ألاخت الحنونة ام القلب الطيب

كنت أنا صغير لا أعرف شيء بالدنيا عندما ولدت وخرجت على وجه الدنيا حملتني امي كما تفعل جميع الأمهات مع أولادها
كانت أمي تقول لاختي (شوفي أخوكي الصغير شوفي ايش هو يشبهك)
فأختي كانت فرحانه كثيرا وقالت(اخيرا صار عندي اخ صغير علشان اهتم فيه واذاكرله واهتم بدروسه وووو.....)
انا راح اسمي اخوي محمد على اسم الرسول صلى الله عليه وسلم
وجى ابي وكان فرحان كثير
واختي قالت أبي سميه محمد
وأبوي بدون مقدمات وافق
وجيت البيت وامي شايلتني بحضنها وكانت اختي منتضره شوفتي لانها تبي تشيلني وتلعبني
وكبرت مع الزمان وكان اول يوم مدرسه لي بالصف الاول وانا كالعاده أخاف ومابي ادخل المدرسه لكن أختي قالت لي
(لازم تكون قوي ولا تخاف لأنك راح تتعرف على أصدقاء بالمدرسه )
(أحم معلومه من الصف الأول لين الصف الخامس الحريم وليس الرجال يدرسونا بالمدارس)
نجي لقصتنا
ومرة الأسابيع وكان عندي واجبات وما عرفت احلها فرحت لاختي وقلت لها ممكن تعلميني كيف احل الواجب
وكانت هي مشغوله جالسه على النت مثل شخص يجلس على النت
ولفت وجها وقالت اي اكيد راح اعلمك
وطفت الجهاز وجت حلتلي الواجب وفهمتني الدرس
ومرة الأيام وجت العطله وانا الحمد لله نجحت واول شخص شفته من اول ما دخلت البيت ( اختي ) نعم أختي
وكانت مبتسمه وفرحانه لأنها كانت متاكده أني راح أنجح
ووريتها شهادتي وقلت لها ايش رايك بالشهاده وقالت لي وهي تدمع مبروك يااخوي على النجاح وقالت لي خلينا نخبر ابوي وامي بالنجاحه
ومرت الأيام وكبرت صرت بالصف الثالث واختي خلصت جامعة
ومره كنت باجاوة اخر الأسبوع فرحت لغرفت أختي ودخلت ولقيتها جالسه على النت تشوف المواقع والمنتديات واستحيت اني اقول لها ممكن تلعبين معي
وسافتني وقالت: خير محمد وش تبي
قلت لها بكل خجل ممكن تلعبين معي
وقامت اختي طفت الكمبيوتر وقالت طبعا راح العب معك
قلت لها اذا كنتي مشغوله عادي لا تعبين نفسك
قالت لي انا كم اخ لي بالدنيا لازم أكون معك واخليك مستانس مابيك تجلس لوحدك
ومرة الأيام وجى رجل يبي يتزوج اختي وطبعا اهلي وافقو واختي قالت لاهلي لشرط ان اخوي يقول هو موافق ولا لأ
فجت عندي وقالت لي بكل صراحه : اخوي محمد تقدم لي رجال وراح يتزوجني انت موافق ولا لأ أهم شي رايك
فقلت لها طبعا هذا نصيب جا لك لازم توافقين
قالت اختي يعني ما تزعل مني
قلت لها لا ما ازعل
وجى موعد العرس وكانت اختي بكوشة الفرح كانت سعيده جدا وجت زفتها وقامت هي والمعرس واول ما طلعت قالت وين أخوي محمد ابي اشوفه فجيت لها وقالت لي محمد ماراح تكون وحيد اوعدك راح اكون بقلبك وقالت لما ترجع البيت روح لغرفيتي راح تشوف تحت سريري صندوق افتحه وشوفه
وخلص العرس واهلي نامو وانا رحت لغرفت اختي وطلعت الصندوق من تحت السرير وفتحته وشفت رساله وملابس صغيره لطفل عمره شهر او ثنين
ففتحت الرسالة وشفتها وقرأتها وكان مكتوب فيها
الى اخوي الوحيد محمد أنت لما كنت صغير كنت بعيني كل شي لو تعرف قد ايش السعاده الي في قلبي
لما انولدت ومسكتك بيديني وفرحت كثير قلت هذا اخوي الصغير الي راح اهتم فيه واراعيه بعيوني ومهما تمر
الأيام ماراح أخليك لوحدك راح أكون قدامك علشان ما تحس بالوحده راح اكون بعيونك راح اكون بقلبك علشان
تتذكرني راح تشوف ملابس صغيره كل الملابس هذه كانت لك انا يوم كنت صغيره اشتريها لك لما اروح للسوق او
اي مكان أتعب علشان اوفرلك الراحه وكنت اهتم فيك واساعدك لأنك أخوي الصغير وتذكر ياخوي أني ماراح أنساك
مهما نبتعد لأنك بالنهايه انت اخوي .
شفتو ايش الأخت الحقيقيه شفتو اختي كيف صارت نفس امي شفتو قد ايش اختي تعبت علشان تكون بجنبي وما تحسسني بالوحده
معقوله أخت تتعب نفسا وتكرس حياتها علشان تراعيني وتهتم فيني
معقوله اخت لما كانت على النت قفلته وجت تعلمني الدرس
معقوله اخت لما قفلت الكمبيوتر جت تونسني وتلعب معي
معقوله اخت اول ما تقدم لها العريس قالت وين اخوي لازم(الصغير) لازم اخذ رايه
معقوله اخت اول ما طلعت من العرس قالت وين أخوي(الصغير) أبي اشوفه قبل لا اروح لبيتي
لا مو معقوله في اخوات كذا بالدنيا يهتمون لأخوانهم واخواتهم واسرتهم
وفي اخوات تتعب علشان تفرح اخوانها واهلها
وفي أخوات مستهترات ما يهتمون لاحد اذا جى اخوها الصغير تزفه وتهاوشه ماتبيه يزعجها
اذا احد قالها ممكن تشرحيلي الدرس تقوله مني فاضيه روح فارقني
اذا احد قالها ممكن تلعبين معي تقوله روح العب بعيد انا جالسه على النت
طيب أيش أهم شي بالدنيا
أخواني واسرتي او الكمبيوتر والنت والخرابيط الي مالها داعي
أسف لاني طولت عليكم بالقصه بس هذي قصه صارت لي حقيقيه والحمد لله لحد الأن اختي تزورني وتشوفني لانها وعدتني انها ماراح تنساني
ارجوكم لا تهملو اخوانكم الصغار اهتمو فيهم

بارك الله فيك اخي الكريم على مرورك الحلو

شكرا على مروريك الرائع بارك الله فيكي يا اختي