سابع بيت ....عريان السيد خلف ..

تحيه طيبه

لكم احبتي الاعزاء

قصيده اعجبتني بشده

عنوانها

سابع
بيت ....للشاعر عريان السيد خلف

--------------------------------------------------------------------------------

سابع
بيت

لَمّيت المحابس ولضَمتها ابخيط عمري

وردت تدري ،
وحيف ما حَسّيت

جَمّعت السوالف ، ولو خدّ او عين

جوّتني وحشتي ،
وعالوهم ناديت :

ولك كَلبي توازه

وها كثر حَبّيت
.

نزع جفّه اعله جَفّي

وعافني اويه الناس

مَطفي
من الحزن ، حدّ زحمة الوهواس

ردت احجي

انطفه بطارف شفافي
الصوت

كَتلك : هاك كَلبي . إلكَيت ظلك ناس

يا كَلبي
الجدب

فاركَك طيب الطيب

وتعدّه العمر , وانكَطع نفس
الياس

أوّحدك ذبل ليلك بالثلج والكاس

وحدك تنطفي

ويصعد عذابك
زيت

وتخَّر عَتابه من الجدم للراس

وحدك

خيط
شمعه

ولاحها النسيان

تتفتّت . رماد اوهام ، من
تنجاس

تصعب

تنكسر . جف الصبر ميشوم طبعه

ولو لِنت . يالما
لِنت . تنداس

وحدك . بيد وحدك

والوكت داسين

ليل يعكَب
ليل

وداس ياكل داس .

يا ناكَوط عمري ، ابيا هفه اتبدّيت
؟

يا كَلبي اعله هاي اشجاك ، وتوازيت ؟

شفتك عالبعد

وأوميتلك
ملهوف

بجه لحالي الجرف ، من شافك توانيت

ذبّيت الحبل واستانست
بالتيّه

نزع روحي الفرح ، ومن الفرح غنيت :

ولك كَلبي
توازه

وها كثر حبّيت

فضحتني دمعتي

ولاخَذت وطّيت

يل
كَلبكَ طفل

وك بس إلك حَنّيت

ونشدوني : تحبه ؟

وجذب كَلت :
انسيت

لا شهكَة هلا ، ولا جرس يضوي الروح

لملمت العمر

وبكَلبي
صفنة ميت

كَالوا : خاف تنسى وياخذك دولاب

سديت الكَلب

واشمرت
مفتاحه اعله سابع بيت .

تقبلوا تحياتي

[ندعوك للتسجيل في المنتدى أو التعريف بنفسك لمعاينة هذه الصورة]

يسلموو اخي ابو وديع على المرور وبارك الله فيك

[ندعوك للتسجيل في المنتدى أو التعريف بنفسك لمعاينة هذه الصورة]

يسلموو اختي على مرورك تحياتي

السلام عليكم

رائعة جديدة من بوح قلمك

سلمت وسلم قلمك ويمينك

لاتبخل علينا بابداعاتك الكتابية

لاننا بحاجة اليها

دمت بود

تقبل مودتي واحترامي

اختك جسر المحبة

تحياتي الج اختي الكريمة نورتيني