تمشي بي الدنيا على غير ما اطيق..!!

لـو البحـر ياخـذ هـمـوم المخالـيـق.
نثـرت همـي فــوق شاطـيـه كـلـه

ياكثر ما سليت نفسي عـن الضيـق
اثــره مـعـي مـثـل المـبـاري لظـلـه

تمشي بي الدنياعلي غير ما اطيق
كـن السعـاده درب مـاصـرت ادلــه

واحيان تصفقني مع الوقت تصفيق
واعيـش فـي صـدمـة حـيـاةٍ ممـلـه

شـرعـت بيـبـان الـوفــا للمـواثـيـق
ولـقـيـت بـيـبـان الـغــدر مسفـهـلـه

وانـا لـو انـي للغـدر ناشـف الريـق
امـــوت حـلـقـي بـالــردى مـاأبـلــه

( صحيح شي يشقق القلب تشقيـق
لا شلت هم وصاحبـه مافطـن لـه )

صــديــق لـكـنــه قـلـيــل تـوافــيــق
ذيبـن وخـاوا لـه مـع الـدرب عـلـه

اشعلـت لـه شمعـة وفـا بالمعاليـق
واقفيـت عنـه وخاطـري فيـه غلـه

ويلومـنـي خـبـلٍ يـحـط المسـاحـيـق
مـثـل الفـتـاه الــي بـصـدر المجـلـه

هـذاك مـا طبعـه طبـوع المطالـيـق
وده ابطـيـنـي صـاحـبـه واسـتـغـلـه

مايدري ان جبـال نفسـي شواهيـق
ومعانـقـة صــدر السـحـاب بمحـلـه

تقرانـي حـروف القصايـد طواريـق
ونفسـي تحاسبنـي علـى كـل زلــة


كل ودي لكم..