غدر الاصحاب قتال ....

شفته بعيني هذني
هو وياها سوية
يضحك يغازل يغنـــي
والورد بايديهة هيـــة
تعجبت هذا حبيبـــــي ؟!
وشعجب شو غدر بية ؟!
وصدفة مر واحد بجنبي
گلــــي والله انتي خطية
چنتي عايشة بحلم وردي
وهسة شوفي هالبلية
*****
باوعته ودمعي غمرني
گتله وشجابك عليــة
سكت لحظات وردلي
وحسيت بگلبه اذيـة
التگولي عليه حبيبي
صاحبي وغدر بيـة
والتشوفيهة تغنـي
سببت الجرح ليـة
هم طعنوني بصميمي
ومافكروا شيصير بية
هذي كل قصتي وقضيتي
وهسة دااطيب البيــة
*****
وبعد مامــرت ثواني
اضحكت ضحكة قوية
صفن متعجب شجرالي؟
هسة چان الدمع بيــة
گتله اضحك على حالي
شگد جنت طيبة وغبية
بنيت حبنة بقصر عالي
ورسمت عيشة هنيـــة
وقصري انهار بثواني
وضاع كلشي من ادية
******
وسفة ونزلت دمعة
لشخص الغدر طبعــه
خان بية وخان ربعــه
واللعب عنده احلى سلعة
*****
گلي من هالوهم فيقي
وشوفي هسة الحقيقة
ورجعت اني بطريقي
والشخص راح بطريقه
*****
شمرت كل حبه وراية
واني اعرف النهاية
والله ليبچي علية
ويترجى ويبوس ادية
وساعتها مايلكه بية
ذيج البنية الوفية
*****