انا لاجيت اسولف عن شعوري قمت اسولف فيك

[ندعوك للتسجيل في المنتدى أو التعريف بنفسك لمعاينة هذا الرابط]

ابد والله.. سمعت بطاري عيونك وجيت اغليك

يقول القلب سلملي عليه ويطلب وصالك

حبيبي وش تقول بعاشق قصة غرامه فيك

نسى الدنيا ومن فيها وجا ينشد عن احوالك

حبيبي جيت لمصافح مواعيد الفرح بيديك

وجيت اعطي يمينك حب ماتدريبه شمالك

اشوفك واسمعك قبل اعرفك واشتاقلك وابيك

واحس آمال عمري من عرفتك تشبه آمالك

انا ماعشت قبل اعيش بحساسك وقبل اجيك

حبيبي جيتك بقلبي ولو ماجيتلك جالك

احاسيسي كريمه وانت تستاهل كرم غاليك

ترى لو ماأشرقت شمسك وصل.. رحت اتبع ظلالك

يقولون العرب ((دار بلا مغليك ماتغريك))

واقول انك بليّا حب كنك عايش لحالك

انا لاجيت اسولف عن شعوري قمت اسولف فيك

وانا ادري رغم كل الشوق مامريت في بالك

دريت ان الغلا مثل القدر يرضيك لو يبكيك

ولاينفعك بعلوم الغلا عمك ولا خالك

مابين الحلم والواقع يصيبك حظي ويخطيك

متى تصبح قريب اللي وقف بآماله اقبالك

ولاتزعل من اللي لازعل منك رجع يرضيك

و لاتطري كلام البعد.... فال الله ولا فالك

[ندعوك للتسجيل في المنتدى أو التعريف بنفسك لمعاينة هذه الصورة]

ابدعت وكما انت لا ترضى الا بالابداع

راكان

جميل البوح

وعذب الحرف

يالروعتك الاروع
من النسيم

ورودي لك اخي

وارجو ان تكون بالف خير