اكلات مصرية روعة جنان ادخلى وجربى

اكلات مصرية روعة جنان ادخلى وجربى
اولا الملوخية
الملوخية
الخضراء تقطف وتغسل جيدا من غير ما تفركيها علشان متنزلش المية بتاعتها
وتترك لحد ما تنشف ممكن تحطيها تحت المروحة وبعد ما تنشف حطيها فى الكبة
اواخرطيها بالمخرطة ودى احسن طبعا وتكونى سخنتى الشوربة بعد كدة ضعى السمن
فى الطاسة وضعى الثوم بس ياريت يكون مناسب لمقدار الملوخية وحمرية طبعا
هتكونى وضعتى الملوخية فى الشوربة المغلية وحطى الثوم الساخن وتسمعى صوت
الطشة واطفى النار على طول واستمتعى بقى باحلى اكلة فى الدنيا
معلومة
اضافية لو كانت الملوخية ناشفة بعد ما تحمرى الثوم ضعى فية شوية كسبرة
خضراء وقلبيها مع الثوم وحطية على الملوخية بيغير طعمها خالص بيخليها زى
الخضراء بالظبط

ثانيا الفتة المصرية

المقادير كيلو لحمة ضانى
واكثر من نصف كيلو ارز
ثوم كترى منة حطى على قد ما تقدرى
عيش بلدى قطعية مكعبات وحمرية فى الفرن
الشوربة بتاعت اللحمة الضانى وليمون وخل
الطريقة
اولا اسلقى اللحمة وطبعا متنسيش تحطى فيها فلفل اسود وبصلة كبيرةوبعد كدة
اعملى الارز بالطريقة العادية يعنى تحطى السمن وتضعى الارز وتقلبية لمدة
دقيقتين وتضعى الماء والملح وتسيبية لحد مايستوى بعد كدة طلعى اللحمةمن
الشوربة وحمريها فى السمن
بعد كدة هاتى طاسة وحطى فيها ثلاث ملاعق
سمن بلدى وافرمى الثوم وحطية فى السمن وحمريةوهو على النار حطى فية خل
يعنى طشية بالخل والليمون واحدة تكفى وحطيهم على الشوربة الساخنة
بعد
كدة هاتى صينية بيركس وضعى طبقة من العيش المحمروضعى عليها قليل من
الشوربة وبعد كدة ضعى الارز كلة بتنسيق طبعا لمراعاة شكل الاكلة وحطى
الشوربة على الارز من غير ما تغرقيها يعنى ضعى الشوربة لحد ما تحسى انها
مظبوطة
وفى الاخر ضعى اللحمة المحمرة من فوق وكلى وادعيلى

ثالثا كباب حلة
المقادير كيلو لحمة بقرى او ضانىوقطعية قطع متوسطة
فلفل اخضر قطعتين
طماطم مبشورة واحدة تكفى ويمكن الاستغناء عنها
بصلتين متوسطتين وفصين توم
كوب زبادى وزيت وبهارات وليمونة
ثانيا
الطريقة ضعى اللحمة المقطعة وابشرى البصل وفصين الثوم وكوب الزبادى وقطعى
الفلفل واخلطيهم جيدا وضعى الفلفل الاسود والبهارات وقليل من الزيت وضعيهم
فى وعاء محكم الغلق وحطية فى الثلاجة لمدة لا تقل عن الثلاث ساعات وبعد ما
تطلعية من الثلاجة سخنى القليل من الزت فى طاسة كبيرة وضعى الخليط فى
الزيت واصبرى علية لمدة ساعة او اكثر مع التقليب المستمر ولو خلصت المية
حطيلة القليل من الماء واعملى معاة ارز وبطاطس مقلية وبالهنا والشفا

رابعا البامية الخضراء

المقادير نصف كيلو بامية خضراء
شوربة لحمة
ثوم
الطريقة اغسلى البامية وقطعيها قطع صغيرة يعنى شرائح رفيعة جدا وسخنى الشوربة وضعى البامية فيها
وافرمى
الثوم وحمرية فى السمن وحطيه على الباميةوياريت ماتخدش منك وقت على النار
يعنى زى الملوخية بعد كدة هاتى اى حاجة بتكونى بتهرسى بيها الاكل ودقى
بيها فى الحلة لحد ما تحسى ان البامية اتفركت كويس وكليها بالهنا والشفا
ممكن تعملى معاها محشى او مكرونة

بارك الله فيك أختي جسر المحبة على هل مواضيع الرائعة

[ندعوك للتسجيل في المنتدى أو التعريف بنفسك لمعاينة هذه الصورة]

» اكلات خفيفة وسريعة التحضي
» مجموعة ازياء مختلفة للمحجبات ادخلى واختارى استايلك
» مجموعة ازياء مختلفة للمحجبات ادخلى واختارى استايلك
» أحبه وحبه جاب لي جنان ....
» نكت مصرية