اَبِي اَبْكِي مِنْ الضِيْقَهْ وَابَعْزِفْ لِلْهُمُوْمْ أَلْحَانْ ..}~

[size=12]أبي ...ابگي من الضيقة ,وابعزف...(للهموم ) ألحان

أبي..اطلق مواويل الحزن,وبطرح گل دواويني

أبي..أشگي,أبي.. احگي,ابوصف للبشر حرمان

أبيهم ...گلهم يدرون, أبيهم يشعروا (فيني)

أبي لا من (طرى) اسمي بگى من لوعتي... شيبان

أبي لامن طرى((عاشق)).. ذگر من گان يغليني

أبيهم ... يذگرون أني صرت بدمعتي غرقان

أبيهم يعرفون الهم...هواللي صار يخاويني

أبي أصرخ ... وأبلغهم وأقول ::أن الفرح خوّان

يجي مرة معاي ... و هو (طول) العمر ناسيني

أبي... اترگ لهم قصة ... وأخيّرهم على العنوان

يسمّوا ((حزن )) ؟,يحطوا ((دمع))؟’،ما عاديعنيني

أبي ... لامن وصل صوتي يحس بضيقتي إنسان

أبي... لامن نزف (جرحي) لقيت اللي يداويني

أبي شخص يجي يمي...و يقفل للعنا بيبان

أبيه يگون لي (خلٍ).. وعلى حزني يواسيني

أبيه لمرگبي مرسى,,وأبيه لغربتي أوطان

أبي...لامن ذرفت الدمع لقيته لي (يعزّيني )

أنا ما أبيه يصبح ضلع ?? أبيه يگون لي ضلعان

أبي .. لا من مشيت وطحت يحط يديه في يديني

إلامن خانني التعبير...أبيه (يگون) لي لسان

أبي لامن سگتْ ألقاه ’، يفهم ...من نظر (عيني)

أبي لا من تعبت وضقت...يلم الروح بالأحضان

أبيه يگون لي گتاب...إذا ضاعت عناويني

أبي..أعشق, وأبي...أغرم ,وببني للهوى بنيان

أبيه يگون مبنى ( ضخم ) ويسگن فيه مغليني

أبي واحد يسگن بي... وابطرد لأجله السگّان

أبي يسگن وسط (قلبي)...وعمره ما يخليني

أبي أشعل (شموع )الحب ,وبأعطي من الغلا بستان

أبي...أهديه (باقة) ورد ’، مسقيها شراييني

منقول
[/size]

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

موضوع رائع ومميز تقبلو مروري

[ندعوك للتسجيل في المنتدى أو التعريف بنفسك لمعاينة هذه الصورة]

» آحْ ـــيَانآا..تِنْتِظَرْ قُدُوَمْ شَخْصْ مِنْ آلْمَاضِي
» أَلْــــوَانُ اَلأصْـــدِقاءْ ..فَأيُ لونٍ مِنْ اَلأصْدِقاءِ أَنْت..؟!
» تفسير قوله تعالى ـ عن النحل ـ : (ثُمَّ كُلِي مِنْ كُلِّ الثَّمَرَاتِ ) .