عشرة فروق بين الشــاب الخليجي والشــاب الأوروبي ... !!!

السلام عليكم ورحمة
الله وبركاتة

أولا : الطفل الخليجي من صغره يعني في عمر أربع سنين يلعب بالتراب ويتراجم
بالحصى ...

بينما الطفل الأوروبي يلعب بالثلج ويسوي رجل الثلج واذا بيلعب مع
ربعه يرشهم بالماي ...

• ثانيا : الطفل الخليجي اذا بدا يروح للمدرسة يصحى وهو يصيح ويصارخ وما يرضى الا
يعطونه بسكوت كل شوي ..

بينما الطفل الأوروبي يا حياتي أول يوم يروح للمدرسة
وهو يضحك ويغني ومبتسم ..ويرجع يعلم أهله وش سوى في المدرسة

• ثالثا: الطفل الخليجي في سن عشر سنين جاحد مع
البنت .. يا يلعب كورة يا يلعب بلاي ستيشن ..واذا جت البنت يا حياتي تبي تشاركه
صارخ في وجهها ( وخري هذي لعبة أولاد مو لعبة بنات روحي العبي بعرايسك ) ..

بينما الطفل الأوروبي في سن عشر سنين يحسب حساب البنت معه قبل أي شي ...
ولا عمره يقول لها روحي العبي بعرايسك

• رابعا
: في سن 16- 20 الشاب الاوروبي اذا اعجبته بنت يروح
يعطيها وردة ولا قطعة شوكولاته أو اسطوانة موسيقية يعني كرمز للإعجاب
..

بينما الشاب الخليجي اذا فرضنا أنه أعجبته بنت ..يعطيها ورقة مشقوقة
مكتوب عليها رقم <<< قمة الرومانسية

•
خامسا : الشاب الأوروبي اذا حب بنت يقوم يعلم أهله أن
فلانة حبيبته ويصير ما يروح ولا يجي الا معاها ..

بينما الشاب الخليجي اذا
حب وحدة يكتم الامر ليه مو عشان التقاليد عشان يقدر يغازل غيرها ..واذا علم أحد
يعلم ربعه <--- يعني اني مطيح بنات

• سادسا
: الشاب الأوروبي اذا ذبحته الرومانسية خذ حبيبته في قارب
على النهر وقام يجدف ويطالع فيها <--- حبيب هالشاب ..

بينما الشاب
الخليجي اذا قالوا له ربعه بأنه نصاب ولا يعرف بنات.. يصير همه يركب حبيبته في
سيارته ويمر فيها بشارع مظلم ويوقف عند بقاله كل ربعه مسنترين هناك يعني شوفوني
مركب بنت ...
وعلى فكرة بعضهم يركبون شغالاتهم ويلبسونهم عبايات الشكوى لله
المظاهر خداعة

• سابعا: الشاب الأوروبي يجيب لحبيبته هدايا يا ورد يا ساعة يا عطر أو لعبة
...ويفرح اذا شاف حبيبته تستخدمهم ..

بينما الشاب الخليجي ما يعطي البنت
الا قطعة الورقة اللي قلنا عنها من أول ( الرقم ) وبعدين يصير ياخذ منها وهي على
نياتها تحط له كل يومين هدية في محل بإسمه وهو يجي ياخذها <-- ماكو ذووق عند
الشباب

• ثامنا: الشاب
الأوروبي لا سمح الله لو تزاعل هو وحبيبته والا تفارقوا تلقاه يتحلطم ويبكي ويقول
أنا السبب انا اللي ماعرفت أصونها

بينما الشاب الخليجيي ..اذا حبيبته
انخطبت ولا طنشته وهو أصلا ماعنده نية يتزوجها يبدا يهدد ترى بأنشر رقمك ترى بأفضحك
..غير الازعاجات كل يوم وكل ليلة ..على جوال الضعيفة <-- عقوول ناقصة !

• تاسعا : الشاب الأوروبي
دايما يسأل حبيبته ..حبيبتي وش رأيك أسوي كذا ولا أشتغل كذا ولا أدرس كذا <--
يشاورها ...

بينما المحروس الشاب الخليجي ما يسأل البنت الا سؤالين
..تحبيني ولا لا ...والسؤال الأبيخ ..صديقي يبي يتعرف على بنت ما عندك وحدة من
صديقاتك أعرفها على صاحبي ...تراه رهيب. <-- مخ مااكو

• عاشرا: الشاب الأوروبي ينهي علاقته بالفتاة
اللي يحبها بالزواج ويكونون أسرة سعيدة ...

بينما الشاب الخليجي ..لا يمكن
و مستحيل وسابع المعجزات يتزوج بنت كان يعرفها الا يشطب على اسم عايلتها من البشرية
...ما بقى الا هي يتزوج بنت كانت تعرف عيال
...

من بريدي

» وصلت عملة الدينار الخليجي الموحد بين دول الخليج
» ***كلمات الالبوم *قانون كيفــــــــــــــــــــــك *الخليجي 2010 لفنانة العــــــرب اصـــــــــالة
» التضخم في دول مجلس التعاون الخليجي ودور صناديق النفط في الاستقرار الاقتصادي
» ملخص الدوري الأوروبي
» عشرة سفن كلها أعظم من تايتنك!!