كلمات اغاني سلمان حميد

{{ يلي على البال }}

ياللي على البال تطري و إنتا ماتدري
وش ذنب هالي يحبك وإنتا خليته
وش ذنب قلبن رسملك حبه العذري
وش ذنب دمعن على طاريك هليته

********************

لو كان عمري بديني فدوتك عمري
لكن عمري بدين إللي ترجيته
إنه يرد الزمان إللي على خبري
و أعيش ليلك و حلمن كم تمنيته
يوم إن قلبك بصدري و إنتا في صدري
ضيفن سكن في الحشى و أثري الحشى بيته
الأيام تجري و عمري بالشقى يدري
حتى الشقى منك رافجته و حبيته

*********************

أصبر على حالتي و يملني صبري
و أعيش في لوعتي و أقول يا ليته
و الليل في ناظري يا صاحبي يسري
و الشعر لجل الهوى جبته و غنيته
و إذا تكلم عذولي جلتله عذري
إن الهوى يذبح العاشق و أنا جيته
و إلى إنتا ما تدري إنك كل ماتطري
يصيح بين الحنى يا شي خليته

{{ لحن المفارق }}

بنتٍ تمر الظلوع وبيتها بيتها ماغيرتها السنين او ما تغيرت انا

يوم اكشفت عن مفاتنها وضميتها قالت لي الحب وش هو قلت بيت الهنا

************************************************** ***

ياليت مالي خفوقٍ ينبض وليتها إلا نعس رمشها ماعاد تسرف بنا

يغار قاميصها من لمس جاكيتها لاهزت اكتوفها كبر ودلع وانثنا

غضنٍ من الشوق اذا مال او تماديتها ان اقبل لنا وان ادبر لنا

اغلى المزايين واحلاهم شهر صيتها فقيرة الخصر والارداف ظفرة غنا

************************************************** ***

قالت يازين المطر قال المطر جيتها لين السحب حاصرتها من هناك او هنا

قال لسما الشمس علمني لا مريتها أبغي أشوف السنا لامنه عانق سما

خلتني البارحه وانا ماخليتها غنيت لحن المفارق والهجر والعنا

للحين وانا ضلوعي بيتها بيتها ماغيرتها السنين وماتغيرت انا

{{ الحرف العنيد }}

ارقصي مع نبض قلبي والقصيد

وداعبي بحر الشعر قبل الرقاد

بالانام الي طوع الحرف العنيد

وارسمي بلوحة حروف الوداد

**********

حرفي ينبع من خفوقي للوريد

ينسج الاحساس مع خط المدان

ينثني له رمش عن عيني بعيد

رمش سارق من جدا ليل السواد

**********
والله لعيون لها لحظ فريد

ناعسات كني ف شاه النواد

وان نظرت لحسنها شوقي يزيد

وان كان تبعد الوله والشوق زاد

**********

تلني برق النحر والجيد جيد

التماني لي ع المشراف عاد

لجلها ولعيونها صغت الجديد

والحروف استسلمت عقب العناد

{{ الى متى }}

الى متى والخفوق يذوب في شوقه
والى متى ذكرياتك تسكن اعماقي
والى متى يادروب الحب مفروقه
والى متى والليالي تبكي افراقي
**********
يبكي عليك الخفوق وتبكي عروقه
وقول بعد الجفا والهجر وش باقي
ماباقي الى القصيد وغالي طروقه
وحروف شعري بكتني داخل اوراقي
**********
القلب كنه يتيم ضاعت حقوقه
والروح تذكر زمان اول وميثاقي
ايام كان الحكي ياحلو منطوقه
ماغير كلمة احبك وانت اشواقي
**********
ايام كان الغلا تبرق لي بروقه
واليوم يبرق لي من الهجر براقي
ايام كان الهوى عاشق ومعشوقه
واقول ياغايتي يا كل عشاقي

{{ حب وغزل }}

كل عام وانتي اجمل غالية في هالوجـود
كل عام وانتي حسنك في عيوني يكتمل
انتظر في كل عـــام عيدج الغـالي يعـــود
لجل اضوي حروفي وانتثر شعر وغـــــزل
**********
قرت عيوني حياتي فرحتي دنـــيا السعود
عيدج وفرحج وشوقي مع شموعج يشتعل
سمــحيلي يامـــناتي ياشذى كل الـــورود
اعزم نجوم اليالي واحتفي فيج واحتفــــل
**********
خلي هذا الثقر يضحك واهدي الدنيا وعــــود
واهدي عمري ببتسامه وجهك الباسم امـــل
وان ضحكتي صرت احس الفرح ماله حـــدود
صرت اشوف الارض جنه والسما تمطر عسل
**********
قلبي وروحي وعيني كلهم عندي شـــهود
انه لج في كل واحد منــــهم اغــــلى محل
ربي يحفظج ويصونج من نظر عين الحسود
واحتفل باهلال عيـــــــدك كل ماعيــــدج يهل

{{ لبيه }}

لبيه يا لبيه روحي تلبي
في كل نبضي في شراين وعروق
مجنون شفتك شوفتك جننت بي
كان السما تحتي وهالارض من فوق
**********
مرسال شوقك اشتياقي لعبي
كأنك سرقت العقل ماعطيتني حقوق
ياليت تدري كم مسافات حبي
ماشفت حالتي من محبتك مسروق
**********
شرقي اشوفك وان تقبلت غربي
ماغيرك انته ذوق بعروقي يروق
اشتاق لك واشتاق شوفك بقربي
انته هنايه يابعد كل مخلوق
**********
ان قلتلي مشتاق ريقي شرق بي
وش عاد حالي كيف صاير من الشوق
حبك حبيبي ماخذن كل حبي
امر عليه لو على قطع العنوق

{{ طفله الورد _ سلمان +راشد الماجد }}

عشان عيون هالورده سنين اطول
تعالو انعد من واحد لين خمسه
ومن خمسه الا ماله نهايه نقول
لها عقبال مية عام يا شمسه

راشد الماجد

عقبال ميه وميه وبعدها ميه
والعيد يعزم فعمرك نفسه بنفسه
والشمع يهدي سنينك شمعه وضيه
ويزيد شمعه معك كل عام يا شمسه

سلمان حميد

لعيونج الزهر بسماته طفوليه
يرقص فعيدج ويهمسه للفرح همسه
ويقول انا الزهر لاكني انا هيه
من اليوم هذا نسمي الزهر شمسه

راشد الماجد

ياطفلة الورد والايام ورديه
والورد كل مايشوفك يحلم بلمسه
واحلامك البيض بالامال مطويه
لان انتي نور الصباح وضيه وشمسه

سلمان حميد

يافرحة امج يا دنياها الخياله
ياقرة عيون ابوج ويومه وامسه
ربي وهبهم بنورج اجمل هديه
سموج شمسه وصرتي لعمرهم شمسه

راشد الماجد

اطفي الشموع وتمني ياأجمل بنية
واحلى الاماني لعينك تبصم بخمسه
انتي تمني وغضي عينك شويه
ونقول لك من غلا لبيه ياشمسه

سلمان حميد

يله عسى السعد روضة قلبج وفيه
كل يوم يقبل فعمرج احلى من امسه
وعقبال ميه وميه وبعدها ميه
نطوي شموعج ونفرح فيج ياشمسه

{{ روضه }}

مثل فجر العيد أنتي .. لكن أنتي كل يوم
لج حضور يملى هالعالم أحاسيس وأمل
تفرح عيوني ياروضه والهنا حولي يحوم
كن وجهج يوم أشوفج عيد وأحساسي طفل

************

تدخلين القلب مثل الفرحه من بعد الهموم
يللي وصفج يثبت أن الزين ممكن يكتمل
وأن خذاني الوقت عنج وأبتدى قلبج يلوم
أعرف أنج أنتي أختي وما يفرقنا الزعل

************

عاليه ودايم تجيني فبالي لاشفت النجوم
كيف لا وأنتي بعددها لج وسط قلبي محل
والقمر كل ما توارى مستحي بين الغيوم
قلت سبحان اللي جمَل حسنكم نور وخجل

************

هاذي أنتي وتبقى عندي كلمة يا بنت القروب
غير أنج غاليه وأنج على قلبي عسل
أن موزه يابعد أحساسها دايم ودوم
لبتسمتي قلبها لج يطير ويحتفل

************

{{ طيب الفال }}

يسعد زمانك دوم ياطيب الفال
يا ذا العزيز إللي على المجد بادي
يا أغلى من الغالين وأغلى من المال
يا سابقٍ بأفعالٍ بيض الأيادي

************

مبروك يوم دبي نالت بك ظلال
يا درعها الوافي بكل أعتمادِ
حمدان وأنت الفخر في كل الأجيال
لك منزلٍ عالي بحسن أجتهاد

************

في ظلكم دبي بالزين تختال
دار العطا والعز نور البلادِ
وحزامها شيخٍ ومن دونه رجال
محمد إللي ضمها في الفؤادِ
حٌرْ سفوقٍ للمهمات حمّال
لبيه له لبيه ساعة تنادي

» .:!!:. كلمات اغاني الوسمي .:!!:.
» كلمات اغاني فيروز
» موسوعه كلمات اغاني شيرين
» كلمات اغاني عيضة المنهالي
» كلمات اغاني حسين الجسمي