تـــعــــاتـــبـــني لـ مبارك بن قويد "صوتية "

[ندعوك للتسجيل في المنتدى أو التعريف بنفسك لمعاينة هذا الرابط]
تعاتبني على الغيبات عينه

ونظراته من الفرقا حزينه

وانا والله ماصديت عايف
ونذر ٍ ماعشقت الا يدينه

مسافر للشقا والحظ عاثر
وموج الحزن يلعب بالسفينه

مسافر وين انا والله مدري
مسافر بس والطرقات شينه

مسافر دون قلبي دون روحي
خوي الهم شف عيني بعينه

يهب الحزن وصده بيدي
وجذع القلب يتساقط حنينه

تعزويبي انا سيفك ورمحك
بموت وماكسبت الا الثمينه

عشقتيني وانا استاهلك والله
وقلبي يالغلا تستاهلينه

احبك وان سألتي وين قلبك
بقول " القلب في ايدي امينه"

احبك وان بغيتي زود احبك
بحبك كثر هالحزن وسنينه

كسرت بخاطرك والعذر اسف
وقلبك عاقل وروحك رزينه

تعذريني فديت اللي عشقني
وخلي همومنا بصدري دفينه

سألتك بالذي سوى عيونك
تسامح من جرح له " ياسمينه "

وانا أوعدك لو حبيت ثاني
" بحبك مرة ٍ اخرى حزينه "
[/size]

تعبت

تعبت أنزف جراحي حبر و أدور للألم أسباب
لجل أكتب شعر يحكي بعض أصغر معاناتي

قفلت من الأسى بابي وسجنت الكون خلف الباب
وعصتني دمعةٍ فيها سؤال لكل اجاباتي

ملل أخبار حسّادي أحد صادق وأحد كذاب
و أحد ما طال تجريحي و أحد عايش لزلاتي

أنا ما زادني شعري ولا زادتني الألقاب
تجي دنياي أو تدبر عزيز ف كل حالاتي

أنا فرحي لمِن حولي وأيامي فدى الأصحاب
قصيدي بلسم المجروح ونبض الناس أبياتي

كسرني قلبي المكسور نادت دمعي الأهداب
تعبت أركض ولا أوصل ولاتوصلني غاياتي

أبي ذل ٍ يغطي الأرض لك يا رب يا وهّاب
وابي أحيا جبيني فوق ما تملكني رغباتي

من الدنيا أنا مابي سوى عفو العلي التواب
ويحسن خاتمة فعلي ويغفر لي ضلالاتي

أبملا العمر "بالتوبة" و "نوح" و "هود" و"الأحزاب"
متى كانت سنيني عمر انا عمري في ركعاتي

» عناوين السفارات الاجنبية في "الجزائر" "المغرب" "تونس"
» روراوة : "الفراعنة" استحقوا الفوز على "الخضر" والتأهل للنهائي
» موقع مهم "للمغاربة" لتتبع على النت طلب التاشيرة "الايطالية"
» "أسود" الكاميرون تصطدم بعقبة "الفراعنة" في ربع النهائي
» موقع مهم "للجزائريين" لتتبع على النت طلب التاشيرة "فرنسا"