـا ماهـي قلـوب
..........والعشرة اللـي ماتـرد الـروح مـا نسعـى لهـا

أما الوفاء الل يستر الرجّـال مـن كـل العيـوب
..........والا الجفاء اللي يستر عيوب العـرب ف رجالهـا

مـا أقسـى مــن فــراق أهــل الجـنـوب
..........ويلي على اللي كـل مـا تزعـل تشـد رحالهـا

اللي مذيّرها العتب.. لا شبّـت بصـدري شبـوب
...........عيّيـت أراضيهـا وهـي عيّـت تطـول بالـهـا

كانت معي مثل النصيب يحدّني مـن كـل صـوب
...........كانت دروبـي مـن متاهـات الضلـل.. لظلالهـا

كانت هروبي لا شعـرت إنـي بحاجـة للهـروب
...........كانت سماي اللي ليا ضاقـت علـيّ ألجـا.. لهـا

ليه اتحداني وأنـا فـي كـل الأحـوال مغلـوب ؟
...........ليـه حرمتنـي مـن قهـر عـذالـي وعذالـهـا

ليـه اتجاهلنـي وأنـا مانـي جبـان ولا كـذوب
...........ليه ارخصـت دمعـي وأنـا مـا بكيـت إلا لهـا

ما ترحم اللي له سنه كنّه علـى النـار محطـوب
...........مـا هزهـا دمـع الفقيـد اللـي بكتـه أطلالهـا

ما خافت تهدْم السنين اللي بنتنـا طـوب طـوب
...........ما فكـرت تشفـق علـى حالـي وترحـم حالهـا

قولوا لها لـو مـا تـذوب أنـا بخليهـا تـذوب
...........قولوا لها لو ما عنـت لـي مستعـد اعنـا لهـا

اليا ادمحت لي هالخطا بدمـح لهـا كـل الذنـوب
...........وإن جابت الحسنة معـي تبشـر بعشـر أمثالهـا

افرش لها صدري وطن واجمع من ضلوعي شعوب
..............وارقـى لهـا مكانـة محـد قـدر يرقـى لـهـا

إن كانّي مخطي فأنـا مانـي خلـيّ مـن العيـوب
...........الذنـب يغفـر والبشـر تجـزا بقـدر أعمالهـا

البعد قاسي والفـراق يضيّـق الصـدر الرحـوب
...........وأنــا تعـبـت أدور الحيـلـه وارد احتالـهـا

قولوا لها ترجع ترى ماني على البعـد مغصـوب
...........وإلا تـرى نـذرٍ علـيّ أنـه مهـوب أشوالهـا

أمـا تجنّـب هالهبـال وتتـرك البعـد وتـتـوب
..........والا بتبشـر بالهبـال اللـي مـا هـوب هبالهـا

كافي زعل ترى الظروف مقفّلة مـن كـل صـوب
..........وأنا حملـت مـن الهمـوم أنواعهـا وأشكالهـا

يكفيني أني كل ما هبـت علـى صـدري هبـوب
...........تحـنّ عينـي للجـنـوب وتلتـفـت بلحالـهـا

والمشكلة أني كـل مـا حنّـت عيونـي للجنـوب
...........تطـري لـي الريـم اللعـوب وسالفـة ترحالهـا

وعز الله إني كل ما تطـري لـي الريـم اللعـوب
............حرمت أمد ايدي علـى حاجـة مـا أقـوى لهـا

ادلعها و اولعها

بعـد ماقابلتنـي iiعاتبـوهـا
على شوف الحبايب حاسبوها

خذوها وأبعدوها غصب iiعني
وعن وجهة طريقي iiجنّبوهـا

وشالوها عن عيوني iiغصيبه
عواذل وأغصبوني وأغصبوها

خذوها من يديني شوف iiعيني
وعن عيني تعدّوا iiوأحجبوهـا

كلام وصدّقوا بالبنـت iiكذبـه
وهم اللي مـن أول iiكذّبوهـا

وهم وشدخلهم في مال iiبيّـن
لبوهـا والخلايـق طالبوهـا

وفيّـه لاتخـون iiولاتعـانـد
جسوره والمواعيد iiأرعبوهـا

مـلاكٍ كاملـه والكامـل iiالله
ولكـن العـواذل عذربـوهـا

وهي كلما دعتني تشتكي iiلـي
عن اللي سالفتنـا iiسرّبوهـا

تخاف وتلتفت مع كـل iiكلمـه
تظـن أن العـواذل iiراقبوهـا

تلفّت من عقب ماهي iiجريئـه
شجاعـه ماتهـاب iiوهيّبوهـا

وأهدّيها وأنـا حايـر iiوثايـر
مصيبـه ياعـذابٍ iiعذبوهـا

وهم كلما خذوها عن iiطريقـي
تراهم صوب قلبـي قرّبوهـا

وأنا ماتعّبـت قلبـي iiخيانـه
خيانـه رتّبوهـا iiوأحسبوهـا

ولا يعجـز خفوقـي iiلايقابـل
جفا من حاربـوه iiوحاربوهـا

وأنا لي عزّة ٍ تفرض iiعليّـه
أخاطب بالجفا من iiخاطبوهـا

وأكسر لوحة الماضي وأزيلـه
وأخرّبهـا مثـل iiماخرّبوهـا

وأذوّقهم نـدم ماصـار iiفيهـا
وأشرّبهم من اللـي شرّبوهـا

وأدلّعهـا وأولّعهـا iiبنفسـي
وأشرٌّقهـا بعـد iiماغرّبوهـا

وأعوّضها عن اللي راح iiكلـه
وعن ذيـك الليالـي iiكلّبوهـا

غلاها بالحشـى لازال iiثابـت
ولو حتـى بغيـري iiحبّبوهـا

وغلاي بقلبها مـرّ iiوتعـدى
غلاهـا لأمهـا ولا لأبـوهـا

التمثال

عفا الله عن خطا غدر الخناجر والضلوع ابطال
باسامح واتركك تحت الظلام الحالك لحالك
دخيلك وفر دموعك ترى هدر الدموع اذلال
وترى مافيه احد يصبر مثل صبري iiبغربالك
انا عيب علي انقض كلامي والرجال iiافعال
واذا قلت اقطع حبالك تراني بقطع حبالك
عشان اكسب هدب عيني تجرعت العذاب iiاشكال
وليتك تراف بحالي علشان اراف بحالك
مسوي في حياتي شي مايذكر ولا ينقال
حتى العدو واهو العدو ما يعمل iiاعمالك
تمسيني على الهم وتصبحني على الغربال
تقلطني فناجيلك وتقصر عني دلالك
تحملت التعب لاجلك وانا حملي يهد iiجبال
رحلت من العذاب وما وقفت الا على جالك
علامك كلما اجيك متواضع جيتني iiتختال
معاك اليا متى باصبر وصبري معك يحلى لك
مثل ما اقبلت لعيونك لزوم تلدلي iiباقبال
ومثل ما قد حشمتك حس واحشم قلبي iiاشوالك
انا محد بجابرني اساير معك iiهالمنوال
ترى ماني تبيع لك ولاني اصغر عيالك
انا حبيت اعشقك نبض ومشاعر ما اعشقك تمثال
انا جيت اسكنك واحياك وابقى فيك وابقى لك
انا جيت اب ظمى عاشق تعب يطرد سراب اللال
انا جيت استفز رضاك من فرقاك والجا لك
انا ما همت بك عاقل انا كنت اعشقك iiبخبال
انا ما كنت احبك حي انا كنت اعشقك هالك
تخيل من كثر ما خفت تلقى للزعل مدخال
اخاف اخطي على طيفك وادوس برجلي iiظلالك
تبعتك والعرب تتبع رعود البارق الهمال
وانا شفت المطر يتبعك في حلك وترحالك
كأن الي خلق حسنك خلقني مع جسدك ظلال
وصرت اقرب جسد يمشي معك باقفاك واقبالك
ابي قلبك يحس انه فقد بمحبته رجال
ملكته من هدب عين وخسرت ارضاه iiباهمالك
صحيح ان الفراق اقسى ولكن الوصال iiمحال
وانا صعب على ارضي غرورك واضعف iiقبالك
بعد ما حققت عيني فبعدك للرقاد امال
اعود للسهر! ياخوي فال الله ولا iiفالك
ببدل نظرتك فيني واجي لك كل يوم بحال
باكون اقرب من ثيابك عليك ولا اتهيالك
بالمك وانثرك واجمعك وارجع انثرك باهمال
باخونك وازعلك وارضيك وازعل منك وارضى لك
ابرسم بالثرى وجهك وابدفن صورتك iiبرمال
ابشكي للعرب فرقاك واضحك عند عذالك
ابهديك الوصال فراق واهديك الفراق iiوصال
باسوي مثل ما اشوفك تسوي وافعل افعالك
عشان تعرف من فينا الزعول ومن وسيع البال
ابيك تذوق فنجالي وانا باذوق iiفنجالك
نصيحه واحتفظ فيها قصر معك الزمن او طال
ابي تسمع كلامي زين وتحطه على iiبالك
اذا حبك هبال اطفال لك عندي هبال iiاطفال
ولا وابشر بعد بهبال حب ماهو iiبهبالك
واذا قصدك تهين اسمي عشان تشمت iiالعذال
ترى لا انت ولا غيرك ولا عشره من اشكالك!!

أربع خنااااااجر

مشكله لا جات حاجتك بيديـن البخيـل
مايفكـك ليـن تدفـع كثـر مايدفـعـه

ومشكله لا صرت مطعون بكفوف الدخيل
في ظهرك اربع خناجر وبالصدر اربعـه

ومشكله لا ضاق بالوقت رجـالً ثقيـل
يطلـب احبابـه وعيـا زمانـه ينفعـه

ليت ربي مايحاسب خليـلً مـن خليـل
دام مال الحـظ فزعـه وللوجـه اقنعـه

ودام مال العذل تالـي ومابالحيـل حيـل
الغـلا سمـاً نذوقـه ومـرً نجـرعـه

نحتري فيه القا والحصيل هو الحصيـل
مثـل حلمـاً ماتحقـق وعيـت اقطعـه

كني اللي حط بشفاه من جمـر المليـل
لا قـدر يرميـه للنـاس وزرا يبلـعـه

والظروف اللي حدتني لنيـران وفتيـل
عرضت دمع المحاجـر لشـيً يجزعـه

والمدامـع بالغـلا لا تحـال ولا تحيـل
والمشاكل كـل ماجـات جـات مجمعـه

اعذلوني عن هوى النفس وعيوني تخيل
في حبيـب ٍ ماتركتـه ولازلـت اتبعـه

مغرم في حب مثله ولا ارضى له بديـل
عيني تشوفه وقلبـي يجـوع ويشبعـه

ذاك كل مازان بالـي وطالعـت النخيـل
ماذكـرت الا ثباتـه بوقـت الزعزعـه

ماهو الاقطعة مـن حشـا قلبـاً عليـل
وماني الا قطعـة منـه مخلـوقً معـه

لا جميل شفت قبلـه ولا بعـده جميـل
العذارا رهن رمشه وانا رهـن اصبعـه

والله انه لو طلبني اطلـوع المستحيـل
لا اطلعه منـي منـاك يعنـي لا اطلعـه

ماعلي مـن الملامـه وهـرج الهبيـل
مشجع الرجال لا ثـار غيـره مشجعـه

في عيون اللي عشقني ولا جاني هزيـل
الله اللي حط عشقـه بقلبـي وزرعـه

لو سكت ينطق له الصم والدنيـا تسيـل
وان حكى لو يمشي المزن ياقف يسمعه

سلسبيل من شفاتـه يخالـط سلسبيـل
معمعه بسكات واحـلا سكـات بمعمعـه

ماهقيت ان اكثر الليل يمـرح بالجديـل
لين شفته شوف عينـي بكفـه يرفعـه

وان حيت ومابقالي معـه ياكـود ليـل
لا اسهره بأول غروبه وموت بمطلعـه

والله ان العشق جمره وطاحت بالشليـل
وان حصل ماطاعك الوقت بحبابك طعـه

من هو اللي علم عداي نكران الجميـل
ومن هو اللي خان خلي وحـاول يقنعـه

كل عاذل ردني عنك يالطـرف الكحيـل
ياعسى الله يقلعـه ياعسـى الله يقلعـه

يامعرض قلب الاحباب للـدرب الطويـل
السعه لا بـارك الله بالضيـق السعـه

والله ان الوقت قاسي وانا مانـي ذليـل
واشهد ان الرجل مرات ظنـه يخدعـه

وانتم اتعذلون خفـاق بعيـون العديـل
مارحمتم نـار جرحـه وحيـرة مدمعـه

والسوالف ليلها ليـل والحايـل يحيـل
والمشاكـل مشكلـه بمشكلـه متجمعـه

مشكله لا خانك الوقت بالحمـل الثقيـل
لو زرعت الزرع هوج العواصف يشلعه

ومشكله لاصار عاذلـك مايبـرد غليـل
لا تـرده طيـب كلمـه ولحـدً يمنعـه

ومشكله لا صرت مطعون بكفوف الدخيل
في ظهرك اربع خناجر وبالصدر اربعـه

بوقـت مـن البطا،وبليـل تتـراقـص شياطيـنـه
بعد شفت الضيا ينـزع مـن ثيـاب المسـا ثلثيـن

تحايلـت المنـام اللـي مـثـل بيـتـك تمريـنـه
وانا اللي من تفارقنا وأنـا ماغمضـت لـي عيـن

غريبـة كـل حلـم يـمـر بـرقـادي تزوريـنـه
والاغرب كيف أحلم الحلم،وارجع واحلمـه بعديـن؟

قبـل يومين،شفتـك بالمنام..وقمـت مـن حينـه!
ونمت أمس،ورجع نفس المنام اللـي قبـل يوميـن

أنا اللي قبـل اسافـر شلـت قلبـي مـن شرايينـه
تركته فـي يـدك مثـل الأمانـه ،واحفظيهـا زيـن

تـرى حفـظ الأمانـه دين..مجـبـورة ترديـنـه
أجل ، مافيه أحد كد قال لك(حفـظ الأمانـة ديـن)؟!

مـرد المقفـي بيلفـي.. ويستـوفـي ،وتوفيـنـه
بعـد ليلـه ،ثلاثه،أربعه،عشره،شهـر، شهـريـن

إذا انتـي ،ماانتـي بقـد الكـلام اللـي تقوليـنـه
حرام..استامنك حاجـة،وإذا جيـت اطلبـك تنسيـن

تخونين،وتبيـن أرضى.!وأحـد يرضـى تخونينـه!
أنا لاجيـت أخونـك، مـع حبيبـة ثانيه،ترضيـن.؟

من أول مارجعت من السفـر ماشفـت لـك بينـه؟
وأنا اللي كنت أحسبك قبل ادوس ارض المطار..تجين

تكونين أنتي أول شخـص عينـي تحتضـن عينـه
وكنـت أتخيلـك مـن زود فرحـة رجعتي..تبكيـن

وأشـوف بدمعتـك حكيك..وأعرفـه قبـل تحكينـه
واجيب أحلى مـن اللـي بتحكينه،وأتركـك تحكيـن

تقولين:الـوطـن نـور..وأقـول بنورمضـويـنـه
تقولـي لي:غديـت أحلى،وأقول:عيونـك الحلويـن

كــلام نــام بشفاهك..وخفـتـي لاتصحـيـنـه
ذخرتيـه لغـرام للـي ينام...ويـتـرك تصحـيـن

تغانمـتـي غيابي..لـيـن رجحـتـي موازيـنـه
تعلم مـن يـدك لمـس الكفـوف وعلمـك تجفيـن

وليتـك لاقـيـه بــه شي..فيـنـي ماتلاقيـنـه!
مهـو بغرور..لكـن خابـرك مالـك أمـل تلقـيـن

تغافلـك بغـلا..والإ الحـلا مهـو بمـن زيـنـه!!
تزينه الصور ..بس الصحيح ابـن الحـلال زويـن

وأنـا مانـي بنقـاص عنـه يـوم أنـك تبديـنـه
نصيبي..هو نصيبي لـو يسددهـا مـن الصوبيـن

قنـوع بمظهـري ،والـسـم مايـذبـح ثعابيـنـه
على قول المثـل مانـي حلو..لكنـي مانـي شيـن

إذا أهـداك الزهـر مره،فأنـا اهديتـك بساتيـنـه
وإذا ألهاك بفرح ليلـه، فانـا تهـت لبكـاك سنيـن

وإذا استضعفـتـك أملاكه...وشتـتـك ملاييـنـه
أنا حتـى فتـات الخبـزة أقسمهـا معـك نصيـن

طموحـي ،بـس أجـي وأظفـر بشـي تستحقينـه
تدينـتـه ،تسلفته،سرقـتـه ،مومـهـم منـيـن؟

كأنـي مـن كثـر ماارضـى بكـل اللـي تمنيـنـه
لـو انـك تطلبيـن الله ..يعنينـي، بقـول آمـيـن

أنا ماالعب علـى الحبلين،وقـت الطيـش وسنينـه
تبين الحين يوم أني كبرت العـب علـى الحبليـن؟

ترى عنـد البـدو بالـذات عيـب اللـي تسوينـه
حـلاتـك لاعشقتي..تعشقيـنـي لـيـوم الـديـن

غـرامٍ نسكـن ضلوعه..حشيمـه مـن مجانيـنـه
جفا،يجمـع معزتنا...ولاعـشـق يــذل أثنـيـن

كـثـار الـلـي تحـدونـي وقالـولـي :تحبيـنـه
امانـه ...لاتخلينـي صغـيـر بعينـهـم تكفـيـن

لانــي كـــل ماقالوا(تخون)..اقول:مسكـيـنـه
عليـك الله وأمانه..علميهـم منـهـو المسكـيـن

أنـا خايـف لياطـاح الجمـل تكـثـر سكاكيـنـه
وأنـا ماعـاد بضلوعـي مكـان لطعنـة السكيـن

مثـل ماقالواالمكتـوب واضـح مــن عناويـنـه
لو ارحل منك للغربه بسافـر مـن ظلامـك ويـن؟

كفايه..كـل حـلـم يـمـر بـرقـادي تزوريـنـه
كفاية..مـن تفارقنا..وأنـا ماغمضـت لـي عيـن

قبل يوميـن شفتـك بالمنـام وقمـت مـن حينـه
ونمت أمس،ورجع نفس المنام اللـي قبـل يوميـن[/center]

المبزرة

منـك العـذر وعـلـي iiالمـعـذرة
لاتحسب حساب هجـر ولا iiهجيـر
كـل ذنـب بتذنـبـه iiبستغـفـره
واحـد مايعـذرك مافـيـه iiخـيـر
دور بصـدري وطـن iiواستعمـره
عندك مـن الضلـع الأول iiللأخيـر
عيش فينـي ودمـر اللـي iiتدمـره
واعتذر لي واعتبـر سـرك iiفبيـر
لاتبشـرنـي بـجـرح iiوتـذخـره
لاتعشمنـي بـحـزن iiوتستخـيـر
ولاتنومـنـي بلـيـل iiوتسـهـره
ولاتنـام الا ونـا جفنـي سهـيـر
خلنـي مثـل النـجـوم iiمبعـثـره
عيش فينـي لاشهيـق ولا iiزفيـر
لاتقـول العفـو عنـد iiالمـقـدرة
خل قلبك صلب وحسابـك iiعسيـر
المسامـح والـزعـل iiللمـبـزره
والا أنا لانـي زعـول ولا iiصغيـر
ودي أدري كيـف للحـزن iiأثمـره
ودي أقطف مـن قساوتـك iiالعبيـر
ودي أجفل مـن فراقـك iiوأحـذره
ودي أعرف لو فقدتك وش iiيصيـر
لو تقدر خاطـري صـدق أكسـره
لـو صحيـح تحبنـي iiلاتستشيـر
أزرع بقلبـي سـبـب iiيستنـفـره
أثبت أنك غير وأن النـاس iiغيـر
شاعـرك ماكـل بنـت تجـرجـره
حارت بـه عقـول نـاس ماتحيـر
النسـاء ماحركـن فيـه iiاشـعـره
ثار عشـق ومالقـى شـي iiيثيـر
أن سكـت كـن الوقـار iiبمنـبـره
وأن تكلـم زمهريـر iiبزمهـريـر
مايحضـر الا القلـوب iiمجمـهـره
ومايغيـب الا وعشـاقـه كثـيـر
أن هجرتـه تستـقـر iiبمحـجـره
وأن تبعت رضـاه ماعينـت iiخيـر
اسكنـه لكـن بـعـد iiماتهـجـره
ابتسم لـه بـس لاشفتـه iiكسيـر
حـن لكـن حـن لاجبـت iiاخبـره
حـب لكـن خـل حبـك iiبالأخيـر
لو عطيته وجهك أعطـاك iiاظهـره
صد عنه ويتبعـك مثـل iiالضريـر
لاتـحـاول تكسـبـه iiماتخـسـره
صير ثلج يصير لك مثـل السعيـر
ماتميـل الا الغصـون iiالمثـمـره
ومايسيل من الجـروح الا الغزيـر
من قبـل لاتنقهـر منهـى iiأقهـره
قبـل لايستحقـرك خلـك iiحقـيـر
استفزه،شتـتـه، فــج iiانـحـره
iiاعشق،أكره،عاتب،أشره،حن،غيـر
أنثـره ،لملمـه ، لملمـه ، iiأنثـره
صد ،كابر، طير لـو تقـدر iiتطيـر
مـن متـى ونـا تحرالـي iiمــره
تثبت أنـي لاوقعـت أوقـع iiكبيـر
أبك أنا مقطوع من غصن اشجـره
لاصديـق ولارفيـق ولا iiعشـيـر
ابـدوي شيـب الصبـر iiاشـعـره
ماعرف ريش النعـام ولا الحريـر
أن غفـا كـن السحـاب iiيـدثـره
وان صحا يفرش من الرمضا حصير
ماخـذ مـن قسـوة البيـد iiأكثـره
ومن شموخ البدو شـر iiمستطيـر
جنتـه صحـراه والشـوك أزهـره
والسـراب بنظرتـه مثـل iiالغديـر
أن فـزع يامشجـعـه iiيامظـفـره
من خلـق الله وهـو قـرم iiوفقيـر
كـان ماتقـدره قـول iiماتـقـدره
صير غالـي صـدق ولاا iiلاتصيـر
الغـلا اللـي ماتزعزعـه اهجـره
كـان قلبـك لايجـار ولا يجـيـر
شوف لك واحـد بليـد iiاستحقـره
واجد اللي يعشقـون بـلا iiضميـر
بس أنا لو جبـت لـي ميـة iiمـره
ماتحـرك فـي شعـره لـو iiتطيـر

لو....ولو..ولو

أسمحيلي يا الحبيبه مابقـى فينـي iiسعـه
والصراحه طبع فيني هي حقيقة مو iiخيـال

الرجوله من صفاتي والـردي مـا iiنتبعـه
والحقيقة ما انتظرتك والحكـي لازم iiيقـال

ضيق الخاطر معاني فـي خيالـي iiبطبعـه
مع هنوفن صادفتني في مسافاتـن iiطـوال

أبعدت عني وراحت فـي طريـق iiالمنفعـه
مع عذولن كان ضـدي حبهـا حـب ودلال

لاتظنينـي بغيتـك لـو تركتينـي iiمـعـه
من تركني ما بغيته وموقفي موقف iiرجـال

لو نسيتينـي بفصلـن بتركـك iiبالأربعـه
ولو جرحتيني بيومن بجرحك طول iiالليـال

لو تكوني من ضلوعي ظلع فينـي بشلعـه
ولو تكوني لي حياتي موتها لجلـك iiحـلال

لو تكوني في عيوني نـور عينـي iiبمنعـه
ولو تكوني في خيالي صورتن مالك iiخيـال

ولو تكوني عرق فيني من وريدي iiبمزعـه
ولو تكوني شمس يومي صرتلك لحظة زوال

لو تناديلي بصوتـك فـي منامـي iiبسمعـه
وفالحقيقه ما سمعتك لـو تقوليلـي iiتعـال

من شرى شي بحلاله مـا يفيـده iiرجعـه
والحقيقه مـا صمدتـي بالعذايـب iiالثقـال

ما وطيتي من مقامي بإسـم ربـي بأرفعـه
ولو يحن القلب لحظه نحرمه لحظة iiوصال!!

قدها و قدود
أنا ربتني الدنيا علـى جـزل العطـا iiوالجـود
ونفسي للوفا والطيـب وفعـل الخيـر iiجزامـه

وأعارض منهج الهابط وأوافق للصعود iiصعـود
وأسيّر نفسـي بعقلـي مـدام النفـس هدامـه

ولا تثّر بي البسمة ولا كحـل العيـون iiالسـود
ولا يقوى على قلبي صغير الحسـد iiوأجسامـه

أردّ الجود بأمثالـه وأقابـل بالجحـود جحـود
وترى لا خير في رجلٍ يوطّـي للـردى iiهامـه

وعندي مع أهل العِليا مواثيـق وثـلاث عهـود
أوفـي لـه مطاليبـه وأودّه وأرفـع iiأعلامـه

أعايش مركب الدنيا على متـن القـدر iiمولـود
أبعرف هو صحيح إنّ القدر بالنـاس دوّامـه ii؟

ومن وين الزمن مقبل وإلى وين الليـال iiتقـود
ومن في هالزمن يقدر يوجّـه خطـوة iiأقدامـه

ومن له بالزمن غاية ومن عنده هدف iiمنشـود
ومن منّا قدر يعـرف خفايـا مقبـل أيامـه ii؟

عرفت إنّ الشقا باقي ، عرفت إنّ الحسد iiموجود
عرفت إنّ القدر يفرض علينا بأسـوأ iiأحكامـه

لقينا بالعرب حاسد وشفنـا بالعـرب محسـود
وبه ناسٍ لنا ضامت ، وبـه بالنـاس iiمنظامـه

وينقص بعضنا خـوّه وينقصنـا وفـاء iiوعـود
مدام الحسـد باقـي وبعـض النـاس نمامـه

ولا ترجى بها الدنيا من ربوعك يجيـك iiاسنـود
ولا تشره على رجـلٍ عيونـه خانـت iiأقدامـه

وقابل خطوة بخطوة وجازي بالصـدود iiصـدود
تناسى غلطة الصاحب عليك بلحظـة iiاخصامـه

ولا تخطي ترى لصبر الحليم اليا سـلاك حـدود
تروّى واعرف بضرب الحديـد تفكـك iiلحامـه

تجنب كسرة الخاطر ولو حبل الزعـل iiمشـدود
تراك بكسرة الخاطـر حكمـت القلـب بعدامـه

ولا تزعل على رجلٍ بذل لـك ولرضـاك iiجهـود
ولا تامن من الحاسد رضـاه ورفعـة iiابهامـه

نبي نصبر على الدنيا قلـوبٍ بالحيـاة iiزهـود
مدام إنّ البخت عيّـت توّفـق رمعـة iiسهامـه

وأنا ما قلتها راجي ولا أطلـب بعدهـا iiمـردود
ولكـن الفتـى ودّه يحقـق جملـة iiأحـلامـه

وبمشي لآخر الدنيا ولـو كـلّ الأنـام iiاقعـود
وعن وجه الزمن بكشف حقيقه وأرفـع iiالثامـه

صحيح إني صغير السن ولكـن قدهـا iiوقـدود
وأنا عندي مع الدنيـا مواقـف ترفـع iiالهامـه

طموحي يملي العالـم ولابـه للطمـوح iiقيـود
مدام إن الأمل طبعي ( عرين وصرت ضرغامه )

خلقنا الله من ترابه ولأحضـان التـراب iiنعـود
تحت رمل الثرى نبقى تغطـي جسمنـا iiخامـه

سلفنا ما لحقناهم تحـت قـاع التـراب iiرقـود
ولا يبقي من الميـت سـوى ذكـراه وعظامـه

ولو طال العمر فاني وترى عمر الفتى iiمحـدود
وكلٍ يطلـب المولـى يبيحـه يحسـن iiختامـه

وأنا بلّغـت بلسانـي وربـي والأنـام شهـود
وصحف البيّنة جفّـت وعنهـا رفعـت iiأقلامـه

الشعراء

مابقى الا سود الايام تحرمك الرقاد
كيف الاوهام تتجرءاتسريك مغبون
من متى تجزع من الدمع وتخاف البعاد
من متى تقضي بك ضنون وتجيبكضنون
صرت تاخذ كذبتي صدق ومزاحي وكاد
لو باكول اني بخونك تحسب انيباخون
ماتعرف ان كل شاعر يهيم بكل واد
وانهم دايم يقولون مالا يفعلون
ابكةانة لو كلت ابا انساك وانكرت الوداد
والله اني مانسيتك ولا هم يحزنون
من جزعمن صفعة الشمس يطمع بالبراد
ومن فقد وجهاته الخمس يلكة بيك ركون
اعتبرها هفوةانسان او كبوة جواد
لو تسمح فانت غالي ولو تجرح تمون
عند صداتك مروة وطعناتكضماد
خلهن لا راحن طعون ولا ردن طعون
خنجرك يستاهل الطعن ومتوني شداد
ومنكيازين الخناجر ويا بخت المتون
ردلي حنية المزح باحساس الجمال
خلنة واحد يجيصلب والثاني حنون
موت فيني واندفن فيك بثياب الحداد
وان حييت اموت لرضاكواحيا بك بهون
مرة ارقد بالكفن وانت ترقد بالمهاد
ومرة ارقد بالمهد وانت ترقدبالكفون
ادري ان شجونك شجون وعنادك عناد
وبلان اعنادك عناد وشجونكشجون
ربك اللي سخرك لي تقود وما تقاد
والله الخالق ولله في خلقه شؤون
ازرعضلوعي من رضاك وابشر بالحصاد
نعل ابو من جيت ترضيه وترد محزون
بس تسوالك بلدكول تسوالك بلاد
انت كل العالم بكون وانت لحالك بكون
مابعد محبتك حب ومرادكمراد
غير كونك سيد احشاي تدري من تكون
نعمتين اختصو الخلق من جودالجواد
كافل الارزاق من حيث مالا تعلمون
البنون ونعمة المال في عيونالعباد
زينة الدنيا بلا شك في كل العيون
مثل زينة دنيتي بس عندي شيءزاد
من عرفتك صاروا المال وانت والبنون
انتشي بك نشوة التيه لعناقالرشاد
وافزعلك بفزعة الكرن لشهاق الزبون
واحصنك تحصين الارزاق عن دربالفساد
واعشقك عشق المظاليم لفراك السجون
لو تزيد الشوق جمرة تحولني رماد
لو يزيد العشك شعرة بوصل للجنون
خلي هكواتك كبيرة ونظراتك بعاد
كانك انتبكبرك تهون منو اللي مايهون
ازعلك وارهن حياتي تحت رحمة ازناد
تهبة لا واللهالا انت والموت تهبون
عاد اذا ارضاك هرجي وانا اللي كلتة فاد
انا لله وانااليه راجعون
وانت باكر بتتعرف على ناس اجداد
والكلام يجيك من كل شكل وكللون
لا تحسب ان كل كلمة بتسمعها وكاد
ولا تصدك هرج شاعر وتخدعكالضنون
ودايم اعرف ان كل شاعر يهيم بكل واد
وانهم دايم يقولون مالايفعلون
حتى انا اللي كلت اعشكك ولا اطيك البعاد
يمكن اطلع لا عشكتك ولا هميحزنون

[ندعوك للتسجيل في المنتدى أو التعريف بنفسك لمعاينة هذه الصورة]

center][ندعوك للتسجيل في المنتدى أو التعريف بنفسك لمعاينة هذه الصورة][/center]

[ندعوك للتسجيل في المنتدى أو التعريف بنفسك لمعاينة هذه الصورة]

» حب بلا حدود للشاعر المبدع نزار قباني
» قصيدة الجمهر للشاعر حامد زيد
» فيديو قصيدة الجمهرة للشاعر حامد زيد
» موسوعة قصائد صوتيه للشاعر ناصر الفراعنة
» قصائد صوتيه للشاعر محمد جار الله السهلي