موسوعة قصائد الامير خالد الفيصل

اسرج حصاني

ما ينسينا الخطا حـــــــب الخشوم
ولا يطهرك المطــــــــر عشرين عام

مخطي تـــــــرضى لنا ظلم الظلوم
ومخطي تـرضى على شعبك يضام

بــــــايع شاري على شعبك تسوم
مــــــــــــــــا يهمك بالحلال وبالحرام

لاجـــــل شعبك بيننا كنت محشوم
لكن الحشمه خســــــــــاره باللئام

يوم فشلنا صــــــــــــــواريخ الخصوم
رحت يــــــا وجه الفلس ترمي كلام

من شمال ومن جنوب امسيتو قوم
وانت تنخى كـــــــــل مجرم بالظلام

واتفقتوا وخذكم الله يــــــــــــالرخوم
تطعنون الجار وظهور الكــــــــــــــرام

لا حيــــــــــــا فيكم ولا نفس تشوم
غركم فينا محبتنــــــــــــــــا السلام

كل غدار تجهــــــــــــــــــــــز للهجوم
مــــــن طمعكم ما حسبتوا للملام

المعــــــــــــــارك ما خذت ليله ويوم
سلموا جند الخطــــــــــا ما بالحزام

وعود الغـــــــــــازي من الغزو مهزوم
وامست ديــــــــاره من افعاله هدام

وطاحت قصورالتمــــــــاني والحلوم
واكتفيتوا في طلب ظـــــــل الخيام

نحمد الله شيخنا راعي عـــــــــزوم
والعظايم مالها غير العظــــــــــــــام

قام واللي يطلـــــــــــب العليا يقوم
مـــــــــــا ينوم إلى بغى غيره ينام

إنتهض مثــــــل العقاب اللي يحوم
لين جــــــات صقوركم مثل الحمام

شيخنا قـــــــــــــرم تحدر من قروم
الملك إبـــــــــــن الملك إبن الإمام