قصيدة ياصاحبي وان زاد ظلم المخاليق

قصيدةللشاعر عبد الرحمن بن سعيد
تتكلم عن الظلم

هين مردك للفرج يأكبـر الضيـق
دام الليـالـي تقتفيـهـا لـيـالـي
هي بس تبغى طول صبر وتوافيـق
وأشيل هـم النـاس كلـه لحالـي
وعمر المربط مايسـوق المطاليـق
والحر ماترضيـه غيـر المعالـي
ياصاحبي وإن زاد ظلـم المخاليـق
فلاتحسب إن الله عن الخلق سالـي
والطيب يمحى العيب عرف ومواثيق
والا الخطا ماله على الطيب والـي
واللي جرحني بين حدب ومعاليـق
مأخفي عليك انه الى الحين غالـي
ياحلمي اللي مالـك اليـوم تحقيـق
حبك حقيقي بـس وصلـك خيالـي
والحب يفضحني وان اخفيته يويـق
وإن مامضالـي بالوفـا مابقـالـي
جرحتني مختـار ياحالـي الريـق
واسامحك مجبـور يـاراس مالـي
صوره ولا يحتاج الإحساس تعليـق
أركض رجا ويطيح ميّـس ظلالـي
وان كان بيبان المشاعـر مغاليـق
فماهو جديد ان الزمـن ماصفالـي
ليت الهوى جمعه ولا فيـه تفريـق
أوليـت ماللبعـد فالقلـب صالـي
ياصاحبي وان شلت لك فوق ماطيق
فأنا لحالي جيـت وأرحـل لحالـي
وهين مرده ينتهـي كـل هالضيـق
وأقـول للمـره الأخيـره تعـالـي.

[ندعوك للتسجيل في المنتدى أو التعريف بنفسك لمعاينة هذه الصورة]

» قصيدة الأقدار
» اقسى قصيدة حب
» قصيدة غير -----فزاع
» قصيدة لحصار غزة
» قصيدة لعشاااااااااااااااااق الكمبيوتر لا تفوتكم